Gyzgyn - "walyuta" teg entryler

Merkez banky 2019 ýyly üçin dollaryň kursuny yglan etdi

gyzgyn — Wed, 02 Jan 2019 01:16:22 +0000

Türkmenistanyň Merkezi bankynyň saýtynda walýutalaryň 2019-njy ýylyň 2-nji ýanwaryndan başlanýan resmi kurslarynyň sanawy çap edildi. Resmi saýty: http://www.cbt.tm/kurs/kurs_today_ru.html

Maglumatlara görä, Banklar arasyndaky walýuta biržasyndaky söwdalaryň netijelerine görä, dollaryň kursy öňki derejesinde – 3.50 manat bolmagynda galdy.
Bu kurs 2015-nji ýylyň 1-nji ýanwaryndan bäri saklanyp galýar. Ondan öň, 2009-njy ýyldan başlap bir dollar 2.85 manat bolupdy.

Şu wagtlar bir dollaryň gara bazardaky kursy 18-18.50 manat aralygynda.

Türkmenistanda dollaryň kursy 22 manada ýetdi

josgun — Sun, 27 May 2018 23:57:31 +0000

ABŞ-nyň pul politikalaryna prosentleri götermek bilen berk kemer urmagy bütin dünýäde dollaryň walýutasyny gymmatlatdy. Munuň netijesi Türkmenistandan has hem çuňdan duýuldy. Bilşiňiz ýaly Türkmenistanyň Merkez Banky dollar-manat walýutasyny döwlet kursy boýunça $1=3.5manat edip berkidipdi. Ýöne garabazarda dollaryň walýutasy her geçen gün güýçlenýär. Şu wagt Türkmenistanda dollaryň “gara bazardaky” nyrhy ýene rekord derejelere ýetip, 1 amerikan dollary Aşgabatda 22 manada, Daşoguzda 23 manada barabar boldy.
Bu göz hatarynda önüm we harytlarda inflasiýa hem döretdi. Mysal üçin, 1,5 litrlik çüýşdedäki “Berzeňňi” suwy geçen hepde 1 manatdan 3,5-4 manada çenli gymmatlady. Nahar duzynyň bir gaby mundan bir aý owal 2 manat bolan bolsa, häzir 26 manatdan satylýar. Etiň 1 kilogramy 18 manatdan 23-25 manat aralygynda göterildi. Tüwiniň 1 kilogramy bahasy bolsa 12 manatdan 15 manada çykdy.
Türkmenistanda ykdysady krizisin netijelerini azaltmak üçin çaltrak ykdysady reformlar güýje girizilmeli. Daşary ýurt inwestorlaryny ýurdumyza çekmek üçin gerekli politikalar ýola goýulmaly. Prezidentimiz Gurbanguly Berdimuhamedow maliýe we ykdysadyýet ministri Batyr Bazarowa berk käýinç berip, zähmet haklarynyň artdyrlmalydygyny ýatlatdy.

ÇEŞME: TM Hronika

Daşoguzda Dollar Gara Bazarçylary (Walýutçikleri) awlanýar.

nazaroff — Thu, 15 Feb 2018 13:57:43 +0000

“Gara bazarda” dollaryň kursy birden aşak gaçdy. Eger 10-njy fewralda bir dollaryň bahasy 14-15 manada ýeten bolsa, häzir dollar 10 manada golaý bahadan satylýar.
14-nji fewral güni irden MHM-niň we Daşoguz polisiýasynyň işgärleri şäheriň merkezi bazary “Baý bazarda” walýutaçylary tutmak boýunça reýd geçirdiler. Alynan maglumatlara görä, reýd netijesinde bikanun walýuta operasiýasyny geçirýän adamlaryň azyndan 6-sy tutuldy.
Gizlenmäge ýetişen walýuta söwdagärleri başga bazarlarda ýerleşdiler ýa-da, diňe ynamdar adamlar bilen işleşip, öýlerinde söwda edýärler.
Walýutaçylaryň arasynda banklar bilen ilteşikli adamlar hem bar. Olara tutha-tutlugyň üç günläp dowam etjekdigini duýdurdylar we öýlerinden çykmazlygy maslahat berdiler.
Reýdler netijesinde dollaryň bahasy 9,60-dan 10,40 manada galdy.

ÇEŞME: Türkmenistanyň Hronikasy

Dollaryň “gara bazar” kursy resmi kursdan eýýäm üç esseden gowrak gymmatlady

nazaroff — Sun, 14 Jan 2018 22:23:53 +0000

Aşgabatda ABŞ-nyň dollarynyň “gara bazar” kursy 11,0-11,3 manada çenli ýokarlandy.

