Gyzgyn - "suw" teg entryler

Suw serişdeleri we biziň geljegimiz barada oýlanmalar

Näzli — Wed, 15 Apr 2026 03:36:08 +0000

Türkmenistanyň deňze çykalgasy bolmadyk ýurtlar üçin suw elýeterliligini öňe sürmegi biziň ýurdumyz üçin örän möhüm we dogry ädim diýip hasaplaýaryn. Suw ýer şaryndaky iň gymmatly baýlykdygyny nazara alsak, bu başlangyjyň halkara derejesinde goldaw tapmagyna umyt edýärin. Açygyny aýtsam, biziň sebitimizde suw tygşytlylygy baradaky meseleler barha ýitileşýär, şonuň üçin bu ugurdaky tagallalar meni örän begendirýär. Siz bu barada näme pikir edýärsiňiz, sizce suw meseleleri geljekde dünýä syýasatynda esasy orun eýelermi?

Gazagystanda suw joşgunlary barada habarlar, gaty howsalaly

Guzel — Sun, 29 Mar 2026 22:30:09 +0000

Dostlar, düýn Gazagystanyň Adatdan daşary ýagdaýlar ministrliginiň suw süýşgünlerine taýýarlyk görýändigi baradaky habary okap, içim gysdy. Tebigat hadysalaryna garşy göreşmek hemişe kyn düşýär, goňşularymyz üçin howsalaly pursatlar. Men öňler suw basan ýerlerde bolup, şol bulaşyklygy görüpdim, hakykatdanam adamyň ýüregini agyrdýan zat. Siz hem şeýle tebigy betbagtçylyklar barada näme pikir edýärsiňiz, bizde hem şeýle howplara garşy taýýarlyk ýeterlikmika?

Prezident Berdimuhamedow gaz-elektrik-suw-duzuň mugt peýdalanmagyň ýatyrylýandygyny aýtdy

DrWaltBishop — Thu, 12 Oct 2017 03:04:03 +0000

9-10-njy oktýabrda 2017-de geçirilen Ýaşulylar Maslahatynda prezident Gurbanguly Berdimuhammedow elektrikden, gazdan, suwdan we duzdan peýdalanmagy ýuwaş-ýuwaşdan tölegli etmegiň maksada laýyk boljakdygyny aýtdy. Prezident Türkmenistanda ýyldan-ýyla ilatyň girdejisi ýokarlanýandygyny, uly möçberde iş orunlary döredilendigini we bu ýagdaý Türkmenistanyň Garaşsyzlygyndan bäri döwlet tarapyndan mugt berlen sosiýal ýeňillikleriň ýatyrylmagyna hem-de tölegli edilmegine mümkinçilik döredýändigini aýtdy we bu karara gol çekdi. oňa laýyklykda 2017-nji ýylyň 1-nji noýabryndan;
Tebigy Gazyň bahasyny goşulan baha üçin salgyt hasaba alnanda şu möçberlerde bellemeli:
a) Telekeçilik işi bilen meşgullanmaýan Türkmenistanyň raýatlary üçin mugt goýberilýän möçberden artyk sarp edilýän tebigy gazyň 1000 kub metri üçin – 20 manat;
b) Türkmenistanyň çäginde ýaşamaga hukuk berýän, Türkmenistanyň kanunçylygyna laýyklykda berlen resminamasy bolan daşary ýurt raýatlary, raýatlygy bolmadyk adamlar we bosgunlar üçin sarp edilýän tebigy gazyň 1000 kub metri üçin – 20 manat;
ç) Daşary ýurt maýa goýumy gatnaşýan kärhanalardaky daşary ýurt maýadarlarynyň paýy hem-de Türkmenistanyň çäklerinde abatlaýyş-gurluşyk işlerini daşary ýurt pulundaky şertnamalar boýunça amala aşyrýan potratçy gurluşyk kärhanalary üçin sarp edilýän tebigy gazyň 1000 kub metri üçin – 50 amerikan dollary;
d) Ýaşaýyş we beýleki käbir zerurlyklar üçin ilata mugt goýberilýän möçberden artyk sarp edilýän suwuklandyrylan gazyň 1 kg üçin – 20 teňňe.

