Gyzgyn - "prezident" teg entryler

Kazylary wezipä bellemek-boşatmak baradaky karar

gyzgyn — Sat, 26 Jan 2019 06:01:23 +0000

Türkmenistanyň Prezidenti Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda Permana gol çekdi. Resminama laýyklykda, «Kazyýet hakyndaky» Türkmenistanyň Kanunynyň 54-nji, 56-njy, 72-nji we 83-nji maddalaryna laýyklykda, Rahman Joragulyýewiç Hojiýew Aşgabat şäheriniň Köpetdag etrap kazyýetiniň başlygynyň orunbasary wezipesine bellenilip, ol Aşgabat şäheriniň Berkararlyk etrap kazyýetiniň kazysy wezipesinden boşadyldy;
Babajan Gurbangeldiýewiç Welmämedow Aşgabat şäheriniň Berkararlyk etrap kazyýetiniň kazysy wezipesine bellenilip, ol Aşgabat şäheriniň Berkararlyk etrap kazyýetiniň administratiw we ýerine ýetiriş önümçiligi boýunça kazysy wezipesinden boşadyldy;
Gülröwşen Hemraýewna Annaýewa Daşoguz welaýatynyň Görogly etrap kazyýetiniň kazysy wezipesine bellenilip, ol Daşoguz welaýatynyň S.A.Nyýazow adyndaky etrap kazyýetiniň kazysy wezipesinden boşadyldy;
Gurbanmyrat Meretgeldiýewiç Hudaýberdiýew Mary welaýatynyň Mary şäher kazyýetiniň başlygy wezipesine bellenilip, ol Aşgabat şäheriniň Köpetdag etrap kazyýetiniň başlygy wezipesinden boşadyldy;
Rozymyrat Durdyweliýewiç Hudaýberdiýew Mary welaýatynyň Sakarçäge etrap kazyýetiniň kazysy wezipesine bellenilip, ol Mary welaýatynyň Mary etrap kazyýetiniň administratiw we ýerine ýetiriş önümçiligi boýunça kazysy wezipesinden boşadyldy;
Wepa Muhammetmyradowiç Meredow Aşgabat şäheriniň Berkararlyk etrap kazyýetiniň administratiw we ýerine ýetiriş önümçiligi boýunça kazysy wezipesine bellebildi we oňa 5-nji hünär derejesi berildi;
Şöhrat Dädebaýewiç Weljikow Lebap welaýatynyň Dänew etrap kazyýetiniň administratiw we ýerine ýetiriş önümçiligi boýunça kazysy wezipesine bellenildi we oňa 5-nji hünär derejesini berildi;
Azamat Beşimowiç Çaryýew Mary welaýatynyň Mary etrap kazyýetiniň administratiw we ýerine ýetiriş önümçiligi boýunça kazysy wezipesine bellenildi we oňa 5-nji hünär derejesini berildi;
Jumageldi Baýramow ygtyýarlyklarynyň möhletiniň tamamlanandygy sebäpli, Türkmenistanyň Ýokary kazyýetiniň kazysy wezipesinden boşadyldy;
Jumamyrat Kakageldiýewiç Nazarow ygtyýarlyklarynyň möhletiniň tamamlanandygy sebäpli, Aşgabat şäheriniň Berkararlyk etrap kazyýetiniň kazysy wezipesinden boşadyldy;
Durdymuhammet Taňyrberdyýewiç Akjaýew ygtyýarlyklarynyň möhletiniň tamamlanandygy sebäpli, Aşgabat şäheriniň Köpetdag etrap kazyýetiniň başlygynyň orunbasary wezipesinden boşadyldy;
Rejepdurdy Çaryýewiç Hudaýberenow ygtyýarlyklarynyň möhletiniň tamamlanandygy sebäpli, Lebap welaýat kazyýetiniň kazysy wezipesinden boşadyldy;
Sülgün Amanowna Annadurdyýewa ygtyýarlyklarynyň möhletiniň tamamlanandygy sebäpli, Mary welaýat kazyýetiniň kazysy wezipesinden boşadyldy.

Prezidentiň ýolbaşçylary wezipä bellemek-boşatmak kararlary

gyzgyn — Tue, 22 Jan 2019 10:40:35 +0000

Türkmenistanyň Prezidentiniň gol çeken Kararlary bilen,

Orazmämmedow Arslan Baýrammämmedowiç özüne ynanylan wezipäni oňarmandygy üçin, Aşgabat şäheriniň häkiminiň orunbasary wezipesinden boşadyldy;

Rahman Pirliýewiç Annaorazow Aşgabat şäheriniň häkiminiň orunbasary wezipesine bellenildi;

Baýramdurdyýew Begenç özüne ynanylan wezipäni oňarmandygy üçin, Aşgabat şäheriniň Bagtyýarlyk etrabynyň häkiminiň orunbasary wezipesinden boşadyldy;

Baýrammyrat Myradowiç Gurbanow Aşgabat şäheriniň Bagtyýarlyk etrabynyň häkiminiň orunbasary wezipesine bellenildi;

Ahal welaýatynyň häkiminiň bilim, medeniýet, saglygy goraýyş we sport boýunça orunbasary J.Geldymamedowanyň ýaş çaga seretmek döwründäki rugsady bilen baglanyşykly, onuň wezipe borçlaryny wagtlaýyn ýerine ýetirmek Ahal welaýatynyň Ak bugdaý etrabynyň häkiminiň orunbasary Akgül Şirmuhammedowna Toporowanyň üstüne ýüklenildi;

Wezirow Rahman işde goýberen kemçilikleri üçin, Balkan welaýatynyň Bereket etrabynyň häkiminiň orunbasary wezipesinden boşadyldy;

Täçmämmet Erepow Balkan welaýatynyň Bereket etrabynyň häkiminiň orunbasary wezipesine bellenildi;

Tahyrgylyç Mämmedow Balkan welaýatynyň Türkmenbaşy etrabynyň häkiminiň orunbasary wezipesine bellenildi;

Halatberdi Ýazberdiýewiç Allaberdiýew Balkan welaýatynyň Esenguly etrabynyň häkiminiň orunbasary wezipesine bellenildi;

Saparow Ýazly Gaýlyýewiç işde goýberen kemçilikleri üçin, Daşoguz welaýatynyň S.A.Nyýazow adyndaky etrabynyň häkiminiň orunbasary wezipesinden boşadyldy;

Sapargeldi Narbaýewiç Orunbaýew Daşoguz welaýatynyň S.A.Nyýazow adyndaky etrabynyň häkiminiň orunbasary wezipesine bellenildi;

Gurbangül Kakalyýewna Ataýewa başga işe geçmegi sebäpli, Daşoguz welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy;

Maýagul Annamyradowna Nurmyradowa Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy;

Maral Rejepmyradowna Durdyýewa Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesine bellenildi;

Türkmenistanyň Döwlet ätiýaçlandyryş guramasynyň baş direktorynyň wezipesini wagtlaýyn ýerine ýetirmek Döwlet ätiýaçlandyryş guramasynyň baş direktorynyň orunbasary Döwletmyrat Baýmyradowiç Gulmyradowyň üstüne ýüklenildi.

