Gyzgyn - "toleg" teg entryler

Daşoguzda Çagalar bagy tölegleriniň gymmatlamagy protestlere sebäp boldy

nazaroff — Thu, 19 Oct 2017 01:55:55 +0000

9-njy oktýabrda Daşoguzdaky çagalar baglarynda aýlyk tölegleriniň 10 esse gymmatlanyp 8 manatdan 80 manata göterilendigi habarlary geldi. Ene-atalar çagalaryny alyp gitmäge gelenlerinde terbiýeçiler bu täzeligi olara habar berdiler. Muňa razy gelmeýän ene-atalar welaýat bilim bölümine garşy gurnalan nägilelik ýörişinde, welaýat bilim ýolbaşçysy olary köşeşdirmek üçin "bu meseläni şäher häkimligi bilen görüşmegi" masalahat edipdi. Şu sebäpli 10-njy oktýabrda irden, Daşoguz şäher häkimliginiň öňünde iki ýüze golaý adam özakymlaýyn protest aksiýasy üçin toplandy we protestçiler çagalar baglaryndaky tölegleriň äşe ýokarlanmagyndan nägilelik bildirdiler. Prostestler entegem dowam edýä diýlen habarlar bar.
Häkimligiň wekilleri ilaty köşeşdirmäge çalyşýarlar. Polisiýanyň narýady çagyryldy, emma häzirlikçe ýygnanan adamlar dargadylmady.
Täze girizilen töleg düzgüninden nägile bolan adamlaryň onlarçasy diňe Daşoguzda däl, ýurduň demirgazyk regionynyň beýleki etrap merkezleriniň hem käbirinde proteste toplandy.
Çagalar baglarynyň işgärleriniň aýtmaklaryna görä, tölegleri ýokarlandyrmak baradaky karar 5-nji oktýabrda kabul edildi. Nägile bolan ene-atalara birden tutuş bir aý üçin töleg etmän, günde 4 manatdan tölemegi, kä günler bolsa, pul tygşytlamak üçin, çagany çagalar bagyna getirmezligi teklip etdiler.
Protestçileri şäher häkimligine gönükdiren welaýat bilim ýolbaşçysy bolsa şol güni gije sagat on iki töwereginde, howpsuzlyk işgärleri tarapyndan öýünden tutlup, Daşoguzyň pasport edarasynyň ýanyndaky wagtlaýyn göz astynda tutulýan tussaghana äkidildi. Bu ýolbaşçy ýerli häkimiýetleriň "halky döwlete garşy öjükdirmek we prezidentiň halkyň bagtyýarlygy üçin edýän aladalaryna garşy gelmekde" aýyplaýandygyny, onuň tussag edilmeginiň yzýanyndan hem Daşoguzyň bir çagalar bagynda işleýän aýaly bilen şäherdäki bir mekdebiň hojalyk işlerine seredýän oglunyň hem işinden boşadylandygyny barada maglumatlar gelýär.

Prezident Berdimuhamedow gaz-elektrik-suw-duzuň mugt peýdalanmagyň ýatyrylýandygyny aýtdy

DrWaltBishop — Thu, 12 Oct 2017 03:04:03 +0000

9-10-njy oktýabrda 2017-de geçirilen Ýaşulylar Maslahatynda prezident Gurbanguly Berdimuhammedow elektrikden, gazdan, suwdan we duzdan peýdalanmagy ýuwaş-ýuwaşdan tölegli etmegiň maksada laýyk boljakdygyny aýtdy. Prezident Türkmenistanda ýyldan-ýyla ilatyň girdejisi ýokarlanýandygyny, uly möçberde iş orunlary döredilendigini we bu ýagdaý Türkmenistanyň Garaşsyzlygyndan bäri döwlet tarapyndan mugt berlen sosiýal ýeňillikleriň ýatyrylmagyna hem-de tölegli edilmegine mümkinçilik döredýändigini aýtdy we bu karara gol çekdi. oňa laýyklykda 2017-nji ýylyň 1-nji noýabryndan;
Tebigy Gazyň bahasyny goşulan baha üçin salgyt hasaba alnanda şu möçberlerde bellemeli:
a) Telekeçilik işi bilen meşgullanmaýan Türkmenistanyň raýatlary üçin mugt goýberilýän möçberden artyk sarp edilýän tebigy gazyň 1000 kub metri üçin – 20 manat;
b) Türkmenistanyň çäginde ýaşamaga hukuk berýän, Türkmenistanyň kanunçylygyna laýyklykda berlen resminamasy bolan daşary ýurt raýatlary, raýatlygy bolmadyk adamlar we bosgunlar üçin sarp edilýän tebigy gazyň 1000 kub metri üçin – 20 manat;
ç) Daşary ýurt maýa goýumy gatnaşýan kärhanalardaky daşary ýurt maýadarlarynyň paýy hem-de Türkmenistanyň çäklerinde abatlaýyş-gurluşyk işlerini daşary ýurt pulundaky şertnamalar boýunça amala aşyrýan potratçy gurluşyk kärhanalary üçin sarp edilýän tebigy gazyň 1000 kub metri üçin – 50 amerikan dollary;
d) Ýaşaýyş we beýleki käbir zerurlyklar üçin ilata mugt goýberilýän möçberden artyk sarp edilýän suwuklandyrylan gazyň 1 kg üçin – 20 teňňe.

