Gyzgyn - "ykdysadyyet" teg entryler

Ykdysadyýet institutynyň rektory üýtgedi, näme pikir edýärsiňiz?

Guzel — Sat, 04 Apr 2026 15:00:09 +0000

Dostlar, düýn eşiden täzeligim meni birneme geň galdyrdy, Türkmen döwlet ykdysadyýet we dolandyryş institutynyň rektory wezipesinden boşadylypdyr. Ýokary okuw jaýlaryndaky şeýle üýtgeşmeler hemişe gyzykly, sebäbi bu biziň bilim ulgamymyza nähili täsir eder diýen soragy orta atýar. Men şol institutda okap ýören ýa-da işläp ýören tanymlaryň täze çemeleşmelerden umyt etmelidigini ýa-da dälidigini bilmek isleýärin. Siz bu ýagdaýa nähili garaýarsyňyz, okuw sistemasyny gowulandyrmak üçin nämeler etmeli diýip pikir edýärsiňiz?

Ýanwar 2019 - Türkmenistanyň jemi içerki önümi 6,2 göterim ösdi

gyzgyn — Fri, 08 Feb 2019 00:06:34 +0000

Türkmenistanyň Ministrler Kabinetiniň 8-nji fewralda wideoaragatnaşyk arkaly geçirilen mejlisinde wise-premýer G.Myradow döwlet Baştutanyna şu ýylyň ýanwar aýynyň makroykdysady görkezijileri barada hasabat berdi. Habar berlişi ýaly, geçen döwürde milli ykdysadyýetimiziň ähli pudaklaryny we sebitleri yzygiderli ösdürmek hem-de ilatyň hal-ýagdaýyny gowulandyrmak maksady bilen, toplumlaýyn çäreler üstünlikli geçirildi.
Munuň şeýledigine, ilkinji nobatda, jemi içerki önümiň durnukly ösüşi şaýatlyk edýär. Bu görkeziji 2018-nji ýylyň degişli döwründäki bilen deňeşdirilende, 6,2 göterim ýokarlandy.
Ähli ministrlikleriň we pudaklaýyn dolandyryş edaralaryň jemleýji maglumatlaryna laýyklykda, umuman, garalýan döwürde önüm öndürilişi geçen ýylyň degişli döwri bilen deňeşdirilende, 4,9 göterim ýokarlandy.
2019-njy ýylyň ýanwar aýynda bölek satuw haryt dolanyşygy boýunça görkeziji geçen ýylky bilen deňeşdirilende, 19 göterim artdy.
Ýylyň ilkinji aýynyň netijeleri boýunça döwlet býujetiniň girdeji bölegi 1,4 milliard manat, çykdajy bölegi bolsa 1 milliard manat möçberinde ýerine ýetirildi.
Ýurdumyzyň iri we orta kärhanalary boýunça ortaça aýlyk zähmet haky 2018-nji ýylyň degişli döwrüne garanyňda 9,4 göterim köpeldi. Oba milli maksatnamasynyň çäklerinde, önümçilik we durmuş maksatly hem-de düzümleýin desgalaryň gurluşygyna gönükdirilen maýa goýumlaryň möçberi 181,6 million manada deň boldy.
Döwlet Baştutany Gurbanguly Berdimuhamedow hasabaty diňläp, ykdysady toplumyň edaralarynyň öňünde durýan ilkinji nobatdaky wezipelere wise-premýeriň ünsüni çekdi. «Türkmenistanyň Prezidentiniň ýurdumyzy 2019 - 2025-nji ýyllarda durmuş-ykdysady taýdan ösdürmegiň Maksatnamasynyň» durmuşa geçirilişiniň barşyna gözegçilik etmek hem-de ministrlikler we pudaklaýyn dolandyryş edaralary tarapyndan maliýe meýilnamalarynyň ýerine ýetirilmegi bu ulgamyň edaralarynyň alyp barýan işleriniň esasy ugurlary bolup durýar.
Şeýle hem sanly ulgama geçmek maksatnamasyny üstünlikli durmuşa geçirmek, maýa goýum işjeňligini artdyrmak, ilatyň ýaşaýyş-durmuş şertlerini has-da gowulandyrmak boýunça bellenen çäreleriň öz wagtynda amala aşyrylmagy üçin anyk işler ýerine ýetirilmelidir diýip, milli Liderimiz nygtady hem-de wise-premýere degişli görkezmeleri berdi.