Şeýle hem Türkmenistanyň Prezidentiniň Permany bilen,

Serdar Sähetgulyýewiç Meredow Daşoguz welaýatynyň Saparmyrat Türkmenbaşy etrabynyň häkimi wezipesine bellenilip, ol Daşoguz welaýatynyň Gurbansoltan eje adyndaky etrabynyň häkimi wezipesinden boşadyldy;

Durdymuhammet Geldiýewiç Myradow Daşoguz welaýatynyň Gurbansoltan eje adyndaky etrabynyň häkimi wezipesine bellenildi;

Gylyjow Baýmyrat Nazlyýewiç, işde goýberen kemçilikleri üçin, Daşoguz welaýatynyň Saparmyrat Türkmenbaşy etrabynyň häkimi wezipesinden boşadyldy;

Bahtyýar Ýagmurowiç Hudaýnazarow Lebap welaýatynyň Saýat etrabynyň häkimi wezipesine bellenildi;

Şöhrat Hudaýberdiýewiç Annamyradow, başga işe geçmegi sebäpli, Lebap welaýatynyň Saýat etrabynyň häkimi wezipesinden boşadyldy;

Amanmedowa Annabibi Taçmamedowna, işde goýberen düýpli kemçilikleri üçin, Türkmenistanyň Döwlet ätiýaçlandyryş guramasynyň baş direktory wezipesinden boşadyldy.

ÇEŞME: Türkmen Portal

Wladimir Wladimirowiç Putin

gyzgyn — Wed, 14 Nov 2018 07:01:09 +0000

Wladimir Wladimirowiç Putin (Rusça doly ady: Влади́мир Влади́мирович Пу́тин) Russiÿa Federasiÿasynyñ şu wagtky Prezidentidir. Putin 7-nji Oktÿabr 1952-de Sowÿet Soÿuzynyñ Leningrad şäherinde Dünÿa gelÿär. Ol 1999-2000 we 2008-2012 ÿyllary arasynda RF-nyñ Premÿer Ministri bolandyr. 2000-2008(1-nji gezek Prezidentlik döwri) we 2015-nji ÿylyñ 7-nji maÿ aÿynda bolsa 2-nji gezek Prezident wezipesine saÿlanandyr. Bulardan daşary Putin, Birleşen Russiÿa Partiÿasynyñ başlygy wezipesinde hem işländir.

Syÿasy Durmuşy:
Boris Ÿelsiniñ Birleşen Russiÿa Partiÿasyna goşulmazyndan öñ Putin 16 ÿyl boyunça KGB-de Uly Leÿtenant wezipesinde işländir. 1991-nji ÿylda öz dogulan ÿeri Sankt-Peteburgda syÿasata başlaÿan Putin, 1996-da Moskwada göçüp barÿar we Ÿelsiniñ partiÿasynda tiz wagtda ÿokary wezipelere gelmegi başarÿar. 1999-njy ÿylda Ÿelsiniñ garaşylmadyk ÿagdaÿda syÿasatdan aÿrylmagy netijesinde Putin, geçiji hökümetde "wagtlaÿynça doladyryjy prezident" wezipesine başlaÿar. 2000-nji ÿyldaky prezident saÿlawlarynda Putin Russiÿa Federsiÿaynyñ prezidenti wezipesine saÿlanÿar. 2004-nji ÿyldaky prezident saÿlawlarynda Putin Russiÿa Federsiÿaynyñ prezidenti wezipesine 2-nji gezek saÿlanÿar. 2008-nji ÿylda Russiÿa Federasiÿasynyñ Konstitusiÿasynyñ 2 gezek prezident saÿlanma kodeksine laÿyklykda täzeden prezident saÿlawlaryna gatnaşmaÿar we Przidentligi öz partiÿasy Birleşen Russiÿadan Dmitri Medwedew gazanÿandyr. Putin 2008-2012 ÿyllary arasynda RF-niñ premiÿer ministri bolÿar we 2011-nji ÿylda "2 gezek prezident saÿlanma" kodeksini Konstitusiÿadan aÿyrÿar we 2012-nji ÿylda 3-nji gezek Birleşen Russiÿa Partiÿasyndan prezidentlige saÿlanÿar.

Putin döwüründe Russiÿa ekonomiÿasy:
1999-2008-nji ÿyllar arasynda RF-niñ ekonomiÿasy 2,5 esse ulalÿar, işgärleriñ aÿlyklary 3 esse artÿar, işsizlik we garyplyk bu döwürden öñki wagt bilen garşylaşdyrdygymyzda 2 esse azalÿar. 2014-15 ÿyllaryndaky Krym RF-ÿe baglama we Dünÿa Nebit krizisini göz öñünde tutmasak, Purtin wagtynda RF-niñ kişi başyna düşÿän girdejisi 72% artandyr. Elbetde bulardan daşaryda RF-niñ tebigy baÿlyklary we Soÿuz wagtyndan galan söweş tehnologiÿalaryny dogry wagtda we dogry ÿerde ulanmagy başaran Putin, RF-yi 15 ÿylyñ içinde täzeden bütin Dünÿade syÿasy taÿdan sözi geçÿan sanaglyja döwletleriñ hataryna getirendir.