Elektrik energiýasynyň bahasyny goşulan baha üçin salgyt hasaba alynmanda şu möçberlerde bellemeli:
a) Býujetden maliýeleşdirilýän we olar bilen deňleşdirilen ýuridik şahslara 100 kWt sagady üçin – 3,31 manat;
b) Döwlet eýeçiligine degişli hojalyk hasaplaşygyndaky ýuridik şahslara, döwlet eýeçiligine degişli bolmadyk ýuridik şahslara we telekeçilik işi bilen meşgullanýan fiziki şahslara 100 kWt sagady üçin – 6,28 manat;
ç) Türkmenistanyň çäginde ýaşamaga hukuk berýän, Türkmenistanyň kanunçylygyna laýyklykda berlen resminamasy bolan daşary ýurt raýatlaryna, raýatlygy bolmadyk adamlara we bosgunlara 100 kWt sagady üçin – 2,17 manat;
d) Daşary ýurt döwletleriniň kanunçylygyna laýyklykda döredilen, öz işini Türkmenistanda bellige alnan wekilhanasynyň we şahamçasynyň üsti bilen amala aşyrýan ýuridik şahslara 100 kWt sagady üçin – 3,58 amerikan dollary;
e) Daşary ýurt döwletleriniň Türkmenistanda akkreditirlenen diplomatik wekilhanalaryna, konsullyk edaralaryna we şol döwletleriň döwletara, hökümetara, halkara guramalarynyň ýanyndaky hemişelik wekilhanalaryna, şeýle hem döwletara, hökümetara, halkara guramalaryna, olaryň Türkmenistandaky şahamçalaryna we hemişelik wekilhanalaryna 100 kWt sagady üçin – 3,31 manat;
f) Telekeçilik işi bilen meşgullanmaýan Türkmenistanyň raýatlaryna mugt goýberilýän möçberden artyk sarp edilýän elektrik energiýasynyň 100 kWt sagady üçin goşulan baha üçin salgyt hasaba alnanda – 2,50 manat.

Guramaçylyk-hukuk görnüşine garamazdan, kärhanalar tarapyndan fiziki şahslara edilýän ýaşaýyş jaý-jemagat, awtoulag we aragatnaşyk hyzmatlarynyň bahalaryny şu möçberlerde bellemeli:
a) 1 aýda suwdan mugt peýdalanmagyň möçberinden artyk peýdalanylan 1 m3 üçin – 50 teňňe;
b) 1 aýda 1 inedördül metr ýaşaýyş meýdany üçin – 50 teňňe;
ç) 1 aýda 1 inedördül metr ýaşaýyş meýdanyny ýylatmak üçin – 10 teňňe;
d) 1 aýda 1 adam üçin lagym ulgamyndan peýdalanmak boýunça hyzmatlar üçin – 40 teňňe;