ÇEŞME: türkmen portal

Türkmenistanda pensionerleri nagt däl hasaplaşyga geçirýärler

nazaroff — Sat, 23 Jun 2018 06:47:26 +0000

Türkmenistanda pensionerlere maý aýynda birden pensiýalaryň iýundan başlap, ozalkylary ýaly bank bölümlerinde nagt däl-de, bank kartlaryna geçirilip beriljekdigini, şu sebäpden gyssagly bank hasaplaryny açdyrmalydyklaryny habar berdiler.
Şunuň bilen baglylykda, beýle gysga wagt içinde pensionerleriň ählisiniň dokumentlerini gaýtadan resmileşdirmek mümkin bolmansoň, iýundan başlap diňe 65 ýaşdan bärdäki pensionerleriň pensiýalarynyň karta geçirljekdigini yglan etdiler. Galan ýaşy uly pensionerleriň pensiýalary biraz giç nagt däl hasaplaşyga geçiriler.
Pensionerlere pasportlarynyň nusgalaryny tabşyryp, bank kartlary üçin 20 manatdan pul tölemegi teklip etdiler. Olar üçin arza blankalary bank işgärleri tarapyndan dolduryldy.
Netijede, uly bökdençlikler bilen-de bolsa, nagt däl töleg sistemasy 1-nji iýundan işläp başlady. Ýöne pensionerleriň ählisi kartlaryny resmileşdirip ýetişmediler we olara geçen aýyň pensiýasy geçirilmedi. Wagtynda pensiýasy geçirilmedik adamlara pensiýalaryny nagt almaklary üçin talon berildi.
Kartlaryny alan pensionerlere olardan nähili peýdalanmalydygyny öwretmediler. Şeýle-de, kartlaryň ozal yglan edilişi ýaly, 65 ýaşa çenli bolan pensionerlere däl-de, 70 ýaşa çenli pensionerlere beriljekdigi belli boldy. Bu ýagdaý banklarda uly nobatlaryň döremegine alyp geldi.
Pensiýalar karta geçirilende we bankomatlardan nagt pul alnanda banklaryň hyzmatlary üçin töleg tutulmagy bolsa, kart eýeleri üçin ýene bir ýakymsyz we garaşylmadyk zat boldy. Nagt pul çykarylanda 1%-den sähel gowrak tutum tutulýär. Mysal üçin, bankomatdan 400 manat pul nagtlaşdyryp alsaň, bankyň hyzmatlary üçin 4,6 manat tutum tutulýar.
Bankomatlarda nobatlar döräp başlady. Sebäbi, Aşgabatda-da bank kartlary arkaly töleg edilýän terminallar dükanlaryň ählisinde ýok. Ýerli ýaşaýjylaryň aglabasy bazarlarda söwda edýärler we ol ýerde terminallar bolmansoň, diňe nagt hasaplaşmaly.
Regionlarda ýagdaý has-da kyn. Ol ýerlerde köp bolmadyk bankomatlar diňe iri şäherlerde oturdylypdyr we olaryň hem pullary basym gutarýar. Oba ýaşaýajylary şäherlere gidip, ol ýerden puly gutarmadyk bankomat gözlemeli.