John Fitzgerald Kennedy

gyzgyn — Wed, 14 Nov 2018 06:58:54 +0000

Jon Fisžerald Kennedi (John Fitzgerald Kennedy) (29 Maý 1917 – 22 Noýabr 1963).
ABŞ-nyň döwlet işgäri. Irland asylly baý katolik maşgalasynda dogulýar. Londonyň ykdysadyýet mekdebini we Garward uniwersitetini tamamlaýar (1940 ý.) 1941-1945-nji ýylarda ABŞ-yň harby deňiz güýçlerinde gulluk edýär. 1947-1953-nji ýyllarda Massaçusets ştatyndan wekiller palatasynyň agzasy. 1953-1960-njy ýyllarda senator, 1960-njy ýylda prezident saýlanýar. Ol ABŞ-nyň 35-nji prezidentidir. "Täze sepgitler" hem-de kosmosy özleşdirmek baradaky "Apollon" maksatnamalarynyň awtory. 1963-nji ýylyň noýabr aýynda Dallasda atylyp öldürilýär.
Žon Kennedi ilki ýurduň ykdysady pese gaçmasyny togtatmagy başardy. Ykdysadyýetini janlandyrmak üçin salgytlary peseltmek isledi. Emma onuň bu teklibini kongress goldamady. Ol aram özgertmeleriň käbirini durmuşa geçirmäge eýgerdi. Ol iş hakynyň ýokarlandyrylmagyny durmuşa geçirdi. Raýatlaryň hukuklary hakynda kabul edilmegini-de gazandy. Emma ol bilimi ösdürmek ýa-da garrylara lukmançylyk kömegini bermek ýaly syýasatlaryny durmuşa geçirip bilmedi. Ýöne kosmos barlaglaryny güýçlendirmegi welin, amala aşyrdy.
Kennedi daşary syýasat meselesinde SSSR we sosialistik ýurtlar bilen gatnaşyklarda ylalaşykly syýasatyň tarapdarydy. Ýöne onuň eglişikli daşary syýasatyna N. Hruşýow ABŞ-yň ejizligi hökmünde nädogry düşünipdi. Dogrusy, "sowuk urşuň" soňuna çykmaga Hruşýowda mümkinçilik bolupdy.
Kennedi 1963-nji ýylyň noýabr aýynyň 22-sinde Tehas ştatyndaky Dallas şäherinde üsti açyk maşynda barýarka öldürildi. Ol aram özgerdişler ugrunda göreşen prezident hökmünde halkyň ýadynda galdy.

Donald John Trump

gyzgyn — Wed, 14 Nov 2018 06:55:31 +0000

Donald John Trump (d. 14 iýun 1946: Queens, Nýu-Ýork) söwdagär, syýasatçy we Amerikanyň Bileşen Şatatlarynyň şu wagtdaky prezidenti. 8 noýabr 2016-da geçirilen saýlowlarda Respublikaçylar partiýasynyň dalaşgäri hökmünde Hillary Kinton-dan üstün çykyp Amerikanyň Birleşen Ştatlarynyň 45-nji prezidentli boldy.
Donald Trump 1960-nji ýyllarda käbir sebäplere görä okuwy taşlamaly bolýar. Soňra Pensilwaniýa Uniwersitetiniň Wharton Institute-ynda okaýar. 1971-nji ýylda kakasynyň kärhanasyny dolandyryp başlaýar. Kärhana "Trump Organisation" diýip atlandyrylýar we merkezini Manhattana geçirýär. Gysga wagtyn içinde myhmanhanalarda adyny tanadýar. 1999-nji ýylda kakasy aradan çykýar. 2000-nji ýylda bolan saýlawlarda Reform partiýasynyň başlygy hökmünde dalaşgär boldy we gysga wagtyň içinde dalaşgärlikden çykdy. 2001-ni ýylda bu partiýadan çykýar. 2004-nji ýylda NBC telekanalynda "Şägirt" (The Apprentice) gepleşigini taýýarlap şow dünýäsine gadam basdy. Käbir pikirleri üçin Parahatçylyk ugry boýunça Nobel baýragyna dalaşgär görkezildi emma ýeňiji saýlanmady. 2016-nji ýylda saýlawlarda İslamofobik gepleri we beren wadalary bilen tankyt edildi. Forbes'iň 2016-nji ýylda dünýäniň iň baý 400 adamy sanawuna adyny goşdy. 2016-nji ýylda saýlawlarda ýeňiş gazanyp ABŞ taryhyndaky iň garry prezident boldy (saýlanan wagtyna çenli aralykda).

Maşgalasy:
Donald Trump nemes asylly bir maşgalada doglan. Dellek garry atasy Frederick Trump 1869-nji ýylda germaniýada dogulýar. 1885-nji ýylda häli 16 ýaşyndaka ABŞýa göçýär. Kanadanyň Klondike welaýatynda altyn resursyny tapdy. Diňe özi altyn çykarmak bilen çäklenmän altyn bilen baýamak isleýänlere iýip içer ýaly restoranlary açdy.Özi ýaly nemes immigrant Elizabeth Christ bilen 1902-nji ýylda toý etdi. Harby borjy ýerine ýetirmezlik we salgyt tölemezlik üçin Germaniýa gidýär. Ýöne gysga wagtyň içinde Amerika yzyna dolanýar. 11 oktýabr 1905-nji ýylda Fred Trump dogulýar. Frederick Trump 1918-nji ýylda ölenden soňra ýaşajyk Fred Trump ýaş bolsa hem söwdägarlige başlaýar. 22 ýaşyna ýeteninde Elizabeth Trump & Son ady bilen bir kärhana gurýar. Şol ýyllarada garalara garşy gurama agza bolanlygy sebäpli türmä basylýar. II jahan urşyyndan soňra kärhanasyny ulaltýar we uly bri baýlygyň eýesi bolýar. Şol ýylarda Nýu-Ýork Quenss-de jaý alyp satmaga başlaýar. Jynsparazlyk edip gara adamlara öý satmaýar. 1935-nji ýylda hyzmatkär şatland immigrant Mary Mecleod bilen durmuş gurýar. Maryanne, Frederick Jr, Elizabeth, Donald we Robert diýip çagalary bolýar.
Donald Trump şu wagta çenli üç gezek durmuş gurdy. Jemi üç sany ogly we iki sany gyzy we sekiz sany agtygy bar. Trump ilki bilen 1972-nji ýylda Çeh model Ivana Zelníčková bilen durmuş gurdy. Bu nikadan Donald Trump Jr., Iwanka we Eric dünýä indi. Jübüt 1992-nji ýylda aýrylyşsa hem ýakyn gatnaşykda boldular. 1997-nji ýylda Trump bu gezek aktrisa Marla Maples bilen nikalaşdy. Bu nakadan Tiffany dünýä indi. Iki ýyl soňra 1999-njy ýylda nika bozulýar. 2005-nji ýylda slowýan model Melaniýa Knauss bilen nikalaşdy. 2006-njy ýylda ogly Barron doguldy. Melaniýanyp saýlow kampaniýasynda adamsy hakyndaky eden çykyşy Barack Obamanyň aýaly Michelle Obamanyň Demokratik pariýasynyň mejlisinde eden çykyşyna meňzemegi dawa döretdi". Käwagt öýde iki ogul çagam bar, biri ýaşajyk bir oglum we beýekisi adamym" diýen çykyşy hem jedellere getirdi.