Prezidentimiz bu mugt berilýän sosiýal ýeňillikler barada öň hem 2016-njy ýylyň aprelinde ýeňillikleriň “özüni ödemeýändigini” we “bazar ykdysadyýetine geçilmegine päsgel berýändigini” aýdyp geçipdi. Ýadyňyza düşýän ýolsa prezidentimiz 2017-nji ýylyň iýun aýynda mugt gaz-elektrigin adalatsyz paýlanýandygyny, olaryň tölegli sistema geçirilip diňeje güýji ýetmejek ilatlara mugt berilmelidigini şu sözler bilen aýdypdy: “Ýeňillikleriň hemmelere bir gyradeň berilmeli däl, eger kimde-kim hakykatdan hem sosiýal kömege mätäç bolsa, diňe şolara berilmeli”.
Şondan soňra ýurduň ýaşaýjylaryndan hemme ýerde suw ölçeýji enjamlary oturmak we 2016-njy ýyl üçin suw üpjünçiligi tölegini edinmek barada dokumentleri talap edip başlanypdy.

Mundan başga-da bu kararda aşakdaky hyzmatlaryň hem bahalary kesgitlenildi:
Ýolagçylary şäher ugurlarynyň wagty bellenen ýolagçy gatnawy düzgüninde awtobusda gatnatmak boýunça hyzmatlaryň bahalaryny:
a) Bir gezeklik ýol petegi üçin – 50 teňňe;
b) Pensionerlere bir aýlyk ýol petegi üçin – 1 manat;
ç) Mekdep okuwçylaryna bir aýlyk ýol petegi üçin – 2 manat;
d) 1 aýda telefon üçin abonement tölegini goşulan baha üçin salgyt hasaba alnanda – 1 manat.

TÜRKMENISTANDAKY DÖWLET UNIWERSITETLERIŇ ÝYLLYK NYRHNAMASY

josgun — Thu, 24 Aug 2017 02:19:32 +0000

- Magtymguly adyndaky Türkmen Döwlet Uniwersiteti - 4700 manat(1650 Dollar) [AŞGABAT ŞÄHERI]
- Türkmenistanyň Döwlet Lukmançylyk Uniwersiteti - 4700 manat(1650 Dollar) [AŞGABAT ŞÄHERI]
- Halkara Gatnaşyklary Instituty - 4700 manat(1650 Dollar) [AŞGABAT ŞÄHERI]
- Halkara Nebit we Gaz Uniwersiteti - 4700 manat(1650 Dollar) [AŞGABAT ŞÄHERI](bir filýaly Balkanabat şäherinde)
- Türkmenistanyñ Döwlet Medeniýet Instituty - 4700 manat(1650 Dollar) [AŞGABAT ŞÄHERI]
- Türkmen Milli Konserwatoriýasy - 4700 manat(1650 Dollar) [AŞGABAT ŞÄHERI]
- Türkmenistanyň Döwlet Çeperçilik Akademiýasy - 4700 manat(1650 Dollar) [AŞGABAT ŞÄHERI]
- S.A.Nyýazow adyndaky Türkmen Oba Hojalyk Uniwersiteti - 4200 manat(1475 Dollar) [AŞGABAT ŞÄHERI]
- D. Azady adyndaky Türkmen Milli Dünyä Dilleri Instituty - 4200 manat(1475 Dollar) [AŞGABAT ŞÄHERI]
- Türkmen Döwlet Ykdysadyýet we Dolandyryş Instituty - 4200 manat(1475 Dollar) [AŞGABAT ŞÄHERI] (öňki ady NARHOZ)
- Türkmen Döwlet Maliýe Instituty - 4200 manat(1475 Dollar) [AŞGABAT ŞÄHERI]
Türkmen Döwlet Binägärçilik & Gurluşyk Instituty - 4200 manat(1475 Dollar) [AŞGABAT ŞÄHERI]
Türkmen Döwlet Ulag we Aragatnaşyk Instituty - 4200 manat(1475 Dollar) [AŞGABAT ŞÄHERI]
S. Seýdi adyndaky Türkmen Döwlet Mugallymçylyk Instituty - 3700 manat(1300 Dollar) [TÜRKMENABAT ŞÄHERI]
Türkmen Oba Hojalyk Instituty - 3700 manat(1300 Dollar) [AŞGABAT ŞÄHERI] (Filýaly Daşoguz şäherinde)
Türkmenistanyň Döwlet Energetika Instituty - 3700 manat(1300 Dollar) [MARY ŞÄHERI]
Türkmenistanyñ Milli Sport we Syýahatçylyk Instituty - 3700 manat(1300 Dollar) [AŞGABAT ŞÄHERI]