Gyzgyn - "yaponiya" teg entryler

Aziýa Futbol Kubogy 2019-yň eýesi Katar boldy

gyzgyn — Sat, 02 Feb 2019 07:20:04 +0000

24-25 Ýanwar 2019-da Aziýa kubogy 2019-yň 1/4 final tapgyry:
Wýetnam 0 - 1 Ýaponiýa [GOL: Ýaponiýa: Ritsu Doan (57 min.)]
Hytaý 0 - 3 Eýran [GOL: Eýran: Mehdi Taremi (18 min.), Sardar Azmoun (31 min.), Karim Ansarifard (90+1 min.)]
Gündogar Koreýa 0 - 1 Katar [GOL: Katar: Abdulaziz Hatem (78 min.)]
BAE 1 - 0 Awstraliýa [GOL: BAE: Ali Mabkhout (68 min.)]

28 Ýanwar 2019-da Aziýa kubogy 2019-yň 1/2 Semi-final Tapgyry:
Eýran 0 - 3 Ýaponiýa [GOL: Ýaponiýa: Yuya Osako (56 min.), Yuya Osako (67 min.), Genki Haraguchi (90+1 min.)]

29 Ýanwar 2019-da Aziýa kubogy 2019-yň 1/2 Semi-final Tapgyry:
Katar 4 - 0 BAE [GOL: Katar: Boualem Khoukhi (22 min.), Almoez Ali (37 min.), Hassan Al Haydos (80 min.), Hamid Ismail (90+3 min.)]

1 Fewral 2019-da Aziýa kubogy 2019-yň Final Tapgyry:
Ýaponiýa 1 - 3 Katar [GOL: Katar: Almoez Ali (12 min.), Abdulaziz Hatem (27 min.), Akram Afif (83 min.) ― Ýaponiýa: Takumi Minamino (69 min.)]

Arslanmyrat Amanowyň urgusynyň tizligi sagatda 113 km

gyzgyn — Thu, 10 Jan 2019 05:50:32 +0000

Türkmenistanyň we Ýaponiýanyň milli ýygyndylarynyň arasynda 9-njy ýanwarda Aziýa kubogynyň çäginde geçirilen duşuşygyň ilkinji pökgüsini 26-njy minutda ýarym goragçymyz we kapitanymyz Arslanmyrat Amanow geçirdi. Başga bir tejribeli ýarym goragçy, häzirki wagtda futbol ýoluny Çehiýada dowam etdirýän Ruslan Mingazowyň özüne geçiren pökgüsini derwezeden ep-esli aralyk uzakdan dürs urgy bilen gönükdiren A.Amanowyň bu urgusy futbol hünärmenleriniň, şol sanda Aziýanyň Futbol konfederasiýasynyň wekilleriniň ünsüni özüne çekdi.

Çempionatda häzire çenli geçirilen pökgüleriň arasynda iň owadanlarynyň biri bolan urgy başha bir aýratynlygy bilen hem haýran galdyrýar. Ýörite tehnologiýalaryň hasaplaryna görä, türkmenistanly ýarym goragçynyň bu urgusynyň tizligi sagatda 113 kilometre barabar boldy. Jemi 5 pökgi geçirilen duşuşykda Aziýanyň iň güýçli ýygyndylarynyň birinden ýeňlendigine garamazdan, ýiti oýny bilen daşary ýurt metbugatynyň ünsüne düşen milli ýygyndymyz kapitanyň bu täsin urgusy bilen özüne bolan gyzyklanmalary has artdyrdy.

Türkmen futbolçylary Aziýa kubogy ― 2019-daki ikinji duşuşygyny 13-nji ýanwarda Özbegistanyň ýygyndysy bilen geçirer.

Arslanmyrat Amanowyň golyny şu salgydan görüp bilersiňiz: https://www.youtube.com/watch?v=SAwC_p5r1DQ