Barak Hüseýin Obama

gyzgyn — Wed, 14 Nov 2018 06:50:49 +0000

ABŞ-nyň 44-nji prezidenti Barak Hüseýin Obama (4 Awgust 1961) — Amerikanyň Birleşen Ştatlarynyň prezidentidir (2009-2017). Ol 2008-nji ýylyn 4-nji noýabrynda bolup geçen saýlawda Amerikanyn 44-nji prezidenti saýlandy we prezidentlik wezipesini Jorj Buşdan aldy. 2012-nji ýylyň 6njy noýabrynda ol dalaşgär Mit Romni bilen bolan saýlawda ikinji gezek Amerikanyň prezidenti bolmagy başardy. Ol Amerikanyň ilkinji garaýagyz prezidentidir.

Durmuşy:
Ol Amerikanyň Gawaý ştatynyň Gonolulu şäherinde 1961-nji ýylyň 4-nji awgustynda doguldy. Özi bilen bir ada eýe bolan kakasy keniýaly ejesi Ann Dunham bolsa Amerikalydy. Obama heniz 2 yaşyndaka onyň ejesi we kakasy aýrylyşdylar we kakasy Bostondaky Garward uniwersitetinde doktorlyk derejesini aldy we keniýa yzyna dolandy. Ejesi bolsa okamaga gelen bashga bir talyp bilen ikinji gezek durmuş gurdy, Obamanyň kakasy hem öweý kakasy hem dine ähmiyet bermeýän musulmanlardandy.
Ejesi we kakasy bilen Indonezýa göçen Obama Jakartada başlangyç bilim aldy we soňra yene Gonoluluwa gaydyp gelen Obama 1979-njy ýylda orta bilimi gutaryancha ejesi we babasy bilen ýaşady. Ol 1983-njı ýylda Nýu-Ýorkdaky Columbia uniwersitetiniň syýasy bilimler bölüminden uçurym boldy. 1988-nji ýylda Garward uniwersitetiniň hukuk fakultetine girdi. Garward uniwersitetinde talyp mahaly talyplar tarapyndan ýöredilýän "Harvard Law Review" zhurnalynyn ilkini afro-amerikan baş dolandyryjysy boldy. 1991-nji ýylda aklawjy diplomyny aldy.
Obama 1989-njy ýylda Mişel Robinson bilen tanyşdy. 03.10.1992-nji ýylda öýlendi. Aýaly Mişel Obama 1964-nji ýylda doglan we ol hem Garward uniwersiteti hukuk fakultedi uçurymydyr. Barak Obama protestant hristýandyr.
Barak Obama 1992-2004 ýyllary aralykda çikago uniwersiteti hukuk fakultetinde talyplary okatdy, aklawjy bolup işledi we haýyr-sahawat işlerine gatnaşdy. Ol 1996-njy ýylda Illinois ştat senaty saylandy we syýasata tarap ilkinji ädimini ätdi, ol muny 1998 we 2002 ýyllarynda gaýta saýlandy.

2008-nji ýyldaky saýlaw:
Bu saýlawda ABŞ demokratik partiýasynda Obamadan başga Hillary Clinton, John Edwards, Joe Biden, Christopher Dodd we Bill Richardson ýaly birnäçe dalaşgärler hem gatnaşmakçydy. Her partiýadan gatnaşjak dalaşgarler her ştatda bashga bashga wagtda bolup gechyan saylawlar bilen kesgitlenyardi. 2008 yylbaşynda demokratik partiya dalaşgarlerinden Hillary Klinton we Obamadan başga ahli dalaşgarler çekildi. 2008-nji ýylyň 5-nji iyulynda Obama demokratik partiýa dalaşgari yglan edildi. Barak Obama 28-nji awgustda dalaşgarligi kabul etdi. Indi Amerika özünin ilkinji garayagyz prezidentini gormeginde onündaki yekeje böwet bardy, Jon Makkeýn: respublikan partiýa dalaşgäri. Bu iki dalaşgär 26-njy oktýabra çenli 3 gezek telewizorda görüşdiler. 4-nji noýabrda bolan saýlawda Obama sesleriň 52%sini almak bilen ilkinji garaýagyz prezident boldy. 2012-nji ýylda ol Mit Romniden üstün çykyp ikinji gezek prezidentlige saylandy.

Berdimuhamedowdan merjen däneleri gatnaşyjylara gutlag

gyzgyn — Sun, 09 Sep 2018 08:00:25 +0000

Mähriban çagalar!
Eziz körpeler!

