Gyzgyn - "turkmen" teg entryler

Türkmen binagärlik institutyna täze ýolbaşçy geldi

bet-turkmen — Mon, 30 Mar 2026 04:15:11 +0000

Dostlar, habaryňyz barmy, Türkmen döwlet binagärlik-gurluşyk institutyna täze rektor bellendi. Men bu institutda okap geçen biri hökmünde, täze ýolbaşçynyň okuw jaýymyzy has-da kämilleşdirjekdigine we talyplar üçin täze mümkinçilikler açjakdygyna umyt edýärin. Gurluşyk pudagy öwrenýän ýaşlar üçin bu uly özgeriş bolar öýdýärin. Siz bu barada näme pikir edýärsiňiz, sizce täze rektor nähili ugurlara üns bermeli?

Türkmen ilçisi Özbegistanyň daşary syýasat edarasynda kabul edildi

gyzgyn — Sun, 15 Jan 2023 01:23:41 +0000

Türkmenistanyň Özbegistandaky Adatdan daşary we Doly ygtyýarly ilçisi Ýazguly Mämmedow ýurduň daşary işler ministriniň wezipesini wagtlaýyn ýerine ýetiriji Bahtiýor Saidow bilen duşuşdy. Düýn geçirilen duşuşykda dostlukly türkmen-özbek gatnaşyklaryny, we strategik hyzmatdaşlygy has-da çuňlaşdyrmagyň möhüm meselelerine garaldy diýip, Özbegistanyň daşary syýasat edarasy habar berýär. Bellenilişi ýaly, duşuşygyň dowamynda ikitaraplaýyn amala aşyrylan ýokary derejeli saparlaryň netijesinde gazanylan ylalaşyklaryň hemmetaraplaýyn durmuşa geçirilişine aýratyn üns berildi. Şol sanda iki ýurduň arasynda diplomatik gatnaşyklaryň ýola goýulmagynyň 30 ýyllygynyň bellenilmeginiň çäklerindäki çäreleriň tertibi boýunça pikir alşyldy. Taraplar duşuşykda iki ýurduň arasyndaky söwda dolanyşygynyň görkezijilerini ýokarlandyrmak, söwda we senagat hyzmatdaşlygy ugurlarynda bilelikdäki taslamalaryň durmuşa geçirilmegini çaltlaşdyrmak üçin ýörite teklipleri ara alyp maslahatlaşdylar. Türkmen ilçisi duşuşykda Türkmenistanyň medeni we ynsanperwer gatnaşyklary güýçlendirmäge taýýardygyny mälim etdi.

Stambulda işleýän Türkmen raýaty iki adamy çekiçläp öldürdi

nazaroff — Thu, 21 Dec 2017 00:19:48 +0000

Stambulyň polisiýasy 19-njy dekabr 2017-de Türkmenistanyň 30 ýaşyndaky raýaty Gurtgeldi K.-ny tussag etdi. Ol iki adamy öldürmekde gümän edilýär.
Türkiýäniň SonDakika neşiri habar berilmegine görä, Gurtgeldi 11-nji dekabrda Türkiýäniň raýaty Rukiye Baljy (51) we Gürjistanyň raýaty Ymawerdi Kazymowyň (61) ýanynda Türkiýäniň Büýükçekmeje etrabynda işe başlaýar. Şol gün agşam Gurtgeldi bu iki adamy öldüripdir. 11-nji dekabr 2017-de bolan ganhorlygyň sebäbi öý eýesi bolan aýal Gurtgeldä öz jaýynda gije galmaga rugsat bermänligi diýip aýdylýar. Ýagny, agşam işi gutaransoň Gurtgeldi galmaga ýeriniň ýokdygyny olaryň ýanynda galmak isleýändigini aýdýar. Ýöne Ymawerdi Kazymow muňa rugsat berip bilmejegini aýdýar. Bu sebäpli Gurtgeldi we Imawerdi arasynda söz dalaşy çykýar we Gurtgeldi çekiç bilen Ymawerdiniň kellesinden batly urýar. Ymawerdi şol bada ýere ýykylyp ölýär. Muny gören Rukiye Baljy bolsa polisiýa habar etjek bolýar welin Gurtgeldi ony hem çekiçläp öldürýär. Bu ganhorlyk eden soň, Gurtgeldi pidalaryň ikisiniň hem mobil telefonyny alyp gaçýar.
Polisiýa telefon signallaryny yzarlamana synanşýar. Ýapyk duran telefondan ilkinji signal 18-nji dekabr 2017-de gelýär, polisiýa signalyň gelen ýeriniň bir ikinji-el ulanylan telefon dükanydygyny anyklaýar. Dükan eýeleriniň aýtmagyna görä Gurtgeldi telefonlary bu dükana satan eken. Polisiýa Gurtgeldiniň yzyny şol dükanda oturdylan wideo gözegçilik ýazgylary barlap tapdylar.
Neşiriň maglumatyna görä, Gurtgeldi jenaýat edendigini boýun aldy.

ÇEŞME: https://www.sondakika.com/haber/haber-balyozla-iki-kisiyi-oldurdugu-belirlenen-supheli-10361655/