https://gyzgyn.com/teg/yar+senden Powered by Gyzgyn https://gyzgyn.com/147/magtymguly-pyragy-yar-senden Bilbilleri ýesir eden güli-handan,<br /> Ýa, reb, habar bilerinmi, ýar, senden!<br /> Ýedi yklym maňa görüner zyndan,<br /> Ýa, reb, habar bilerinmi, ýar, senden!<br /> <br /> İspendiýar Ruinten, Rüstem Zalynda,<br /> Şam, Nejefde, Mekke, Dymşyk ilinde,<br /> Arzy Karsda, Kerbelanyň çölünde,<br /> Ýa, reb, habar bilerinmi, ýar, senden!<br /> <br /> Şerap içip, serhoş bolup, segresem,<br /> Ganym janyn gyýym-gyýym dograsam,<br /> Görogly dek dagdan-daga ugrasam,<br /> Ýa, reb, habar bilerinmi, ýar, senden! <br /> <br /> Bir gül kokar gözel ýaryň bagynda,<br /> Bilbil hüjüm eýlär sol-u sagynda,<br /> Beýtullanyň Safa, Merve dagynda,<br /> Ýa, reb, habar bilerinmi, ýar, senden! <br /> <br /> Şyh Sengan deý uzyn gaýga ulansam,<br /> Şibli kimin toz-topraga bulansam,<br /> Käbä baryp, ýedi keret dolansam,<br /> Ýa, reb, habar bilerinmi, ýar, senden! <br /> <br /> Ýusup kibi zyndan içre aglasam,<br /> Jirjis kibi jan ýolunda çaglasam,<br /> Ýunus kibi haka gulluk baglasam,<br /> Ýa, reb, habar bilerinmi, ýar, senden! <br /> <br /> Doga kylyp, elim göge galdyrsam,<br /> Gül, Ferhar dek gyzyl meňzim soldursam,<br /> Gopuz alyp, beýik nagra çaldyrsam,<br /> Ýa, reb, habar bilerinmi, ýar, senden!<br /> <br /> İsa kibi hylwat tutsam semada,<br /> İdris kibi gulluk etsem zyýada,<br /> Hyzyr, Ylýas kibi girsem zulmada,<br /> Ýa, reb, habar bilerinmi, ýar, senden! <br /> <br /> Magtymguly, aşyklaryň mestinde,<br /> Hyra gözi haýran olar dostunda,<br /> Ýedi ýerde, dokuz pelek üstünde,<br /> Ýa, reb, habar bilerinmi, ýar, senden! magtymguly,sahyr,edebiyat,pyragy,yar senden DrWaltBishop 147 136 7 1 0 1 921 Edebiýat https://gyzgyn.com/147/magtymguly-pyragy-yar-senden Wed, 06 Jun 2018 05:26:45 +0000