«Türkmenistan — Beýik Ýüpek ýolunyň ýüregi» diýlip yglan edilen ýylda ata Watanymyz, mähriban halkymyz berkarar döwletimiziň taryhynda uly we möhüm waka öwrüljek mukaddes Garaşsyzlygymyzyň 27 ýyllygynyň toýuna uly üstünlikler, ýokary ruhubelentlik bilen barýar. Berkararlygyň we bagtyýarlygyň, ruhubelentligiň hem-de rowaçlygyň ak ýolunda belent maksatlara ruhlandyrýan baş baýramymyzyň şanyna Garaşsyz, Bitarap döwletimizde gazanylýan üstünliklere egsilmez buýsanç duýgularyny has-da pugtalandyrýan aýdym-sazly dabaralar, medeni-jemgyýetçilik çäreleri geçirilýär.
Garaşsyzlyk gününe gabatlanyp, eziz Diýarymyzda aýdym-sazly döredijilik bäsleşikleriniň, sport ýaryşlarynyň geçirilmegi, belentden ýaňlanýan şadyýan çaga gülküleri berkarar döwletimizi hemmetaraplaýyn sazlaşykly ösýän, bagtly çagalygyň we beýik maksatlaryň hasyl bolýan Watany hökmünde hem bütin dünýä tanadýar. Her güni şan-şöhratly, taryhy ähmiýetli syýasy, ykdysady, medeni wakalara baý «Türkmenistan — Beýik Ýüpek ýolunyň ýüregi» ýylynda hem zehinli çagalaryň arasynda geçirilýän «Garaşsyzlygyň merjen däneleri» bäsleşiginiň jemleýji tapgyryndaky joşgunly çykyşlar şanly Garaşsyzlygymyzyň toý-dabaralaryna aýratyn öwüşgin berýär.
Aýdym-saz parahatçylygyň, dostlugyň we döredijiligiň çeşmesidir. Aýdym-sazyň esasynda gözellik hem-de parahatçylyk, ýagşylyk we dostluk hakyndaky gymmatly düşünjeler durýar.
Aýdymyň we sazyň jadylaýjy güýji bilen halklar birek-birek bilen has-da ýakynlaşýar. Siziň mukaddes Garaşsyzlygymyzy, hemişelik Bitaraplygymyzy, berkararlygymyzy we bagtyýarlygymyzy wasp edýän joşgunly aýdym-sazlaryňyz, ajaýyp sahna oýunlaryňyz, döredijilik ukyp-zehiniňiz dostlugyň hem-de parahatçylygyň, bagtyýarlygyň we erkanalygyň senasy bolup belent ýaňlanýar. Watansöýüjiligi, dostlugy, döredijiligi ýörelge edinen bagtyýar çagalarymyz biziň guwanjymyz hem beýik geljegimizdir.
Berkarar Watanymyzyň saýrak bilbilleri!
Garaşsyz ýurdumyzda sagdyn bedenli we belent ruhly nesilleri kemala getirmek döwlet syýasatymyzyň esasy ugurlarynyň biridir. Şu maksatdan ugur alyp, bagtyýar zamanamyzda ýaş nesillerimiziň watansöýüjiligiň we ynsanperwerligiň belent ruhunda terbiýelenmegi, döwrebap bilim-terbiýe almagy, döredijilik hem-de zehin taýdan kämilleşmegi üçin döwletimiz tarapyndan ähli şertler döredildi. Kabul eden milli maksatnamalarymyzyň çäklerinde güneşli Diýarymyzyň ähli ýerinde häzirki zaman kompýuterleri, okuw-tehniki enjamlary, interaktiw-multimediýa tehnologiýalary bilen üpjün edilen orta we ýokary okuw mekdepleriniň, çagalar baglarynyň, çagalar dynç alyş we sagaldyş merkezleriniň döwrebap binalaryny gurmakda nusgalyk işler amala aşyryldy. Bagtyýar çagalygyň, ajaýyp arzuwlaryň hasyl bolýan ýurdy hökmünde dünýäde giňden tanalýan ata Watanymyzda siziň hemmetaraplaýyn sazlaşykly ösmegiňiz, döwrebap bilim-terbiýe almagyňyz, sport we döredijilik bilen meşgullanmagyňyz, zehiniňizi kämilleşdirmegiňiz üçin döwletimiz geljekde hem zerur bolan ähli tagallalary eder.
Ylym-bilim, aýdym-saz adamzadyň gymmatly baýlygydyr. Ynsan gözlemek, gurmak, döretmek, ajaýyp aýdym-sazlar arkaly dünýäni has gözelleşdirmek, kämillige tarap ösmek bilen, belent sepgitlere ýetýär, uly mertebe gazanýar. Şu ýörelgeden ugur alyp, siz hem berkarar Watanymyzy gülledip ösdürmäge gönükdirilen beýik işlere gowy okamak, döredijilikli zähmet çekmek, gurmak, döretmek, ylym-bilim, aýdym-saz dünýäsine çuňňur aralaşmak bilen mynasyp goşant goşmalysyňyz.
Ýurdumyzda ýaş nesliň kalbynda sungata söýgini terbiýelemekde we ösdürmekde, täze zehinleri ýüze çykarmakda hem-de kämilleşdirmekde «Garaşsyzlygyň merjen däneleri» döredijilik bäsleşigine aýratyn orun degişlidir.
Siziň ýüreklere egsilmez şatlyk joşgunyny paýlaýan şirin aýdym-sazlaryňyz eziz Watanymyza, mähriban halkymyza söýginiň, buýsanjyň we wepalylygyň aýdyň beýany bolup ýaňlanýar. Ähli ösüşlerimiziň esasy bolan ruhy galkynyşymyzy has-da rowaçlandyrýar. Şu aýdym-saz bäsleşigi hem siziň çaga kalbyňyzda aýdym-saza söýgini terbiýelemek, ösdürmek bilen milli sungatymyzyň nesilden-nesle geçip, dowamat-dowam bolmagyna we kämilleşmegine giň ýol açýar.
Geljekde hem ata-babalarymyzyň ýol-ýörelgelerine eýerip, siziň milli medeniýetimize, şirin owazly, çuň many-mazmunly aýdym-saz sungatymyza bolan söýgiňiz, buýsanjyňyz bilen agzybirligi, dostlugy, ynsanperwerligi we bagtyýarlygy wasp etmekde mundan beýläk-de işjeňlik görkezip, ata Watanymyzyň, mähriban halkymyzyň abraý-mertebesini has-da belende göterýän nesil bolup ýetişjekdigiňize berk ynanýaryn.
Mähriban çagalar!
Eziz körpeler!
Sizi Türkmenistanyň milli baýramynyň — Garaşsyzlyk gününiň 27 ýyllygyna bagyşlanyp geçirilýän «Garaşsyzlygyň merjen däneleri» döredijilik bäsleşigiňiz bilen ýene-de bir gezek tüýs ýürekden gutlaýaryn!
Goý, güneşli Diýarymyzda ajaýyp aýdym-sazlar, şadyýan çaga gülküleri hemişe belentden ýaňlanyp dursun!
Size berk jan saglyk, egsilmez bagt, okuwda we durmuşda, aýdym-saz äleminde uly üstünlikleri arzuw edýärin!

Türkmenistanyň Prezidenti
Gurbanguly BERDIMUHAMEDOW

Türkmenistanyň Kasamy

merdan96 — Sat, 14 Jul 2018 06:35:49 +0000

Mekdeplerde talyp wagtymyz her gün ir bilen hatara durup Türkmenistan Watanymyň gözel kasamy okaýardyk. Kasamda watanyma, topragyma el we dil ýetirmejegimize, dönüklik etmejegimize and içýärdik. Ine, şul ýere ýene bir gezek ýazasym geldi bu gözel kasamymyzy.

Eziz Türkmenistan – ata Watanym,
Gurban bolsun saňa bu janym-tenim!
Eger-de men saňa sähelçe şek ýetirsem,
Goý, meniň elim gurasyn!
Eger-de men saňa dil ýetirsem,
Goý, meniň dilim gurasyn!
Eger-de men Türkmenistan Watanyma,
Türkmenistanyň Prezidentine dönüklik etsem,
Goý, meniň ömrüm kül bolsun!

