Gyzgyn - "sowgat" teg entryler

Gahryman Arkadagymyza sowgat edilen motoulag barada näme pikirdeňiz?

jemal — Mon, 29 Jun 2026 06:54:05 +0000

Dostlar, şu günki habarlary okaýyp örän täsirli pursada şaýat boldum, Gahryman Arkadagymyza sport motoulagynyň gowşurylmagy dogrudan hem guwandyryjy waka boldy. Açyk aýtmaly, şeýle tizlik we sport bilen gyzyklanýan ýolbaşçymyzy görmek adama aýratyn bir ruh berýär. Bu diňe bir sowgat däl, eýsem ýurdumyzda sporty ösdürmäge goýulýan uly goşantdyr diýip hasaplaýaryn. Siz bu barada näme pikir edýärsiňiz, şeýle sport görnüşlerine gyzyklanma siziň durmuşyňyza nähili täsir edýär?

Malaýziýanyň premýer-ministrine sowgat berlen türkmen halysy hakynda

nazaroff — Sat, 20 Jun 2026 06:18:14 +0000

Düýn gije okadym, Malaýziýanyň premýer-ministri Anwar Ibrahime bizden ajaýyp elde dokalan ýüpek haly sowgat berlipdir. Hakykatdanam, biziň halylarymyz ýaly gözel sungat eserini dünýäniň ähli ýerinde hormat bilen garşylaýarlar diýip pikir edýärin. Meniň özümde hem öýümizde ejemiň dokan kiçiräk halysy bar, oňa seredende guwanjym artýar. Siz näme pikir edýärsiňiz, daşary ýurtly myhmanlara türkmen medeniýetini tanyşdyrmakda halylarymyz iň gowy sowgat dälmi?

Türkmenistanda 8-nji mart Halkara aýal-gyzlar gününi bellenildi, aýal-gyzlara 40 manat (4$) berildi

nazaroff — Thu, 08 Mar 2018 08:22:16 +0000

8-nji martda Türkmenistanda Halkara aýal-gyzlar gününi bellenilip geçildi. Bütin ýurt boýunça konsertler we köpçülikleýin gezelençler gurnaldy. 8 we ondan köp çaga dogran eneleriň onlarçasyna “Ene mähri” diýen hormatly at berildi.
Türkmen aýal-gyzlary 8-nji mart baýramçylygy mynasybetli prezidentimiz Gurbanguly Berdimuhamedowyň gol çeken buýrugyna laýyklykda, aýal-gyzlara Türkmenistanyň prezidentiniň adyndan Halkara ayal-gyzlar güni mynasybetli 40 (5$) manat möçberde pul sowgatlary gowşuryldy.
“Pul sowgatlary ähli kärhanalarda, edaralarda we guramalarda işleýän aýal-gyzlara, pensiýa we döwlet kömek puluny alýan aýal-gyzlara, önümçilikden aýrylmak şerti bilen aspiranturada, doktoranturada we kliniki ordinaturada okaýan aýal-gyzlara, Döwlet gullugy akademiýasynyň iki okuw ýylyndan az bolmadyk möhletli okuwlarynyň diňleýji aýal-gyzlaryna, talyp gelin-gyzlara, orta mekdeplerde okaýan we mekdebe çenli çagalar edaralarynda terbiýelenýän gyzlara berildi” diýip Türkmenistanyň resmi habar pudagy bildirdi.
Geçen ýylyň 8-nji martynda (2017) hem aýal-gyzlara 40 manat sowgat berilipdi. Munuň ýany bilen, prezidentimiz Gurbanguly Berdimuhamedow aýal-gyzlara öz täze aýdymlaryny sowat etmegi wada berdi.

Prezidentimiz Gurbanguly Berdimuhamedow Rossiýanyň prezidenti Wladimir Putine Alabaý sowgat etdi

iTurkmen — Wed, 11 Oct 2017 08:45:06 +0000

Türkmenistanyň prezidenti Gurbanguly Berdimuhamedow şu gün Soçide Rossiýanyň prezidenti Wladimir Putin bilen duşuşyk geçirdi. Şol duşuşykda prezidentimiz Putiniň geçen doglan gününi şeýle sözler bilen gutlap Alabaý iti sowgat berdi:
“Men ýakymly bir missiýadan başlamak isleýärin. Golaýda siziň doglan günüňiz boldy. Şu sebäpden men sizi çyn ýürekden gutlaýaryn, elbetde, size berk jan saglygyny, üstünlik we iň gowy rowaçlyklary arzuw edýärin. Biziň umumy bir dostumyz bar – ol dünýäde ýeke-täk alabaý iti. Onsoň şu gün men öz ýanym bilen kiçijik alabaý getirdim” diýdi. Prezidentimiz güjügiň adyny bolsa "Wepaly" diýip aýtdy.

Aziýadanyň Türkmenistanly sportsmenlerine jaý, Toýota Camry we pul sowgat edildi

DrWaltBishop — Fri, 29 Sep 2017 01:15:32 +0000

17-27 Sentýabr 2017 aralygynda paýtagtymyz Aşgabatda geçirilen Ýapyk binalarda we söweş sungaty boýunça 5-nji Aziýada olimpiýat oýunlarda Türkmenistanly sportsmenler jemi 245 medal (89 altynş 70 kümüş, 86 bürünç) bilen döwletler kategoriýasynda 1-nji orny aldy.
Türkmenistan hökümeti bu üstünlikli we buýsançy netijeler üçin Türkmenistanly sportmenlere we olaryň tälimçilerine ýörite sowgatlar berdi. Dün gurnalan dabara bilen Türkmenistanyň prezidenti Gurbanguly Berdimuhammedow sportsmenlere we tälimçilerine bir-bir sowgatlaryny gowşurdy. Tälimçiler altyn nyşan, Türkmenistanyň tituly we Toýota Camry model awtoulag bilen sylaglandyryldy. Käbir sportsmenlere bolsa Aşgabatdan jaý hem sowgat edildi. Aziýadada altyn medal alan sportsmenler Toýota Camry model awtoulag; kümüş medal alan sportsmenler 5000 USD; bürünç medal alan sportsmenler bolsa 3000 USD pul bilen sylaglandyryldy.
Mundan başga-da Türkmenistanyň Mejlisiniň karary bilen prezidentimiziň ogly we Mejlisiň Kanun Komissiýa başlygy Serdar Berdimuhammedowa sporta beren goşantlaryndan ötrin ýörite nyşan berildi.