Gyzgyn - "turkmentelekom" teg entryler

TürkmenÄlem 52°E milli hemrasynyň hyzmat çägi giňeldi

gyzgyn — Fri, 11 Jan 2019 06:53:15 +0000

Häzirki wagtda diňe bir Türkmenistanyň däl, eýsem, Orta Aziýanyň, Eýranyň, Türkiýäniň, Demirgazyk Afrikanyň çäklerine we Ýewropanyň aglaba bölegine älem retranslýatory arkaly tele we radiogepleşikleriň 35 kanaly berilýär.

“Türkmen hemarasy” ÝGPJ-niň hemradan netijeli peýdalanmak bilen meşgullanýan hünärmenleri transponderleriň 26-syndan 10-syny işledýärler, olaryň üsti bilen, esasan, daşary ýurt kompaniýalarynyň kärendesine alan kanallary, şeýle hem milli telewideniýäniň we radionyň gepleşikleri berilýär. Sloweniýanyň STN, BAE-niň WNS telegepleşikler kompaniýalary indi bir ýyldan gowrak wagt bäri milli hemranyň hyzmatlaryndan peýdalanýarlar. VSAT-hyzmatlaryny edýän CETeL nemes kompaniýasy bilen şertnama baglaşyldy. Türkmen aragatnaşyk hemrasynyň transponderleriniň kärendesi barada arap we belorus gepleşikler berýän kompaniýalary bilen gepleşikler geçirilýär.

Geçen ýyl aragatnaşykçylar kommunikasiýa ulgamlarynyň toplumyny işe girizdiler, onuň kömegi bilen hemra kanallary arkaly hyzmatlaryň ençeme görnüşi geçirilýär we retranslirlenilýär. Munuň özi hemranyň mümkinçiliklerinden peýdalanmagyň netijeliligini üç essä golaý artdyrdy. Häzirki wagtda teleport arkaly esasan ýurdumyzyň nebit-gaz pudagynda işleýän - RWE Dea AG, CNPC, BKE Shelf, PETRONAS Carigali we beýleki kompaniýalar älem hyzmatlaryndan peýdalanýarlar. Seýsmologiýa instituty ýokary tizlikli kanallary seýsmiki stansiýalar bilen dessin aragatnaşygy ýola goýmakda ulanmagy göz öňünde tutýar. Beýleki guramalar we edaralar hem oňa gyzyklanýandygyny tassykladylar.

2015-nji ýylda uçurlan «TürkmenÄlem 52°E» aragatnaşyk hemrasy birbada giň çäklerde hyzmatyndan peýdalanyjlaryň köpüsine maglumat geçirip bilýär. Hususan-da, Garagum çölündäki alys obalary durnukly aragatnaşyk we internet hyzmatlary bilen üpjün edýär. Türkmen hünärmenleriniň öňünde taslamadan mümkingadar has netijeli peýdalanmak üçin milli älem aragatnaşyk ulgamynyň ilkinji hemrasynyň mümkinçiliklerinden doly peýdalanmak wezipesi durýar.

ÇEŞME: Türkmen Portal

Käýinçden soň Türkmentelekom internet bahalaryny arzanlatdy

merdan96 — Tue, 17 Oct 2017 07:26:53 +0000

Bilişimiz ýaly Türkmenistanda internet hyzmatyny berýän döwlet firmasy "Türkmentelekom" monolog pozissiýada. 5-nji Oktaýbrda geçirilen Mejlisde Türkmenistanyň prezidenti Gurbanguly Berdimuhamedow Aragatnaşyk ministri Baýramgeldi Öwezowa “edilen aragatnaşyk hyzmatynyň möçberini kemeldenligi üçin” käýinç bildirdi. Şondan soň Türkmentelekomyň resmi saýtynda (https://online.tm/tm/home-internet) ADSL internete birikmek üçin tarifleri peseltdi. Muňa görä, 2017-nji ýylyň 5-nji oktýbaryndan 31-nji oktýabryna çenli çäklendirmesiz internetiň peseldilen bahalary boýunça täze tarif planlary elýeterli bolar.
256 Kbit/s tizlikli internete birikmegiň bahasy 190-dan 135 manada çenli peseldiler (döwlet kursunda $38,5 ýa-da “gara bazar” kursunda $19), 512 Kbit/s tizlikli tarif adatça 250 manat bolan bolsa, indi 150 manada (döwlet kursunda $43 ýa-da “gara bazar” kursunda $21) elýeterli bolar. Şeýle-de, internete baglanmagyň maksimal tizligi 1-den 2 Мbit/s-e çenli artdyrylar, bu tarif 250 manada (döwlet kursunda $71 ýa-da “gara bazar” kursunda $36) durýar.
Aýlyk töleglerden başga, täze müşderileriň baglanmak üçin bir gezek 20 manat (döwlet kursunda $5,7 ýa-da “gara bazar” kursunda $3) manat, oturtmak üçinem 20 manat tölemegi zerur.
Bahasynyň wagtlaýyn arzanlanladylandygyna garamazdan, Türkmenistanda internet örän haýal we juda gymmat bolmagynda galýar.
Dünýäniň 131 ýurduny öz içine alýan Speedtest Global Index aýlyk reýting görkezijisinde Türkmenistan boýunça maglumatlar ýok, emma iň ýaramaz netijäni baglanmagyň ortaça tizligi bilen (3,42Мbit/s) Wenezuela görkezdi, bu Türkmenistanda hususy adamlara elýeterli bolan baglanmak tizliginden bir ýarym esseden gowrak tiz bolýar.
Reýtingiň başyny Singapur çekýär, bu ýerde internete baglanmagyň ortaça tizligi 156 Мbit/s-e barabar.
Türkmenistanda ADSL liniýasy boýunça basglanmagyň maksimal mümkin bolan tizligi 10 Мbit/s-e deň, emma ol diňe korparatriw müşderiler üçin eleýterli. Bu tarif hususy firmalar üçin bir aýda $4561 bolar ýa-da döwlet edaralary üçin $3638 bolar.
ÇEŞME: Türkmenistanyň Hronikasy