Berdimuhamedow Türkiýäniň Prezidenti Rejep Ärdogany gutlady

merdan96 — Tue, 26 Jun 2018 04:13:57 +0000

Hormatly Prezidentimiz Gurbanguly Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Rejep Taýyp Ärdogana Türkiýe Respublikasynyň Prezidenti wezipesine gaýtadan saýlanmagy mynasybetli mähirli we doganlyk gutlaglaryny ýollady. Milli Liderimiziň gutlag hatynda belleýşi ýaly, doganlyk türk halkynyň saýlawy Rejep Taýyp Ärdoganyň ýurtda syýasy we durmuş durnuklylygyny, ykdysady ösüşi üpjün etmäge gönükdirilen ýoluna ýokary ynamynyň we goldawynyň şaýady bolup durýar. “Siziň parasatly we öňdengörüjilikli ýolbaşçylygyňyzda ýurduňyzyň has-da uly üstünlikleri gazanjakdygyna, şeýle hem halkara derejede öz abraýyny pugtalandyrjakdygyna ynanýaryn. Türkmenistan bilen Türkiýe Respublikasynyň arasyndaky däp bolan dost-doganlyk hem-de özara hormat goýmagyň baý tejribesine esaslanýan mähirli we ynanyşykly gatnaşyklaryň halklarymyzyň bähbidine mundan beýläk-de ösdüriljekdigine we berkidiljekdigine ynanýaryn” diýip, hormatly Prezidentimiz belledi. Döwlet Baştutanymyz şu ýakymly mümkinçilikden peýdalanyp, Rejep Taýyp Ärdogana tüýs ýürekden berk jan saglyk, bagtyýarlyk we abadançylyk, şeýle hem doganlyk Türkiýe Respublikasynyň öňe gitmeginiň we gülläp ösmeginiň hatyrasyna ýokary döwlet wezipesinde uly üstünlikleri arzuw etdi.

Türkmenistanyň prezidenti ýene bir gezek raýatlaryň günälerini geçdi

nazaroff — Sat, 09 Jun 2018 11:53:37 +0000

Prezident Gurbanguly Berdimuhamedow 8-nji iýunda “Iş kesilenleriň mukaddes Gadyr gijesi mynasybetli günäsini geçmek hakyndaky” permana gol çekdi.
Karara laýyklykda, günäsi geçilen 611 raýat mundan beýläk azatlykdan mahrum etmek görnüşindäki esasy jeza çäresini, şeýle hem belli bir ýerde ýaşamak borjuny ýüklemek görnüşindäki goşmaça jeza çäresini çekmekden boşadyldy.
Prezident mundan öň iş kesilen adamlary 20-nji martda, bahar baýramy Nowruz mynasybetli azatlyga çykardy.
Gurbanguly Berdimuhamedow 2017-nji ýylda dürli baýramçylyklara gabatlap Türkmenistanyň we daşary ýurtlaryň 3.362 raýatynyň günäsini geçdi.

ÇEŞME: Türkmenistanyn Hronikasy

Hoş geldiň täze ýyl 2018 - hoş gal 2017

josgun — Mon, 01 Jan 2018 08:32:31 +0000

TDH döwlet habar gullugynyň habar bermegine görä, Türkmenistanda Täze ýyl dabaraly konsertler we baýramçylyk çäreleri bilen garşy alyndy.
Dabaranyň merkezi Aşgabatdaky “Älem” meýdançasy boldy. Beýleki şäherleriň merkezi meýdançalarynda hem täze ýyl dabaralary geçirildi we baýramçylyga býujet edaralarynyň işgärleri, studentler we ýokary klas okuwçylary mejbury gatnaşdyryldy.
Paýtagda Täze ýyl arçasynyň başynda ministrler, emeldarlar, deputatlar we ilçihinalaryň işgärleri hem ýygnandylar.
TDH-nyň ýazmagyna görä, “Aşgabatdaky täze ýyl dabarasyna, teleköpriniň kömegi bilen, bir-biriniň yzyndan regionlar hem goşuldy. Şu gün welaýatlaryň adminstratiw merkezlerindäki meýdançalarda hem, estrada aýdymçylarynyň we döredijilik toparlarynyň, köp sanly tomaşaçylaryň gatnaşmagynda kaşaň baýramçylyk dabaralary ýaýbaňlandyryldy. Tomaşaçylaryň arasynda ýaşulular we ýaşlar, ak saçly eneler, oba ýaşaýjylary we çagalar hem bar.”
“Ähli watandaşlarymyzyň adyndan ýadawsyz tagallasy we Watanymyza gulluk etmegiň nusgalyk göreldesi, öz Lideriniň daşynda jemlenen halkymyzyň bagtyýarlygy ugrunda yzygiderli alada edýän hormatly Prezidentimize çuňňur hoşallyk bildirildi” – diýip, TDH ýazýar.
Täze ýyl agşamynda, ýarygijeden birnäçe minut öň ýynananlaryň öňünde telekranda prezident Gurbanguly Berdimuhamedowyň 2017-nji ýylyň jemlerini jemleýän we “ägirt uly üstünlikler, ýurduň ilatynyň abadançylygy üçin edilen işler” baradaky gürrüňi eşitdirildi.

ÇEŞME: Türkmenistanyň Hronikasy

Serdar Berdimuhamedow Ahalda täze keselhana açdy

nazaroff — Fri, 29 Dec 2017 05:36:36 +0000

27-nji dekabr 2017-de Kaka etrabynyň Duşak şäherçesinde 375 orunlyk täze medisina toplumynyň açylyş dabarasy boldy.
Bu dabaraly çäre prezident Gurbanguly Berdimuhamedowyň däl-de, onuň oglunyň, Mejlisiň kanyunçylyk we onuň kadalary baradaky komtetiniň başlygy Serdar Berdimuhamedowyň gatnaşmagynda açyldy.
Türkmenistan döwletimiziň ösmegi halk berilýän sosiýal ýeňillikler we hyzmatlaryň artmagy buýsanç berýär. Ýöne bärde iň täsin zat bolsa, mundan ozalky bütin dabarly açyşlara (mekdep bolsun, edara bolsun. keselhana bolsun) hemişe predizentimiz Gurbanguly Berdimuhamedowyň hut ýörite özi gatnaşardy. Mundan öň parlamentiň deputatlary öz uçastoklarynda gurluşyk desgalaryny açmandylar.
Bu habarlar bilen soňky wagtlarda ýuwaş-ýuwaşdan Serdar Berdimuhamedowyň geljekde Türkmenistan syýasatynda aktiw rol aljakdygy barada aýdylýan pikirler has hem goldanýar we güýçlenýär.