ÇEŞME: Türkmenistanyň Hronikasy

Türkmenistanda dollaryň kursy 22 manada ýetdi

josgun — Sun, 27 May 2018 23:57:31 +0000

ABŞ-nyň pul politikalaryna prosentleri götermek bilen berk kemer urmagy bütin dünýäde dollaryň walýutasyny gymmatlatdy. Munuň netijesi Türkmenistandan has hem çuňdan duýuldy. Bilşiňiz ýaly Türkmenistanyň Merkez Banky dollar-manat walýutasyny döwlet kursy boýunça $1=3.5manat edip berkidipdi. Ýöne garabazarda dollaryň walýutasy her geçen gün güýçlenýär. Şu wagt Türkmenistanda dollaryň “gara bazardaky” nyrhy ýene rekord derejelere ýetip, 1 amerikan dollary Aşgabatda 22 manada, Daşoguzda 23 manada barabar boldy.
Bu göz hatarynda önüm we harytlarda inflasiýa hem döretdi. Mysal üçin, 1,5 litrlik çüýşdedäki “Berzeňňi” suwy geçen hepde 1 manatdan 3,5-4 manada çenli gymmatlady. Nahar duzynyň bir gaby mundan bir aý owal 2 manat bolan bolsa, häzir 26 manatdan satylýar. Etiň 1 kilogramy 18 manatdan 23-25 manat aralygynda göterildi. Tüwiniň 1 kilogramy bahasy bolsa 12 manatdan 15 manada çykdy.
Türkmenistanda ykdysady krizisin netijelerini azaltmak üçin çaltrak ykdysady reformlar güýje girizilmeli. Daşary ýurt inwestorlaryny ýurdumyza çekmek üçin gerekli politikalar ýola goýulmaly. Prezidentimiz Gurbanguly Berdimuhamedow maliýe we ykdysadyýet ministri Batyr Bazarowa berk käýinç berip, zähmet haklarynyň artdyrlmalydygyny ýatlatdy.

ÇEŞME: TM Hronika

Türkmenistandan başga döwletlere göçýänleriň sany barha köpelýär

nazaroff — Wed, 07 Mar 2018 06:09:13 +0000

Türkmenistanda 2016-dan bäri dowam edýän ykdysady krizisiň ýykyjy netijeleri ýüze çykyp başlady. 1 ýanwar 2017-den 31 dekabr 2017-ä çenli alynan statistiki maglumatlara görä Türkmenistandan başga döwletlere göçýänleriň sany beýleki ýyllaryň ortaçasyna görä 12 esse köpelipdir. Bilşiňiz ýaly 18-45 ýaş aralygyndaky ilat işe ukyply hasaplanylýar. Bu ilatyň 44% daşary ýurtlarda ýa okamana ýa-da işlemäne resmi ýa-da resmi bolmadyk görnüşlerde göç edipdir. Bu 44%-iň 25%-e golaýy Türkiýä, 17%-ä golaýy Rossiýa ýa-da Ukraina, galan 2% bolsa beýleki döwletlere göç edipdir. Türkmenistandan Türkiýäniň Istanbul şäherine göçýänleriň sany 1 ýylda 45%-a, Orsýetiň Wolgograd şäherine göçýänleriň sany bolsa bir ýylda 81%-a barabar köpelipdir.
Bilişiňiz ýaly Türkmen raýatlary wiza alman Türkiýä 30 günlügine gelip bilýärler, Aşgabat aeropordyndaky Türkmen migrasiýasyndan geçip bilseler bolany, yza dolanmak ortaça 4-5 ýyl. Bu wagt içinde Türkiýede işläp pul ýygnap şeýdip yza dolanýarlar.
Gidýänleriň 38%-e golaýy talyp wizasy bilen gelselerem, daşary ýurda çykýanlaryň 97%-i işleýär. Sebäbi ata-enesi Türkmenistandan talyp ogul-gyzlaryna pul ugradyp bilenok. Gereksiz bir uzyn prosedura we banklarda uzyn oçerdlar bar.
Bu ykdysady krizisi çözmek gaty kyn my? Däl. Ýöne muny bilýänlere, daşary ýurtlarda okap alym derejesine ýetişen ýaş ekonomist Türkmen raýatlaryna bu wezipe berilenok. Türkmenistanda bütin wezipekler doly. Bir tarapda kresla oturan, pensiýa wagty gelse-de turasy gelenok. Beýleki tarapda, her aý ministr, başlyk we wezipeler çalşylyp dur. Hukuk bakalwr derejeliler, ekonomist bolup ýör, ykdysadyýetçiler başga wezipelerde. Uzyn gepiň gysgasy, balyk başyndan porsar.

Dollaryň “gara bazar” kursy resmi kursdan eýýäm üç esseden gowrak gymmatlady

nazaroff — Sun, 14 Jan 2018 22:23:53 +0000

Aşgabatda ABŞ-nyň dollarynyň “gara bazar” kursy 11,0-11,3 manada çenli ýokarlandy.

Amerikan walýutasy soňky gezek 2017-nji ýylyň dekabrynda rekord derejede gymmatlady, şonda “gara bazarda” 1 ABŞ dollaryny 10,4 manada satyn alyp bolýardy. Dollaryň resmi kursy ozalkylary ýaly, $1 – 3,5 manat bolmagynda galýar.

