Gyzgyn - "real madrid" teg entryler

«Barselona» 14-nji gezek Ispaniýanyň Superkubogyna mynasyp boldy

gyzgyn — Thu, 19 Jan 2023 18:40:43 +0000

«Barselona» El-klassikoda «Realy» utup, on dördünji gezek Ispaniýanyň Superkubogyna mynasyp boldy. Saud Arabystanynda geçirilen final oýny 3:1 hasabynda «Barselonanyň» ýeňşi bilen tamamlandy. «Barselonanyň» düzüminde Gawi (33), Lewandowski (45) we Pedri (69) tapawutlandy. «Realyň» ýeke-täk jogap topy bolsa Karim Benzemanyň (90) adyna ýazyldy. Şeýlelikde, «Barselona» öz taryhynda on dördünji gezek Ispaniýanyň Superkubogyna eýe çykyp, bu ugurda esasy garşydaşy «Realdan» (12) ýene öňe saýlandy. Bellemeli zatlaryň ýene biri-de bu kubok Hawi üçin «Barselonanyň» baş tälimçisi hökmünde gazanylan ilkinji titul boldy. Maglumat üçin, «Barselona» häzirki wagtda 41 utuk bilen La liganyň turnir tablisasynda hem birinji ýeri özünde saklaýar. Ikinji ýerdäki «Realda» bolsa 38 utuk bar.

[UEFA SUPER KUBOK 2018] Ronaldosyz Real Madrid super däl eken

semiz-we-aynekli — Sat, 18 Aug 2018 08:26:10 +0000

UEFA-nyň iki uly ýaryşynyň – Çempionlar we Ýewropa ligalarynyň ýeňijileriniň özara duşuşygy bolan UEFA Super Kubogy oýnunda Madridiň iki topary “Real” bilen “Atletiko” duşuşdy. Estoniýanyň paýtagty Tallindäki “A Le Coq Arena”-da oýnalan oýna “Atletiko” gol bilen başlady. Ronaldosyz meýdança çykan “Real Madrid” eýýäm 1-nji minutda toruna gol geçirtdi. 49-njy sekuntda sag gapdaldan ýerine ýetirilen hüjümde Diego Kosta hasaby açdy. Oýnuň 26-njy minutynda Garet Beýliň owadan pasyndan soň, Karim Benzema hasaby deňledi. 62-nji minutda jerime meýdançasynda top Huanfranyň eline degeninden soň, polşaly emin Simon Marçiniak penalti nokadyny görkezdi. Serhio Ramos bolsa, 11 metrlik jerime urgusyny dürs ýerine ýetirdi. 79-njy minutda sag gapdaldan amala aşyrylan hüjümde Anhel Korreanyň pasyndan soň, ýene-de Diego Kosta tapawutlandy. Duşuşygyň esasy wagty 2–2 deňlikde tamamlandy. Goşmaça 30 minutda-da “Atletiko Madrid” 2 gol geçirip, kuboga mynasyp boldy. 98-nji minutda Tomas Parteýiň beren topuny jaýdar uran Saul Niges hem-de 104-nji minutda Koke tapawutlanyp, “Atletiko” toparyna ýeňiş getiren oýunçylar boldy. Galan 15 minutda-da “Real Madridiň” hasaby deňlemek üçin eden tagallasy oňyn netijesini bermedi. Şeýlelikde, “Atletiko Madrid” 2010-njy we 2012-nji ýyllardan soň, 3-nji gezek UEFA Super Kubogyny gazandy. Mundan ozal bu kubogy umumylykda 4 gezek alan “Real Madrid” yzly-yzyna 3 sapar eýelän ilkinji topar bolmak mümkinçiligini elden giderdi.
* Diego Kostanyň oýnuň 49-njy sekundynda geçiren goly Super Kubogyň taryhyndaky iň çalt gol diýlip hasaba alyndy.
*“Atletiko Madrid” ilkinji gezek final duşuşyklarynda “Realyň” torundan 4 pökgi geçirdi.
* Ilkinji gezek bir şäheriň iki wekili UEFA Super Kubogy duşuşygynda özara güýç synanyşdy.
* Ispan toparlary 15-nji gezek UEFA Super Kubogyny gazandy. Bu ugurda 9 ýeňiş bilen italýanlar 2-nji ýerde barýar.
* 43-nji gezek gowşurylan UEFA Super Kubogyny şu wagta çenli iň köp “Milan” we “Barselona” toparlary eýelemegi başardy (5).