Amerikan walýutasy soňky gezek 2017-nji ýylyň dekabrynda rekord derejede gymmatlady, şonda “gara bazarda” 1 ABŞ dollaryny 10,4 manada satyn alyp bolýardy. Dollaryň resmi kursy ozalkylary ýaly, $1 – 3,5 manat bolmagynda galýar.

Şunuň bilen baglylykda, “Türkmenistanyň Hronikasynyň” redaksiýasyna daşary ýurtlarda dowam edýän pul nagtlaşdyrmak kynçylyklary barada maglumatlar gelip gowuşýar. Belki-de şu faktyň özi hem dollaryň kursunyň ýokarlanmagyna sebäp bolandyr.

Gelýän maglumatlardan (hat awtoryň ýazyşy ýaly getirilýär):

“Täze ýyldan studentlere $1000 iberip boljagyny wada berdiler, emma fakt boýunça hiç zat we biz öz kartymyzdaky pullary hem kynlyk bilen çekýäris”.

“Näme üçin biz öz gazanan pullarymyzy çekip bilmeýäris, hökümet bolsa bu barada dymýar? Siz we siziň guramaňyz hökümet bilen bu barada hiç hili gürleşip bilmeýärmi? Olar näme üçin halky beýle köseýärler?”

“Tapgyr birnäçe gün bäri pul çekip bolmaýar, ýogsa bankda günde 50 dollardan çekip bolýar diýýärler. Eger puluňy bir gün alyp bolsa, indiki gezek diňe birnäçe günden alyp bolýar, galan wagtlar baglanýar. nagt däl pul meselesinde hem şol bir problema”.

“Iki hepdede 150$ nagt pul çekdim. Bankomatyň başynda her gün durdyk, emma şondan soň bolmady. 3 gezek $50-den pul çekdik. Magazinde diňe bir gezek 80 dollarlyk hasaplaşyk geçirip bildik”.

“Meniň pul geçirmek meseläm örän ýiti dur. Näme üçin men garyndaş däl adamlara pul geçirip bilmeýärin? Näme üçin şol bir meňzeş familiýa bolmaly? Mesele şunda, meniň enem keselledi, men onuň bejergisi üçin pul geçirip bilmeýärin (ol häzir reanimasiýada). Men onuň jorasyna pul geçirjek bolýaryn, emma enemiň jorasy maňa banka barandygyny, emma özüne hiç hili pul alyp bilmejegini aýdandyklaryny gürrüň berdi. Bu nähili eden-etdilik? Ahyrynda men aeroporta gidip, Aşgabada gidýän adamlardan eneme pul eltmeklerini soramaga mejbur boldum”.

ÇEŞME: TÜRTKMENİSTANYN HRONİKASY

Aşgabatda dollaryň bahasy rekord derejä galdy

DrWaltBishop — Fri, 08 Dec 2017 04:21:42 +0000

Türkmenistanda dowam edýän walýuta krizisinde täsin wakalar bolup geçýär. Ýadyňyza düşýän bolsa, VISA firmasynyň bergileri sebäpli türkmen kartlaryna hyzmat etmegini bes edipdi. Munuň netijesinde Türkmenistanyň gara bazarlarynda dollaryň nyrhy kesgin ýokary galdy. Häzirki pursatda Aşgabatda bir dollar üçin 10-11 manat aralygynda teklip edýärler. Dollaryň resmi kursy ozalkylary ýaly bir dollara 3.5 manat bolmagynda galýar. Türkmenistanyň ykdysady işleri we maliýe ministrleriniň ýany bilen Merkez Bank başlyklary hem çäresiz bu ykdysady krizisi entegem çözüp bilenoklar. Gaýtam ykdysady krizis bada-bat beterleşýär.