Şunuň bilen baglylykda, “Türkmenistanyň Hronikasynyň” redaksiýasyna daşary ýurtlarda dowam edýän pul nagtlaşdyrmak kynçylyklary barada maglumatlar gelip gowuşýar. Belki-de şu faktyň özi hem dollaryň kursunyň ýokarlanmagyna sebäp bolandyr.

Gelýän maglumatlardan (hat awtoryň ýazyşy ýaly getirilýär):

“Täze ýyldan studentlere $1000 iberip boljagyny wada berdiler, emma fakt boýunça hiç zat we biz öz kartymyzdaky pullary hem kynlyk bilen çekýäris”.

“Näme üçin biz öz gazanan pullarymyzy çekip bilmeýäris, hökümet bolsa bu barada dymýar? Siz we siziň guramaňyz hökümet bilen bu barada hiç hili gürleşip bilmeýärmi? Olar näme üçin halky beýle köseýärler?”

“Tapgyr birnäçe gün bäri pul çekip bolmaýar, ýogsa bankda günde 50 dollardan çekip bolýar diýýärler. Eger puluňy bir gün alyp bolsa, indiki gezek diňe birnäçe günden alyp bolýar, galan wagtlar baglanýar. nagt däl pul meselesinde hem şol bir problema”.

“Iki hepdede 150$ nagt pul çekdim. Bankomatyň başynda her gün durdyk, emma şondan soň bolmady. 3 gezek $50-den pul çekdik. Magazinde diňe bir gezek 80 dollarlyk hasaplaşyk geçirip bildik”.

“Meniň pul geçirmek meseläm örän ýiti dur. Näme üçin men garyndaş däl adamlara pul geçirip bilmeýärin? Näme üçin şol bir meňzeş familiýa bolmaly? Mesele şunda, meniň enem keselledi, men onuň bejergisi üçin pul geçirip bilmeýärin (ol häzir reanimasiýada). Men onuň jorasyna pul geçirjek bolýaryn, emma enemiň jorasy maňa banka barandygyny, emma özüne hiç hili pul alyp bilmejegini aýdandyklaryny gürrüň berdi. Bu nähili eden-etdilik? Ahyrynda men aeroporta gidip, Aşgabada gidýän adamlardan eneme pul eltmeklerini soramaga mejbur boldum”.

ÇEŞME: TÜRTKMENİSTANYN HRONİKASY

Türkmenistanda talyplaryň stipendiýalary togtadylýar

josgun — Mon, 18 Dec 2017 22:06:09 +0000

Täze ýylyň ýanwar aýyndan ýa-da täze ýylyň sentýabr aýyndan talyp haklarynyň ýatyryljakdygy barada myş-myşlar aýdylýar. Bu maglumatlara görä, uniwersitetlerde talyplara “Men öz alýan talyp hakymdan ýüz öwürýärin. Sebäbi meniň talyp hakyna mätäçligim ýok” diýip, talyplara arza ýazdyrýandygy aýdylýar.
Türkmenistandaky ykdysady krizis sebäpli kynçylyklar barha artýar. Näme bolsa halka bolýar, göbegi ýagly başlyklar bolsa mes körpeçäniň aşagyndaky dollarlaryna dollar goşup otyr. Indi talyplaryň hakyna hem göz dikdi açgözler. Talyp haky ýetim hakyna deňeçerdir. "Alsaň ýetimiň ahyny, senden çykar ahyry" diýlen bir söz bar.

