Gyzgyn - "okuw" teg entryler

Belarusda okuw mümkinçilikleri barada näme pikir edýärsiňiz?

Näzli — Fri, 27 Mar 2026 06:00:12 +0000

Dostlar, düýn Bitewi Hyzmat Belarusda okamak isleýänler üçin täze kabul edişlikleriň başlandygyny habar berdi. Belarusda bilim almak pikiri maňa hemişe gyzykly bolup görünýär, sebäbi ol ýerde okuw tölegleri we ýaşaýyş şertleri beýleki ýurtlara görä has elýeterli ýaly. Menem geljekde daşary ýurtda okamak barada pikirlenýärin, şonuň üçin bu habar meni birneme tolgunjyrady. Siz ýa-da tanyşlaryňyz Belarusda okadyňyzmy ýa-da häzir okap ýörsüňizmi, tejribäňiz bar bolsa paýlaşsaňyz örän begenerdim.

Türkmenistanda harby mekdeplere okuwa kabul edişlik başlady

gyzgyn — Thu, 19 Jan 2023 18:40:33 +0000

Türkmenistanyň orta mekdepleriniň 8-nji synpyny şu ýyl tamamlajak okuwçy oglanlary üçin ýurduň Goranmak Ministrliginiň ýöriteleşdirilen mekdeplerine 2023-2024-nji okuw ýyly üçin kabul edişlik başlady. Bu barada türkmen metbugaty habar berdi.
Bu mekdeplerde okuwyň möhleti 4 ýyl bolar. Olarda harby taýýarlygyň esaslaryny çuňňur öwrenmek boýunça, beden we ruhy terbiýäni kämilleşdirmek boýunça işler alnyp barylýar.
Harby mekdepleriň dalaşgärleri aşakdaky resminamalaryň sanawy bilen ýerli harby wekillige arza tabşyrmalydyrlar:
Dalaşgäriň ene-atasynyň onuň harby mekdebiň okuwçysy bolmagyna razydygy baradaky ýazmaça tassyklamasy (eger-de ene-atasy Türkmenistanyň çäginde ýaşamaýan bolsa, degişli resminamany Döwlet migrasiýa gullugy berýär);
Ene-atasynyň pasporty;
Anketa we terjimehal;
Dogluş hakynda şahadatnama;
Orta mekdepde ýetişigi baradaky kepilnama (1, 2 we 3 çärýekleriň bahalary);
3х4 ölçegde 6 surat, 4х6 ölçegde 4 surat, 9х12 ölçegde 2 surat;
Orta mekdep tarapyndan berlen häsiýetnama;
Mekdebiň direktory tarapyndan tassyklanan şahsy iş;
Saglyk kartasy, ýaşaýan ýerinden saglyk ýagdaýy barada kepilnama;
Sanjymlar baradaky öňüni alyş kartasy;
Ýaşaýan ýeri barada kepilnama we maşgala ýagdaýy barada maglumat;
Ene-atasynyň biriniň ölendigi barada kepilnama (eger-de bar bolsa);
Geçmek üçin esasy şert – mekdep maksatnamasynyň 8-nji synpa çenli ähli dersleri boýunça test-synag we türkmen dilinden diktant. Synag-testi üstünlikli tabşyran dalaşgärler umumy ýaşaýyş jaýynda ýer, dört wagtyna iýmit we dynç almak üçin gerekli serişdeler bilen üpjün ediler.