Elektrik energiýasynyň bahasyny goşulan baha üçin salgyt hasaba alynmanda şu möçberlerde bellemeli:
a) Býujetden maliýeleşdirilýän we olar bilen deňleşdirilen ýuridik şahslara 100 kWt sagady üçin – 3,31 manat;
b) Döwlet eýeçiligine degişli hojalyk hasaplaşygyndaky ýuridik şahslara, döwlet eýeçiligine degişli bolmadyk ýuridik şahslara we telekeçilik işi bilen meşgullanýan fiziki şahslara 100 kWt sagady üçin – 6,28 manat;
ç) Türkmenistanyň çäginde ýaşamaga hukuk berýän, Türkmenistanyň kanunçylygyna laýyklykda berlen resminamasy bolan daşary ýurt raýatlaryna, raýatlygy bolmadyk adamlara we bosgunlara 100 kWt sagady üçin – 2,17 manat;
d) Daşary ýurt döwletleriniň kanunçylygyna laýyklykda döredilen, öz işini Türkmenistanda bellige alnan wekilhanasynyň we şahamçasynyň üsti bilen amala aşyrýan ýuridik şahslara 100 kWt sagady üçin – 3,58 amerikan dollary;
e) Daşary ýurt döwletleriniň Türkmenistanda akkreditirlenen diplomatik wekilhanalaryna, konsullyk edaralaryna we şol döwletleriň döwletara, hökümetara, halkara guramalarynyň ýanyndaky hemişelik wekilhanalaryna, şeýle hem döwletara, hökümetara, halkara guramalaryna, olaryň Türkmenistandaky şahamçalaryna we hemişelik wekilhanalaryna 100 kWt sagady üçin – 3,31 manat;
f) Telekeçilik işi bilen meşgullanmaýan Türkmenistanyň raýatlaryna mugt goýberilýän möçberden artyk sarp edilýän elektrik energiýasynyň 100 kWt sagady üçin goşulan baha üçin salgyt hasaba alnanda – 2,50 manat.

Guramaçylyk-hukuk görnüşine garamazdan, kärhanalar tarapyndan fiziki şahslara edilýän ýaşaýyş jaý-jemagat, awtoulag we aragatnaşyk hyzmatlarynyň bahalaryny şu möçberlerde bellemeli:
a) 1 aýda suwdan mugt peýdalanmagyň möçberinden artyk peýdalanylan 1 m3 üçin – 50 teňňe;
b) 1 aýda 1 inedördül metr ýaşaýyş meýdany üçin – 50 teňňe;
ç) 1 aýda 1 inedördül metr ýaşaýyş meýdanyny ýylatmak üçin – 10 teňňe;
d) 1 aýda 1 adam üçin lagym ulgamyndan peýdalanmak boýunça hyzmatlar üçin – 40 teňňe;

Prezidentimiz bu mugt berilýän sosiýal ýeňillikler barada öň hem 2016-njy ýylyň aprelinde ýeňillikleriň “özüni ödemeýändigini” we “bazar ykdysadyýetine geçilmegine päsgel berýändigini” aýdyp geçipdi. Ýadyňyza düşýän ýolsa prezidentimiz 2017-nji ýylyň iýun aýynda mugt gaz-elektrigin adalatsyz paýlanýandygyny, olaryň tölegli sistema geçirilip diňeje güýji ýetmejek ilatlara mugt berilmelidigini şu sözler bilen aýdypdy: “Ýeňillikleriň hemmelere bir gyradeň berilmeli däl, eger kimde-kim hakykatdan hem sosiýal kömege mätäç bolsa, diňe şolara berilmeli”.
Şondan soňra ýurduň ýaşaýjylaryndan hemme ýerde suw ölçeýji enjamlary oturmak we 2016-njy ýyl üçin suw üpjünçiligi tölegini edinmek barada dokumentleri talap edip başlanypdy.