Daşary ykdysady iş banky ýene pul nagtlaşdyrmagy çäklendirdi

DrWaltBishop — Fri, 15 Dec 2017 22:47:14 +0000

Daşary ykdysady iş banky ýene-de bank kartlaryndan daşary ýurtlarda pul nagtlaşdyrmak mümkinçiligine çäklendirme girizdi. Indi ýurduň raýatlary aýda 500 dollardan köp bolmadyk möçberde pul nagtlaşdyryp bilerler. Ýagny, günlük limit 15-16 dollar. Diňe studentlere we daşary ýurtda bejergi alýan näsaglara bu kadadan çykmaga rugsat berilýär. Bu kategoriýadaky adamlar, ozalkylary ýaly, daşary ýurda aýda 1000 dollara çenli geçirip bilerler. Ýöne munuň hem şertleri gaty kynlaşdy. Studentler okaýan döwletlerindäki Türkmenistan konsollyga gidip "gök peçat" goýdurmaly. Ýöne Türkmenistan konsollygy ähli döwletlerde ýok, bolan ýerlerinde-de diňeje paýtagt şäherlerde bar.
Hakykat ýüzünde bolsa, örän köp türkmenistanly söwda edip, plastiki kart bilen hasaplaşmakçy bolanda problema uçraýar. Kartlar arkaly töleleg edilende, gije-gündizdäki çäkden geçilmedigem bolsa, tölegleriň ýarysyna golaýy geçmeýär. Türkiýedäki bankomatlaryň öňünde pul nagtlaşdyrmaga çalyşýan türkmenistanly raýatlaryň uly nobatlary döreýär.

Daşary ýurtlardaky talyplara pul ugratmak gaty kynlaşdy

nazaroff — Wed, 13 Dec 2017 10:55:07 +0000

Türkmenistan taryhynyň iň agyr ykdysady krizisini tejribe edýär. 2015-de başlan dollar krizisi Türkmen ekonomiýasynyň ähli pudaklarynda giňişleýin duýulýar. Kynçylygyň iň agyryny bolsa daşary ýurtlarda okap yören talyplar çekýär.
Bilişiňiz ýaly ata-eneler daşary yurtlara okap ýören talyp ogul-gyzlary üçin okuw tölegleriniň ýanynda olaryň kwartira kreýleri, iýim-içimleri, geýim-gejimleri we transportlary ýaly birnäçe durmuş we ýaşaýyş çykdaýjylary üçin aýlyk pul ugradýardylar. Bu pullary köplenç Türkmen banklaryndan western union hyzmaty arkaly aýlyk maksimum limit 1000 dollar ugradylýardy.
Soň bu limiti 500 dollara düşüripdiler. Bir mahallar 200 dollara hem düşdi. Birnäçe gün öňräk bolsa bu hyzmat barada has hem täsin bir karar ýörgünlige goýuldy. Bu karara laýyklykda, banklar ata-enelerden çagalarynyň talyp hatlaryny getirmegi soraýarlar. Ýöne bu hata hökmany suratda daşary ýurtlardaky Türkmenistan konsollygynyň "gök" peçadyny goýuldurmak hem şert. Bolmasa kabul edenoklar. Bärde näme täsinlik bar diýýänlere, jogabym 2 täsinlik bar. Birinjisi, daşary ýurtlaryn ählisinde Türkmen konsollygy ýok. Ikinjisi, Türkmenistan konsollygy bolan döwletleriň-de dineje paýtagt şäherlerinde konsollyk bar. Meselem, Türkiýäniň Adana şäherinde okap ýören bir Türkmen talyby okuw hatyna Türkmenistan konsollygynyň peçadyny goýdurmak üçin ýörite paýtagt Ankara ýa-da Istanbula 10-18 sagat maşyn ýoly çekmeli bolýar. Galyberse-de biziň konsollygymyz oçert we beyleki işleriň köplügi sebäpli peçaty şol talap edilen güni goýduryp almak gaty kyn, peçady goýup bermek birnäçe gün wagt alýar.
Ine krizise çözgüt diýip maliye ministrligindäki "professorlaryň" tapan çäresi. Gaty gyzykly zat, tomaşa edip, el çarpaýmaly. Berekella.

Aşgabatda dollaryň bahasy rekord derejä galdy

DrWaltBishop — Fri, 08 Dec 2017 04:21:42 +0000

Türkmenistanda dowam edýän walýuta krizisinde täsin wakalar bolup geçýär. Ýadyňyza düşýän bolsa, VISA firmasynyň bergileri sebäpli türkmen kartlaryna hyzmat etmegini bes edipdi. Munuň netijesinde Türkmenistanyň gara bazarlarynda dollaryň nyrhy kesgin ýokary galdy. Häzirki pursatda Aşgabatda bir dollar üçin 10-11 manat aralygynda teklip edýärler. Dollaryň resmi kursy ozalkylary ýaly bir dollara 3.5 manat bolmagynda galýar. Türkmenistanyň ykdysady işleri we maliýe ministrleriniň ýany bilen Merkez Bank başlyklary hem çäresiz bu ykdysady krizisi entegem çözüp bilenoklar. Gaýtam ykdysady krizis bada-bat beterleşýär.