TÜRKMENISTANDAKY DÖWLET UNIWERSITETLERIŇ ÝYLLYK NYRHNAMASY

josgun — Thu, 24 Aug 2017 02:19:32 +0000

- Magtymguly adyndaky Türkmen Döwlet Uniwersiteti - 4700 manat(1650 Dollar) [AŞGABAT ŞÄHERI]
- Türkmenistanyň Döwlet Lukmançylyk Uniwersiteti - 4700 manat(1650 Dollar) [AŞGABAT ŞÄHERI]
- Halkara Gatnaşyklary Instituty - 4700 manat(1650 Dollar) [AŞGABAT ŞÄHERI]
- Halkara Nebit we Gaz Uniwersiteti - 4700 manat(1650 Dollar) [AŞGABAT ŞÄHERI](bir filýaly Balkanabat şäherinde)
- Türkmenistanyñ Döwlet Medeniýet Instituty - 4700 manat(1650 Dollar) [AŞGABAT ŞÄHERI]
- Türkmen Milli Konserwatoriýasy - 4700 manat(1650 Dollar) [AŞGABAT ŞÄHERI]
- Türkmenistanyň Döwlet Çeperçilik Akademiýasy - 4700 manat(1650 Dollar) [AŞGABAT ŞÄHERI]
- S.A.Nyýazow adyndaky Türkmen Oba Hojalyk Uniwersiteti - 4200 manat(1475 Dollar) [AŞGABAT ŞÄHERI]
- D. Azady adyndaky Türkmen Milli Dünyä Dilleri Instituty - 4200 manat(1475 Dollar) [AŞGABAT ŞÄHERI]
- Türkmen Döwlet Ykdysadyýet we Dolandyryş Instituty - 4200 manat(1475 Dollar) [AŞGABAT ŞÄHERI] (öňki ady NARHOZ)
- Türkmen Döwlet Maliýe Instituty - 4200 manat(1475 Dollar) [AŞGABAT ŞÄHERI]
Türkmen Döwlet Binägärçilik & Gurluşyk Instituty - 4200 manat(1475 Dollar) [AŞGABAT ŞÄHERI]
Türkmen Döwlet Ulag we Aragatnaşyk Instituty - 4200 manat(1475 Dollar) [AŞGABAT ŞÄHERI]
S. Seýdi adyndaky Türkmen Döwlet Mugallymçylyk Instituty - 3700 manat(1300 Dollar) [TÜRKMENABAT ŞÄHERI]
Türkmen Oba Hojalyk Instituty - 3700 manat(1300 Dollar) [AŞGABAT ŞÄHERI] (Filýaly Daşoguz şäherinde)
Türkmenistanyň Döwlet Energetika Instituty - 3700 manat(1300 Dollar) [MARY ŞÄHERI]
Türkmenistanyñ Milli Sport we Syýahatçylyk Instituty - 3700 manat(1300 Dollar) [AŞGABAT ŞÄHERI]

Türkiýede okamak üçin elektron onlaýn wiza başlapdyr

josgun — Wed, 23 Aug 2017 07:14:27 +0000

Türkiýe Respublikasyna okamak üçin gitmek isleýän geljekki talyplar üçin talyp wizasy almak möwsümi başlapdyr. Türkiýäniň kanunçylygyna görä, talyp wizasyny almak üçin resmi www.visa.gov.tr salgysyndaky anketany doldurmak we degişli resminamalar bilen Türkiýäniň Aşgabatdaky Ilçihana ýüz tutmak gerek bolup durýar. Ilçihana geleniňizde ýanyňyz bilen, biometrik we adaty pasportyňyzy, JPEC görnüşde 5 x 6 möçberindäki suratyňyzy, Türkiýäniň ýokary okuw jaýyna kabul edilendigiňiz baradaky resminamany, aýlyk haklaryny görkezýän resminamany, şeýle hem, eger 18 ýaşyňyzy doldurmadyk bolsaňyz, ene-ataňyzyň daşary ýurda gitmäge razylyk hatyny getirmegiňiz soralýar.

Niranin okuw bilim sistemasy has osen: Turkiye, Rossiya, Malaziya, Ukraina

nazaroff — Mon, 14 Aug 2017 03:04:17 +0000

Hormatly agzalar, bilsiniz yaly Turkmenler koplenc okuw bilim almak ucin Turkiya, Rossiya, Malaziya, ya-da Ukraina gidyaler. Her kim 4-5 yyl son diplomly bolup Turkmenistana gelya we is gozlap baslayar. Is beryanlerin ya-da dowletin gozunde bu respublikalarynyn haysynyn diplomy okuw bilim sistema has yokary? Kopsi Turkiye diyjek bolya welin Rossiya-da diyenler az dal. Tarapsyz oz pikrinizi aydyn hany.