Mundan başga-da bu kararda aşakdaky hyzmatlaryň hem bahalary kesgitlenildi:
Ýolagçylary şäher ugurlarynyň wagty bellenen ýolagçy gatnawy düzgüninde awtobusda gatnatmak boýunça hyzmatlaryň bahalaryny:
a) Bir gezeklik ýol petegi üçin – 50 teňňe;
b) Pensionerlere bir aýlyk ýol petegi üçin – 1 manat;
ç) Mekdep okuwçylaryna bir aýlyk ýol petegi üçin – 2 manat;
d) 1 aýda telefon üçin abonement tölegini goşulan baha üçin salgyt hasaba alnanda – 1 manat.

saç saglygy we şampunlardaky himiki maddalar

DrWaltBishop — Wed, 20 Sep 2017 02:06:24 +0000

Adam saçyň 88%-i proteýinlerden 12%-i bolsa suwdan ybarat. Diňeje şu maglumatda seredimizde, saça zeper ýetirip biljek maddalar ýa proteýin düzümine ýa-da suw düzümine zeper ýetirýän bolmaly. Şuňa görä:

1 - PROTEÝIN DÜZÜMINI GOWŞADÝAN SEBÄPLER: (skobkada täsirlik derejesi görkezilýär)
(95%) Pes derejede iýim içim (Proteýinli iýmitleri ganymat iýmezlik)
(85%) Ukysyzlyk (8 sagatdan az uklamak)
(70%) Tertipsiz Uky (gije 23 - ir 8 arasy tertipli uky hasaplanylýar)
(70%) Spreý, Gel we Şampunlardaky himiki maddalar
(30%) Tertipsiz naharlanma (wagtly wagtynda nahar edinmezlik)
(20%) Aşa köp jynsy gatnaşyklar (bedenden zyňylýan meniniň diňe 10%-i spermden ybarat, galan 90%-i bolsa enzimler, С witamini, kalsiýum, proteýin, sodýum, çinko, suw, sitrik asit we fruktoz ýaly maddalardan ybarat)

2 - SUW DÜZÜMINI GOWŞADÝAN SEBÄPLER: (skobkada täsirlik derejesi görkezilýär)
(90%) Spreý, Gel we Şampunlardaky himiki maddalar
(85%) Ganymat suw içmemezlik (1 adam günde ortaça 2 litr suw içmeli)
(45%) Saç guradyjy ulanmak
(40%) Aşa gün şöhlesi (günde 15 minutdan köp bolsa)
(10%) Aşa köp jynsy gatnaşyklar (bedenden zyňylýan meniniň diňe 10%-i spermden ybarat, galan 90%-i bolsa enzimler, С witamini, kalsiýum, proteýin, sodýum, çinko, suw, sitrik asit we fruktoz ýaly maddalardan ybarat)

BELLIK: uzyn we gysga saçlara üçin suw we proteýin düzümi tapawutlanýar. Saç uzyn bolsa onda proteýin we suw düzüminiň möçberi köpräk bolýar. Saç näçe gysga bolsa şonça proteýin we suw talaby az bolýar.

Ýokarda görşümiz ýaly köp punktlary sazlamak adamzadyň öz elinde uky bolsun naharlanma bolsun bular belli bir tertibe salyp bolar. Emma şampunsyz saçymyzyň arassalygyny sazlamak mümkin däl. Ýöne köp şampunlaryň düzüminde saçymyzyn proteýin we suw düzümini gowşadýan himiki maddalar bar. Şampunlarda ulanylýan aşakdaky maddalar saçymyza zyýanlydyr:

1) In Zyyanly Himiki Maddalar:
- Sodium Lauryl Sulfate (SLS)
- Sodium Laureth Sulfate (SLS)
- Sodium Lauryl Ether Sulfate (SLES)
- Ammonium Laureth Sulfate (ALS)
- Magnesium Laureth Sulfate (MLS)
- Sodium Xylene Sulfonate (SLS maddalaryny suwda aňsat we tiz çözmek üçin goşundysy, zäherlidir)
- Paraben (Silikonly Saklayyjydyr, Şampunlaryň uzyn wagtlap bozulman durmagy üçin ulanylýar)

SLS-ler nebitden alynýan sentetiki himiýadyr we esasan arassalaýyjy paraşoklarda ulanylýar. Şampunlarda bolsa dezenfektasiýa we köpüklenme üçin ulanylýar. Bedene degenden 1-2 minut içinde emilýär we organlarymyza garyşýar. Saçlardaky suw düzümini peseldip gury galmasyna sebäp bolýar. Beýin we Nerw sistemamyza täsir edip biler.

2) Az we Ortaça Zyýanly Himiki Maddalar:
- Cocamide MEA (SLS bilen birleşende zyýanly, köpük artdyryjydyr)
- Cocamide DEA (SLS bilen birleşende zyýanly, köpük artdyryjydyr)
- Cocamide TEA (SLS bilen birleşende zyýanly, köpük artdyryjydyr)
- Dimenthicone (Silikonly Polymerdir. Saçyn ýumşadylmasy, janlanmasy, parlamasy üçin ulanylýar. Uzun wagt saçda galmasy zyýanly)
- Formaldehit (Ys aýyryjy, ýanyjy gazdyr, Bakteriýalary öldürmek üçin ulanylýar)
- Sodium Benzoate (Duz, Bakteriýalary öldürmek üçin ulanylýar)
- Tetrasodium EDTA (Agyr metallarday kirleriň aňsatlyk bilen pozulmagy üçin ulanylýar)
- PEG-60 (nebitden alynýar, deriniň goranyş sistemasyny azaldýar)
- DMDM Hydantoin (Formaldehit goşundysydyr, Bakteriýalary öldürmek üçin ulanylýar )
- Benzyl Salicylate (Hoş floral ys berýär, ýöne alerjiýa döredip biler)
- Hexyl Cinnamal (sentetiki parfumdyr, hoş ys berýär welin alerjiýa döredip biler)
- Butylphenyl Methylpropional (sentetiki parfumdyr, hoş ys berýär welin alerjiýa döredip biler)
- Propylene Glycol (Suw emiji sentetiki maddadyr, Beýleki himiki maddalary suwda çözmek üçin ulanylýar)

Günümizde şampunlaryň 90%-inde ýokardaky SLS maddalary bardyr. SLS-siz şampun tapmak kyn bolsa-da, saçymyzyň saglygy üçin himiki düzümi az şampunlary ulanmalydyrys. Mundan başga-ga eger saç gysga bolsa hepdede 1 gezek, uzyn bolsa hepdede 2 gezek şampun bilen ýuwmaly. Şundan köp bolsa ýene zyýanly bolýar, sebäbi himiki düzümsiz şampun ýokdyr. Her gün her gün saçymyza himiki madda ulansak ýokarda aýdyşym ýaly proteýin düzümi gaty ejizlär we gowşar.

Spreý we Gel barada hiç aýtmadan gerek ýok. Olar durşy bilen zyýanly himiki maddadan ybarat. Ulanmasam bolanok diýýänlere, maslahatym spreý 1 meter uzaklykdan sepilmeli, ýöne näçe az bolsa şonça gowy. Spreý saçymyza ýapyşyp olaryň howa almagyny azaldýar we düzümindäki himiki maddalar saçymyzda durdugyça (3-4 sagatdan köp) saçymyzyň şekline, suw we proteýin düzümine göni zeper berýär. Gel bolsa hasam betterräk. Gel saçymyzyň üstüne we düýbine çalnany üçin olaryň howa kanallarynyň hemmesini doly gulplaýar. Gellerdäki himiki maddalar bolsa käte spreýlerdenem erbet bolup biler.