Saparmyrat Nyýazow Ataýewiç: 19.02.1940 - 21.12.2006

DrWaltBishop — Thu, 21 Dec 2017 02:08:50 +0000

Saparmyrat Ataýewiç Nyýazow 1940-njy ýylyň 19-njy fewralynda Aşgabat etrabynyň Gypjak obasynda doguldy. Milleti türkmen. Kakasy Atamyrat II Jahan urşunda Kawkaz söweşleriniň birinde wepat bolýar. 35 ýaşly ejesi Gurbansoltan, doganlary 10 ýaşly Muhammetmyrat we 6 ýaşly Nyýazmyrat 1948-nji ýylyň Aşgabat ýer titremesinde şehit bolýarlar. Bu maşgaladan diňe 8 ýaşly Saparmyrat aman galýar. Ony garyndaşy Gurbanmyrat aga ýygnayar. Ona ene terbiýesini berýär.
Ol Aşgabatdaky 20-nji orta mekdebi tapawutlanyp tamamlaýar. Zähmet ýoluna 1959-njy ýylda başlady.
Ýokary bilimi 1963-1967-nji ýyllarda Leningrad Politehniki institutynda alýar.
Okuwyny tamamlap Büzmeyin GRES-inde inzener ussasy bolup işe başlaýar. 1970-nji ýyldan 1985-nji ýyla çenli partiýa we sowet organlarynda jogapkärli wezipelerde işledi.
1980-nji ýylda Aşgabat şäher komitetiniň birinji sekreatarylygyna saýlanýar.
1985-nji ýylda ol Türkmenistan Ministrler Sowetiniň Başlyklygyna bellendi, şol ýylyň dekabrynda bolsa Türkmenistan Kommunistik partiýasynyň Merkezi Komitetiniň plenumynda Türkmenistanyň Kommunistik Partiýasynyň Merkez Komitetiniň birinji sekretarlygyna saýlanyp Türkmenistanyň Hökümetiniň başyna geçyär.
1990-njy ýylyň 27-nji oktyabrynda ählihalk saýlawlary netijesinde ol Türkmenistan Sowet Sosiýalis respublikasynyň prezidentligine saýlandy. 1991-nji ýylyň maýynda Dünyä türkmenleriniň gumanitar birleşiginiň prezidentligine saýlanyldy.
1991-nji ýylyň 27-nji oktýabryndaky referendum bilen Türkmenistan Garaşsyzlygyny yglan edyär we Saparmyrat Nyýazow Garaşsyz Türkmenistanyň ilkinji prezidenti saýlanýar.
1992-nji ýylyň 2-nji martynda onuň ýolbaşçylygynda Türkmenistan Birleşen Milletler Guramasynyn agzasy bolýar.
1993-nji ýylyň 1-nji noýabrynda onuň ýolbaşçylygynda Türkmenistan özüniň pul birligini (MANAT) çykarýar.
1995-nji ýylyň 12-nji dekabrynda onuň ýolbaşçylygynda Türkmenistan Bitarap döwlet hökmünde BMG tarapyndan ykrar edilyär.
Saparmyrat Nyýazow ykdysady we syýasy ylymlaryň doktory, professor, Türkmenistan Ylymlar Akademiyasynyň akademigidir. Halklaryň arasyndaky dostlugy we parahatçylygy pugtalandyrmakda bitiren hyzmatlary göz ňňünde tutulyp, S.A.Nyýazowa birnäçe abraýly halkara baýraklary berildi. Saparmyrat Nyýazow Magtymguly adyndaky Halkara baýragynyň birinji laureatydyr. Ol Türkmenistanyň iň ýokary tapawutlandyryş derejesi bolan Türkmenistanyň Gahrymany diýen hormatly adyň we “Altyn Aý” medalynyň üç gezek eýesidir (Türkmenistanyň Garaşsyzlygy, Türkmenistanyň Bitaraplygy we Türkmenistanyň bugdaý garaşsyzlygy üçin berildi).
1995-nji ýylyň ýanwarynda geçirilen ählihalk referendumynda türkmen halky nobatdaky saýlawlary geçirmezden Prezidentiň ygtyyarlyklaryny ikinji möhlete uzaltdy we oňa Türkmenleriň başy diýlen "Türkmenbaşy" adalgasy berildi.
1999-njy ýylyň dekabrynda bolan Halk Maslahatynyň, Milli Galkynyş hereketiniň we Ýaşulular maslahatynyň bilelikdäki Mejlisi Saparmyrat Türkmenbaşyny Türkmenistanyň ömürlik Prezidenti diýip yglan etdi.
Nyýazow 2006-njy ýylyň dekabr aýynyň 21-ne ýüregi durup tarpa taýyn aramyzdan gitmeli boldy. Ol Gypjakdaky Ruhy Metjitde jaýlanan, ýatan ýeri ýagty bolsun.
Ýazan kitaplarynyň sanawy: Ruhnama, Ruhnamanyň ikinji kitaby, Meniň ruhybelentlik baharym, Türkmenistan bagtym meniň, Türkmeniň bäş eýýamynyň ruhy, Mähribanlarym we Türkmen ilim aman bolsun.

G. Berdimuhamedow birnäçe ministr, häkim we başlygy wezipelerinden boşaltdy

josgun — Tue, 14 Nov 2017 06:42:31 +0000

10-njy noýabrda Türkmenistanyň prezidentiniň karary bilen Ahmet Annamuhammedow işde goýberen düýpli kemçilikleri we ýolbaşçy wezipesi bilen bir ýere sygyşmaýan etmişi edendigi üçin zähmet we ilaty durmuş taýdan goramak ministriniň orunbasary, Türkmenistanyň Pensiýa gaznasynyň müdiriýetiniň başlygynyň orunbasary we Türkmenistanyň Pensiýa gaznasynyň dolandyryjysy wezipeleriň hemmesinden boşadyldy.
13-nji noýabrda prezidentiň degişli karary bilen polkownik Meýlis Nobatow, başga işe geçýändigi sebäpli, Türkmenistanyň Döwlet migrasiýa gullugynyň başlygy wezipesinden boşadyldy. Döwlet migrasiýa gullugynyň başlygynyň orunbasary bolup işlän maýor Mergen Gurdow başlyklyga bellenildi.
Döwlet baştutany 13-nji noýabrda Lebap welaýatynyň Galkynyş etrabynyň häkimi Bäşimguly Kadyrowy, Lebap welaýatynyň Serdarabat etrabynyň häkimi Intizar Işangulyýewi, Lebap welaýatynyň Döwletli etrabynyň häkimi Myrat Çaryýewi işde goýberen düýpli kemçilikleri üçin wezipelerinden boşatmak baradaky kararlara gol çekdi.