VISA firmasy türkmen banklaryna berýän hyzmatlaryny togtatdy

DrWaltBishop — Fri, 08 Dec 2017 04:13:38 +0000

Halkara töleg sistemasy VISA, türkmen banklarynyň VISA kompaniýasynyň öňündäki bergileri, şeýle-de Türkmenistanyň maliýe häkimiýetleriniň töleg kartlarynyň ulanylmagyna girizýän eden-etdilikli çäklendirmeleri zerarly, Türkmenistanyň banklaryna hyzmat etmegini togtatdy.
Häzirki pursatda türkmen banklarynyň kartlaryna hyzmat etmek 11-nji dekabra çenli togtadyldy. Şoňa çenli türkmen tarapy $30 million möçberindäki bergililik meselelerini çözmeli.
Bergilerden başga, VISA-nyň wekilleri Türkmenistanyň walýuta amallaryna girizýän yzygiderli çäklendirmelerinden hem nägile bolýar, sebäbi olar kampaniýanyň abraýyna ýaramaz täsir edýär.
Ýadyňyza düşýän bolsa, mundan birnäçe aý öňräk Türkmenistanyň daşary ykdysady iş banky noýabrda daşary ýurtlarda pul nagtlaşdyrmagyň möçberini bir gije-gündiz dowamynda (24 sagatda) nagt görnüşinde $50 pul, nagt däl görnüşinde bolsa $200 möçberi bilen çäklenipdi. Emma soňra bu çäklendirilen görnüşdäki bank amallarynyň hem kynlyk bilen amala aşýandygy belli bolupdy.
VISA kartyndan başga Türkmenistanda MasterCard karty hem hereket edýär.

täze düzgünnama: türkmen kredit kartlaryndan nagt pul çekmek günlük 50 dollar bilen çäklendirildi

nazaroff — Thu, 09 Nov 2017 05:07:19 +0000

Türkmenistanyň Daşary ykdysady aragatnaşyklar bankynyň resmi saýtynda bildiriş çap edildi. Bu täze düzgüne laýyklykda, daşary ýurtda bolup, öz kredit kart hasabyňdan bir gije-gündiziň dowamynda nagt görnüşde maksimum 50 dollar, nagt däl görnüşde bolsa maksimum 200 çekip bolýar. Bu düzgünama çykmazdan owalky düzgünde bolsa bir gije-gündiziň dowamynda nagt görnüşde maksimum 200 dollar, nagt däl görnüşde bolsa limitsiz çäksiz çekip bolýardy.
Bu düzgünamalara netijesinde kynçylyk çekýän çagalary daşary ýurtlarda okap ýören köp sanda ene-ata bar. Ene-atalar student çagalaryna pul ibermek üçin okuw jaýlaryndan we öz girdejileri barada sprawka almak almaly, Harby gullukdan hat almaly we özleriniň ýakyn garyndaşdyklaryny tassyklamaly.

Türkmenistan daşary ýurtlarda walýuta nagtlaşdyrmaga goşmaça çäklendirme girizdi

josgun — Sun, 08 Oct 2017 11:34:49 +0000

Oktýabryň başynda Türkmenistanyň Daşary ykdysady aragatnaşyklar banky Visa we Masterсard kartlarynyň ulanyjylary üçin nobardaky çäklendirmäni girizdi.
Ozal daşary ýurtlarda döwlet kursy boýunça her gün (24 sagatda bir) $200-den köp bolmadyk puly nagtlaşdyryp bolýardy. Oktýabryň başyndan bu çäklendirme ýene ulaldyldy. Indi bolsa günde $100-de kän bolmadyk ýa-da ýerli walýutda $100-den geçmeýän serişdäni nagtlaşdyrmaga rugsat berilýär.
Täze çäklendirmeden ilki ejir çekjek daşary ýurtlarda okaýan biz türkmen studentleri boljagy mälim.

“VISA” we “MasterCard” arkaly walýuta konwertasiýasyna garşy täze çäklendirmeler

semiz-we-aynekli — Mon, 14 Aug 2017 14:05:28 +0000

Türkmenistanda walýutanyň iki kursunyň – resmi ($1 – 3,5 manat) we “gara bazar” ($1 – 6,6 manada golaý) kurslarynyň bardygyny bellemek gerek. Türkmenistanyň banklarynda döwlet kursy boýunça walýuta çalyşmak 2016-njy ýylyň ýanwarynda gadagan edildi. Mundan soň raýatlar Wisa we Masterkart arkaly walýuta konwertasiýa etmäniň birnäçe ýoluny tapydylar. Bulara garşy birnäçe çäklendirmeler hem getirildi. Meselem:

– daşary ýurtlara gitmän, halkara töleg kartlaryndaky serişdeleri yzygiderli intemet hyzmatynyň üsti bilen daşary ýurtlara geçirýän raýatlary seljermeli we şeýle ýagdaýlar yzygiderli dowam edýän raýatlaryň atlaryna hiç hili ýükler gelmeýän bolsa, onda olaryň halkara töleg kartlaryna pul serişdelerini goýmaklygy togtatmak meselesini öwrenmeli;

– döwlet edaralarynda işläp, her aýda «VISA» kartyna pul salyp, daşary ýurtlara (dynç günleri ýa-da ýarawsyzlyk rugsadyna çykyp) yzygiderli gatnaýan raýatlar bilen, olaryň ýolbaşçylarynyň üsti bilen gürrüňdeşlikleri geçirip, bu hereketleriniň öňüni almaly;