https://gyzgyn.com/teg/pasport Powered by Gyzgyn https://gyzgyn.com/384/turkmenistanda-harby-mekdeplere-okuwa-kabul-edislik-baslady Türkmenistanyň orta mekdepleriniň 8-nji synpyny şu ýyl tamamlajak okuwçy oglanlary üçin ýurduň Goranmak Ministrliginiň ýöriteleşdirilen mekdeplerine 2023-2024-nji okuw ýyly üçin kabul edişlik başlady. Bu barada türkmen metbugaty habar berdi.<br /> Bu mekdeplerde okuwyň möhleti 4 ýyl bolar. Olarda harby taýýarlygyň esaslaryny çuňňur öwrenmek boýunça, beden we ruhy terbiýäni kämilleşdirmek boýunça işler alnyp barylýar.<br /> Harby mekdepleriň dalaşgärleri aşakdaky resminamalaryň sanawy bilen ýerli harby wekillige arza tabşyrmalydyrlar:<br /> Dalaşgäriň ene-atasynyň onuň harby mekdebiň okuwçysy bolmagyna razydygy baradaky ýazmaça tassyklamasy (eger-de ene-atasy Türkmenistanyň çäginde ýaşamaýan bolsa, degişli resminamany Döwlet migrasiýa gullugy berýär);<br /> Ene-atasynyň pasporty;<br /> Anketa we terjimehal;<br /> Dogluş hakynda şahadatnama;<br /> Orta mekdepde ýetişigi baradaky kepilnama (1, 2 we 3 çärýekleriň bahalary);<br /> 3х4 ölçegde 6 surat, 4х6 ölçegde 4 surat, 9х12 ölçegde 2 surat;<br /> Orta mekdep tarapyndan berlen häsiýetnama;<br /> Mekdebiň direktory tarapyndan tassyklanan şahsy iş;<br /> Saglyk kartasy, ýaşaýan ýerinden saglyk ýagdaýy barada kepilnama;<br /> Sanjymlar baradaky öňüni alyş kartasy;<br /> Ýaşaýan ýeri barada kepilnama we maşgala ýagdaýy barada maglumat;<br /> Ene-atasynyň biriniň ölendigi barada kepilnama (eger-de bar bolsa);<br /> Geçmek üçin esasy şert – mekdep maksatnamasynyň 8-nji synpa çenli ähli dersleri boýunça test-synag we türkmen dilinden diktant. Synag-testi üstünlikli tabşyran dalaşgärler umumy ýaşaýyş jaýynda ýer, dört wagtyna iýmit we dynç almak üçin gerekli serişdeler bilen üpjün ediler. harby,okuw,pasport,sahadatnama,terjimehal gyzgyn 384 442 5 1 0 1 1937 Habarlar https://gyzgyn.com/384/turkmenistanda-harby-mekdeplere-okuwa-kabul-edislik-baslady Thu, 19 Jan 2023 18:40:33 +0000