Täze ýyldan Türkmenistanyň býujet edaralarynyň işgärleri 30% kemeldiler

nazaroff — Wed, 06 Dec 2017 00:53:19 +0000

Türkmenistanyň döwlet tarapyndan maliýeleşdirilýän guramalarynyň we edaralarynyň ählisine, şol sanda nebit-gaz pudagyna ýokarky edaralardan iş orunlaryny şu ýylyň 1-nji dekabryndan ýa-da gelýän ýylyň 1-nji ýanwaryndan 30% kemeltmek barada görkezme berildi.
Diňe orta mekdeplere degilmeli däl. Mugallymlar düzümini kemeltmek planlaşdyrylmaýar, emma direktorlara pensiýa ýaşyna ýeten mugallymlary dynç alşa ugratmak tabşyryldy. Mundan ozal hem ençeme gezek şeýle tabşyryk berlipdi, emma okuw jaýlarynyň ýolbaşçylary tejribeli mugallymlary işini has gowy bilýän pedagoglar hökmünde, iş orunlarynda saklap galmaga çalyşýardylar.
Mundanam başga, Bilim ministrligi käbir çagalar baglaryny ýapmak kararyna geldi.
Ýadyňyza düşýän bolsa, mundan birnäçe aý öňräk mekdebe çenli çagalar edaralarynyň tölegleriniň on esse ýokarlanmagy bilen baglylykda, olara barýan çagalaryň sany düýpli kemelipdi.
Şondan soň, işden kowulmak haýbaty astynda, býujet edaralarynyň işgärlerini öz çagalaryny çagalar baglaryna bermäge mejbur etdiler.
Ýapylýan çagalar baglarynyň işgärleriniň bir bölegi başga çagalar baglaryna geçiriler, galany işsiz galar.

Türkmenistanda Korrupsiýa we Ykdysady jenaýatlara garşy göreş

nazaroff — Thu, 05 Oct 2017 10:53:50 +0000

Bilişimiz ýaly geçen maý aýynyň başynda prezident Berdimuhamedow korrupsiýa garşy göreş kampaniýasynyň başlanýandygyny yglan etdi, netijede bir topar ýokary derejeli emeldar we güýç gurluşlarynyň resmileri tussag edilipdi. Prokuraturanyň bir topar işgäriniň tussag edilmegi netijesinde baş prokuror Amanmyrat Hallyýew hem wezipesinden boşadyldypdy. Korrupsiýa garşy göreş üçin Ykdysady jenaýatlara garşy göreş boýunça-da döwlet gullugy döredilip we onuň başyna bolsa polkownik Mämmethan Çakyýew bellenilipdi.
Bu gün 5-nji oktýabrda Aşgabatda geçirilen giňişleýin hökümet maslahatynda Mämmethan Çakyýew korrupsiýada aýyplanan emeldarlaryň bir toparynyň tussag edilendigini habar berdi, hat-da bu barada Türkmenistanyň döwlet telewideniýesi hem habar geçdi.
Senagat ministrliginiň "Türkmen Demir Önümleri" kärhanasynyň başlygy Merdan Babaýew öz golasty işgärlerinden, hususan-da öz orunbasary Döwran Allakulyýewden para alandygy we 2012-2017 ýyllar arasynda döwlet kärhanasynyň önümlerini kommersiýa gurluşlary arkaly döwlet bahasynda has hem ýokarlandarylan bahadan satyp bikanun gazanç edendigi ýüze çykardy, Geçirilen derňewler netijesinde Babaýew we Allakulyýew jenaýat jogapkärçiligine çekildi. Olara degişli awtoulaglar maddy subutnama hökmünde konfiskasiýa edildi.
Dokma senagaty ministrliginiň hem birnäçe kärhanasynda barlag geçirildi. Hususan-da Ahal welaýat birleşiginiň başlygynyň orunbasary Allanazar Ýazberdiýewiň döwlete aýratyn uly möçberlerde zyýan ýetirendigi ýüze çykaryldy.
Daşogyz şäher häkimliginiň ýanyndaky "Daşoguzhyzmat" hojalyk hasaplaşygy kärhanasynyň başlygy Kerimbaý Matnazarow öz gulluk ýagdaýyndan peýdalanyp, dokma senagatynyň taýyn önümlerini ibermek boýunça şertnama baglaşypdyr we kezzaplyk hem-de hile-mekirlikler bilen döwlete aýratyn uly möçberlerde zyýan ýetiripdir.
Häzir döwlete ýetirilen zyýany yzyna gaýtarmak üçin iş alnyp barylýar. Demirýol transporty ministrliginde hem barlaglar geçirilýär. Demir ýoluň Aşgabat bölüminiň stansiýa ýolbaşçysy Täçmyrat Gurbanmämmedow stansiýanyň hasabyna gelip düşen hyzmat ýygymlarynyň girdejisini peseldipdir. Netijede, döwlete aýratyn uly möçberlerde zyýan ýetirilipdir. Gurbanmämmedow jenaýat jogapkärçiligine çekildi.
Medeniýet ministrliginde hem barlag geçirildi. Mary welaýatynyň Murgap etrabynyň medeniýet bölüminiň başlygy Şadurdy Momaýew, bölümiň işgärleri Şamuhammet Nurmuhammedow we Goçmyrat Rejebow hasabatlardaky maglumatlary galplaşdyrmak arkaly döwlete aýratyn uly möçberlerde zyýan ýetiripdirler. Olaryň garşysyna jenaýat işleri gozgaldy. Derňew dowam edýär.