Çeşme: Zaman

Kristiano Ronaldo 112 million ýewra Ýuwentusa transfer boldy

durdy — Sun, 15 Jul 2018 12:12:44 +0000

Dünýäniň super ýyldyzy, Real Madridiň portugaliýaly futbolçysy Kristiano Ronaldo mundan soň, karýerasyny Italiýada dowam etdirer. UEFA Çempionlar ligasynyň iň netijeli oýunçysy Ronaldo mundan soň, bu ýaryşyň çäklerinde iň köp gol geçiren kluby “Ýuwentusyň” köýnekçesini geýer.
Super ýyldyz italýanlaryň iň uly kluby Ýuwentus bilen 4 ýyllyk şertnama baglaşdy. Turinliler 33 ýaşly hüjümçi üçin 100 million ýewrony Real Madride, 12 million ýewrony-da oýunçynyň ilkinji kluby Sporting Lizbona berer. Real Madridde klubuň hem-de beýleki birnäçe halkara rekordlary täzelän super ýyldyz täze toparyndan her ýyly üçin 30 million ýewro hak alar.
Özüniň italýan toparyna geçmegi bilen baglanyşykly: — "Realda geçiren 9 ýylym meniň üçin ýatdan çykmajak ýyllardyr. Ähli janköýerlere minnetdarlyk bildirýärin. Ýöne aýrylmagyň wagty geldimikä diýýän. Başga kluba transfer bolmagy özüm isledim. Really janköýerlerden ötünç soraýaryn. Aýratynam, muşdaklarymdan maňa dogry düşünmeklerini haýyş edýärin. “Real Madrid” maňa we maşgalama hemişe uly goldaw berdi. Nirede bolsamam, haýsy köýnekçäni geýsemem, men hemişe özümi Santiago Bernabeuda ýaly duýaryn. Men bu klub bilen bilelikde taryhy başarnyklar gazandym. Toparyň ýolbaşçylaryna, janköýerlerine, topardaşlaryma, lukmanlaryma, umuman hemmä köp sagbolsun aýdýaryn" diýdi.
2009-njy ýylyň tomsunda 94 million ýewro Mançester Ýunaýtedden Real Madride transfer bolan Ronaldo şa klubunda diýseň ýokary netijeler görkezdi. Ol bu klubda oýnan 9 möwsüminde 4 gezek Çempionlar ligasynda, 2 gezek La Ligada, Ispaniýanyň Şa Kubogynda, UEFA Super Kubogynda, Ispaniýanyň Super Kubogynda hem-de 3 sapar FIFA Klublararasy Dünýä Kubogynda ýeňiji boldy. Real Madridiň iň köp gol geçiren oýunçysy bolan Ronaldo, La Ligada 292 oýunda 311 gol, umumylykda, şa klubunda 438 duşuşykda 450 gol geçirdi.

Real Madrid UEFA Çempionlar ligasynyň çempiony boldy

josgun — Mon, 28 May 2018 00:22:13 +0000

UEFA Çempionlar ligasynda Britaniýanyň Liwerpul komandasyny 3-1 hasabynda ýeňen Ispaniýanyň Real Madrid komandasy kubogyny duşuşykdan soň geçirilen dabarada aldy.
Ukrainanyň paýtagty Kiýewdäki Olmpiýa stadionynda geçirilen duşuşykda Liwerpuldan üstün çykyp yzly-yzyna 3-nji gezek, jemi bolsa 13-nji geçek UEFA Çempionlar ligasynyň çempiony bolan Real Madridiň janköýerleri duşuşkdan soň uly şüweleň geçirdiler.
Duşuşykda geçiren 2 goly bilen komandasynyň çempion bolmagyna uly kömek eden Real Madridiň Uelsli futbolçysy Garet Beýl duşuşygyň iň gowy futbolçysy hökmünde saýlandy.
Kubok almak dabarasyndan soň Real Madridiň futbolçylary "We are the champions" aýdymyny janköýerleri bilen ýerine ýetirdiler.
Real Madridiň baş tälimçisi Zinedin Zidane bolsa futbol taryhyna adyny altyn harplar bilen ýazdyrdy. Ol yzly-yzyna 3 gezek uefa çempionlar ligasy kubagyny alan ýeke täk tälimçi boldy.

16 Awgust 2017 Barselona - Real Madrid El Klassika SUPER KUBOK oýuny

semiz-we-aynekli — Thu, 17 Aug 2017 01:28:11 +0000

Rowanşy bar bu maçyn diyenler nirede şuwagt. Madrid Barselonany Ronaldo-syz 2:0 suhoy utdy. Obşy çyot 5-1. Gep gurrun yok. Konkretno yenıiş diyilya muna. Marco Assensio 1996-njy yyl, Ronaldo-dan ak pata alan gelejegin Ronaldo-sy bolar.
Bishop şu yerde dogry aydypsyn Assensio barada (http://gyzgyn.e-dostluk.com/8/13-awgust-2017-real-madrid-barselona-el-klassika-oyuny).

13 Awgust 2017 Real Madrid - Barselona El Klassika oýuny

DrWaltBishop — Mon, 14 Aug 2017 02:11:26 +0000

Dün agşam göni ýaýlymdan bu oýuna tomaşa etdim, barselona neymarsiz gaty gowşapdyr, diňeje suarez bilen messi bar barselonada beýlekiler ruhsyz oýnaýa, messi'niň bir özi hem kän bir zat edip bilmeli. Hemişe aýdylýan zat bardy, argentina milli maçlarda messi'niň bir özi hem kän bir zat edip bilenok diýip. Indi şuňa meňzeş ýadgaý barselonada bu ýyl köp gezek gaýtalanar öýdýän. Ronaldo hem myssalaryny görkezjek bolup gol uransoň formasyny çykaryp sary kart aldy, soň simulasiýadan ikinji sary bilen gyzyl kart alyp oýundan çykaryldy.
Real Madrid Barselonany 3-1 hasap bilen utdy, birje golam Barselona penaltydan urdy. Olam meniň pikrimçe penalty däldi. Gaty mugt penalty berdi sudýa barselonaly öýdýän. Ýöne bir zada has gowy göz ýetirdim Marid'däki Assensio gaty bet oýnaýar how, entek ýaşy hem gaty ýaş bolmaly şonuň.

http://www.59saniye.com/noload/embed/?v=52440&b=13-agustos-2017-barcelona-real-madrid-maci