Aziýa Futbol Kubogy 2019: Türkmenistan 2 - Ýaponiýa 3

nazaroff — Thu, 10 Jan 2019 03:40:48 +0000

9-njy Ýanwar 2019-de Abu-Dabi şäherindäki «Al-Nahýan» stadionynda Aziýa Futbol Kubogy ― 2019-yň «F» toparçasynyň çägindäki Türkmenistan ― Ýaponiýa duşuşygy bolup geçdi. Duşuşygynyň birinji ýarymy 1-0 Türkmenistanyň üstünligi bilen tamamlandy.Türkmen futbolçylary Aziýanyň iň güýçli ýygyndylarynyň biri bilen taryhynda ilkinji gezek geçirýän duşuşygynda pökgini 26-njy minutda milli ýygyndymyzyň kapitany Arslanmyrat Amanow 30-35 meter uzaklygdan berk urgy bilen hasaby açmagy başardy. Ýaponiýanyň ýygyndysy bilen taryhda ilkinji gezek geçirýän duşuşygymyzda hasaby milli ýygyndymyzyň kapitany Arslanmyrat Amanow açdy. Ýarym goragçy Ruslan Mingazowyň özüne geçiren pökgüsini owadan urgy bilen derwezä dürs geçiren kapitan, şeýlelikde, AFK 2019-daky ilkinji golumyzyň hem awtory boldy.

Emma duşuşygyň ikinji ýarymynda terjibeli Ýaponiýa ýygyndysy duşuşygyň 56-njy minudynda Genki Haraguçinin asisti bilen Ýuýa Osako hasaby 1-1'e deňledi. Diňeje dört minut soňra duşuşygyň 60-njy minudynda Yuto Nagatomonyň asisti bilen Ýuýa Osako ýene bir gezek saýlanyp Ýaponiýany 2-1 öňe çykardy. Duşuşygyň 71-nji minudynda bolsa Takumi Minaminonyň asisti bilen Ritsu Doan Ýaponiýa adyna hasaby 3-1 getirdi. Şeýdip, Ýaponiýa 15 minutda 3 pökgi geçirmegi başardy. Duşuşygynyň 78-njy minutda Altymyrat Annadurdyyew Ýaponiýa derwezewany bilen ýekeme-ýeke galdy we derwezewanyň fauly etmegi bilen duşuşygyň emini 11 meterlik jerime urgusyna karar berdi. Jerime urgusyny dürüst ýerine getiren Ahmet Ataýew hasaby 2-3'e getirdi. Duşuşygynyň galan möhletinde hiç gol sesi çykmansoň Türkmenistan AFK 2019-daky birinji duşuşygy Ýaponiýa garşysynda 2-3 hasap bilen ýeňildi.

Duşuşyň Gol we Esasy Pursatlarynyň Wideosy: http://www.the-afc.com/asiancup/matches/2018/983231

2018 Dünýä Çempiýonatynda Ýaponiýa Fair-Plaý kadasy bilen ýoluna dowam etdi

DrWaltBishop — Fri, 29 Jun 2018 08:40:55 +0000

H Gruppasynda gaty täsin waka boldy. Kolumbiýa 6 bal bilen birinji ýere ornaşyp ýoluna dowam etdi. Gruppada ikinji orna bolsa iki komanda Ýaponiýa we Senegal ýerleşdi. Bu iki toparyň oýnan 3 oýun netijesinde jemlän ballary, gol awerajlary, uran we geçiren gollarynyň sanawlary hem dep-deň boldy. Bu iki topar özara oýnan oýny hem 2-2 deňme-deň hasap bilen netijelenipdi. Indi bärde sorag şu: haýsy topar ikinji orna ýerleşip ýoluna dowam eder? Ine muny bolsa futboldaky Fair-Plaý kadasy kesgitledi. Ýaponiýa Polşa duşuşygynyň ikinji ýarymynda 59-njy minutda Polşa Ýan Bednarek-iň uran goly bilen 1-0 öňe geçdi. Şol wagt beýleki oýunda Senegal Kolumbiýa 0-0 hasap bilen dowam edýärdi. Oýunlar şeýle netijense Kolumbiýa we Senegal gruppada birinji we ikinji bolup ýollaryna dowam etjekdi. Şonuň üçin Ýaponiýa gaty höjöm oýun oýnaýardy, welin 75-nji minutda Kolumbiýa Senegal garşysynda Ýerry Minanyň goly bilen 1-0 öňe geçendigi habary geldi. Şondan soň Ýaponiýa hüjüm oýuny bes edip öz ýarymçasynda özara paslaşyp wagty geçirdiler. Duşuşyklar şu ýagdaýda netijendi. Bu H gruppasy Senegal we Ýaponiýa 3 oýun oýnap tamamlady. Bu oýunlarda Senegal 6, Ýaponiýa bolsa 4 sary kartoçka alypdy. Şeýlelik bilen Ýaponiýa "Fair-Plaý" kadasy netijesinde ikinji orna ýerleşip 2018 Dünýä Çempiýonatynda ýoluna dowam etdi we Senegal bolsa öýüne dolanmaly boldy.