Gurbanguly Berdimuhamedow Awazadaky güýç ministrlikleriniň ýolbaşçylaryna türgenleşik geçirdi

josgun — Fri, 10 Nov 2017 03:44:57 +0000

Türkmenistanyň prezidenti Gurbanguly Berdimuhamedow “Awaza” baryp, güýç ministrlikleriniň ýolbaşçylary üçin türgenleşik geçirdi. Türkmenistanyň Döwlet telewizor kanalynda ýaýlymnan wideoda prezident basketbol meýdançasynda welosopet sürýärkä birnäçe gezek topuny üstünlikli basketbol torundan geçirýär. Ondan soň hem, beýleki beden-myjzsa maşk we türgenleşiklerini nädip etmelidigini türgenlere bir bir görkezýär.
Bu wideony ýoutube'dan seredip bilersiňiz: https://www.youtube.com/watch?v=HIQz-qcs1tE

Prezidentimiz Gurbanguly Berdimuhamedow Rossiýanyň prezidenti Wladimir Putine Alabaý sowgat etdi

iTurkmen — Wed, 11 Oct 2017 08:45:06 +0000

Türkmenistanyň prezidenti Gurbanguly Berdimuhamedow şu gün Soçide Rossiýanyň prezidenti Wladimir Putin bilen duşuşyk geçirdi. Şol duşuşykda prezidentimiz Putiniň geçen doglan gününi şeýle sözler bilen gutlap Alabaý iti sowgat berdi:
“Men ýakymly bir missiýadan başlamak isleýärin. Golaýda siziň doglan günüňiz boldy. Şu sebäpden men sizi çyn ýürekden gutlaýaryn, elbetde, size berk jan saglygyny, üstünlik we iň gowy rowaçlyklary arzuw edýärin. Biziň umumy bir dostumyz bar – ol dünýäde ýeke-täk alabaý iti. Onsoň şu gün men öz ýanym bilen kiçijik alabaý getirdim” diýdi. Prezidentimiz güjügiň adyny bolsa "Wepaly" diýip aýtdy.

Demirgazyk Koreýa hakynda täsinlikler

DrWaltBishop — Wed, 13 Sep 2017 02:36:39 +0000

Bilişimiz ýaly Demirgazyk Koreýa (DK) dünýäde iň içine ýapyk döwlet hasaplanylýar. Adam haklary, Ykdysady azatlyk, Medýa azatlygy ýaly döwletler indeksinde köp ýyllardan bäri iň soňky orunda durup gelýär.
Dekabr 2011-e çenli atasy Kim Song II DK-nyň prezidentidi. Şol taryhda atasy duýdansyz aradan çykýar, ýerine üçünji aýalyndan bolan ogly Kim Jong Un saýlawlarda sesleriň 100% alyp geçýär. Ol bakalwr derejesini Şwesariýa-da galp pasport bilen okapdyr. Heniz gaty ýaş we esgeri ýa-da syýasy tejribesi bolmadyk Jong Un, şol wagtlar syýasatda iň güýçliler hatarynda hasaplanylýan daýzasy we gyz doganynyň ärine ölüm permany berýär. Watana dönüklik sebäpli 120 aç itiň öňüne zyňyp öldürdi diýilýär. Jong Un iň halaýan zatlary: şampanýa içmek, emmental we hawýara peýniri we gyzyl et,

DK-daky täsinlikler:
-Erkekler üçin 10, gyzlar üçin 28 saç modeli bar. Diňeje şularyň arasynda saýlap saçyny kesdirip bilýärler.
-Diňeje 3 TW kanaly bar. Ikisi 6-7-nji günler. beylekisi bolsa diňeje agşamlary ýaýlym berýär. TW-ler fabrikadan diňeje şu kanalara düzlüp çykarylýar, beýleki kanallara rugsat berilmeýär.
-Radýolar hem diňeje döwletiň frekanslaryny çekýän edip düzülen.
-Döwlet içinde telefon networky bar, ýöne diňeje döwlet içinde DK nomerleri üçin ýörgün. Daşarky döwletlere jaň edip bolanok.
-Diňeje döwlet edaralarynda we üniwersitetlerde internet bar. Ýöne munuň kontroly hem Jong Un-nyň partiýasy Komunist Partiýanyň kontrolynda.
-5 ýylda bir saýlaw bolýar. Elbetde diňeje bir dalaşgär gatnaşýar, şonuň üçinem sesleriň 100%-ini hem Jong Un alýar.
-Döwlete diňeje Hytaýdan we Rossiýadan girip bolýar.
-Diňeje bir howaýoly Air Korýo uçuşlaryna rugsat berilýär.
-Döwlete ýylda 2 müň turist gelýär. Gelen her turistiň başyna bir milise berilýär. nirelere gidip gezip biljekdigine we nireleriň suratyny düşürip biljekdigine hat-da kimler bilen gepleşip biljekdigine şol milise karar berýär.
-DK-da hususy maşynlara rugsat berilmeýär. Diňeje döwletiň rugsat beren adamlaryň maşynlary bar.
-Gije 11-den soň köçä çykmak gadagan we 12-den soň hem hemme ýerlerde tok öçürilýär. DK tötänleýin gap-garaňky bolýar.
-Her täze dogulan çaga derrew registrasiýa edilip, ömrüniň soňuna çenli gözleg astynda tutulýar.
-Döwletiň önümçiligi aýal gyzlaryň syrtyndadyr.
-Dk-da işçiler aýda 1-2 dollar gazanýar.
-Döwletde poçti hemmeler esger. Dünýäniň iň uly armiýasyna eýe diýip bileris. Armiýada 8 milýona golaý esger bolar.
-Erkekler üçin armiýa 10 ýyl, gyzlar üçin 3 ýyl.
-Dünýäniň iň uly stadiýony paýtagt Pýongýanda ýerleşýän 150 mün adamlyk Rungrado Maý Daý stadiýony.
-DK-da marihuana oty gadagan däl.
-Hemme mugallymlar hökman akordeýon çalyp bilmeli.
-Gübre az bolany üçin oba hojalyk we ekerançylykda adam dyşgysy (boky) hem ulanylýar.
-ABŞ-nyň symboly diýlip jynsy geýmek gadagan edilen.

Aziýada Alawy Otlandy

nazaroff — Sun, 10 Sep 2017 07:25:36 +0000

7-nji sentýabrda, Ýapyk binalarda söweş sungaty boýunça geçiriljek V Aziýa oýunlarynyň başlanmagyna 10 gün galanda, Mary welaýatyndaky “galkynyş” gaz ýatagynda aziadanyň alawynyň otlanmagyna bagyşlanan dabara boldy.
Türkmenistanyň prezidenti Gurbanguly Berdimuhamedow bu dabarany sportsmenler bilen Olimpiýa şäherçesindäki myhmanhanada, teleköpri arkaly synlady.

Wideo: https://www.youtube.com/watch?v=Nzfwr0fex5s