https://gyzgyn.com/teg/zurnalistika Powered by Gyzgyn https://gyzgyn.com/119/turkmenistanda-zurnalistika-instituty-doredilyar Ýurtda bolup geçýän oňyn özgerişleri beýan etmek üçin Türkmenistanda žurnalistika instituty dörediler, bu sözleri prezident Gurbanguly Berdimuhamedow 26-njy ýanwarda geçiren hökümet maslahatynda aýtdy.<br /> “Türkmenistanda köpsanly dürli köpçülikleýin habar beriş serişdeleri hereket edýär. Olar eýeçiliginiň görnüşi, alyp barýan iş ugry, maglumatlary bermegiň usuly boýunça bir-birinden tapawutlanýar. Elbetde, olaryň ählisi üçin hem ýokary derejeli hünärmenler zerur bolup durýar. Emma, gynansak-da, häzire çenli ýurdumyzda bu giň gerimli wezipeleri ýokary derejede merkezleşdirip çözýän, degişli binýady bolan ýokary okuw mekdebi ýok. Şoňa görä-de, belki, žurnalistika we köpçülikleýin kommunikasiýalar institutyny döretsek, maksadalaýyk bolar” – diýip, TDH döwlet habar gullugy prezidentiň sözlerini sitirleýär.<br /> Bu mesele bilen medeniýet we köpçülikleýin habar beriş serişdeleri boýunça täze bellenen wise-premýer Bahargül Abdyýewa meşgullanar. Ol ozal Ministrler kabinetiniň medeniýet bölüminiň müdiri bolup işledi.<br /> Belleýäris, Türkmenistanda gazet-žurnallaryň aglabasy, şeýle-de tele-radio kanallary döwlete degişli. Şol bir wagtda Gurbanguly Berdimuhamedow telegepleşikleriň hilinden köplenç nägile bolýar, “mediada ýurtda gazanylýan üstünlikleriň we sepgitleriň ýeterlik beýan edilmezligine” gaharlanýar. Prezident 9-njy dekabrda geçiren hökümet maslahatynda bu ugurda degişli gepleşikleri taýýarlamagy tabşyrdy.<br /> 2018-nji ýylyň ýanwarynda Türkmenistanda “Tele-radio gepleşikleri hakynda kanun” kabul edildi we ol kanun ýurtda gazanylan üstünlikleriň beýan edilişine ýardam bermeli.<br /> <br /> ÇEŞME: Türkmenistanyň Hronikasy bahargul abdyyew,gazeta,zurnalistika,institut,tele-radio nazaroff 119 145 10 4 0 4 2505 Habarlar https://gyzgyn.com/119/turkmenistanda-zurnalistika-instituty-doredilyar Sat, 27 Jan 2018 13:52:16 +0000