Ykdysadyýet we ösüş ministrligi ýatyryldy, Maliýe we ykdysadyýet ministrligini döredildi

nazaroff — Thu, 05 Oct 2017 10:33:30 +0000

5-nji oktýabrda prezidentimiz Gurbanguly Berdimuhamedow hökümetiň giňişleýin mejlisini geçirdi. Şol mejlisde prezidentimiz Ykdysadyýet we ösüş ministrliginiň zerurlygy aradan çykandygyny şu sözler bilen beýan etdi: "Giň gerimli bu gurluşyklar hem-de pudaklary ösdürmek bilen bagly meseleleri netijeli çözmek üçin biz Ykdysadyýet we ösüş ministrligini döretdik. Bellenen ösüş maksatnamalarynyň ählisi diýen ýaly tamamlanan häzirki döwürde, indi bu Ministrligiň zerurlygy aradan aýrylýar".
Prezidentimiz ykdysadyýet ministriligini Maliýe ministriligi bilen birleşdirip, onuň binýadynda Maliýe we ykdysadyýet ministrligini döretmek tabşyrygyny berdi. Ministrligiň ýolbaşçylygyna Batyr Bazarow bellenildi. Ministrler kabinetiniň başlygynyň orunbasary Orazmyrat Gurbannazarowy bolsa wagtlaýyn ykdysadyýet, bank we halkara maliýe gurluşlary meselelerine gözegçilik etmek wezipesinden boşatdy we onuň ýerine Goçmyrat Myradowy belledi.

Türkmenistanda Ykdysady Krizis

nazaroff — Sat, 02 Sep 2017 13:49:06 +0000

Türkmenistanda ykdysady ýagdaý 2016-da ABŞ-nyň dollar syýasaty, Rossiýa-Eýran-Türkmenistan gaz hyzmatdaşlyklarynyň durmagy, Gaz bahalarynyň arzanlanmagy we Know-How tehnologiýalarynyň Türkmenistana integrasiýony sebäpli peselip başlapdy. 2017-nji ýylda bolsa, bu krizis hasam täsirini görkeziň başlady. Dollar alym-satymy togtadylmagy ykdysady krizisi hasam güýçlendirdi.Türkmenistanyň Merkez bank hasaby bilen 1$ =3.5 TM, garabazarda bolsa bu iki esse köp (1$=7.0TM). Aziýada geçýänçä Türkmen syýasatçylar ykdysady ýagdaýlaryň hasam peselmegini durdurmak üçin ellerinden gelýän hemme zady edýänligine ynanýan. Ýöne asyl sorag, Aziýada-dan soň Türkmen ykdysadyýetini nähili ýagdaýlar garaşýar. Bu soraga jogaplaryňyzy, pikirleriňizi, bu ykdysady krizisiň sebäpleri we bu krizisden çykmagyň ýollaryny maslahatlaşalyň.