https://gyzgyn.com/teg/nowruzden+seni Powered by Gyzgyn https://gyzgyn.com/148/magtymguly-pyragy-nowruzdan-seni Bolmady bizge nesibiň, istedim güýzden seni,<br /> Diýdiň: “Ötsün gyş, tapar men täze nowruzdan seni”.<br /> Saýladym, seçdim, sonam, bir bölejik gyzdan seni,<br /> Neçün biliňni guçmadym men tapyp düzden seni,<br /> İsterim hakdan, gowuşdyrgaý maňa tizden seni.<br /> <br /> Hak katynda sözüm ötmez, men kibi awara ýok,<br /> İl-gün rehm eýlemezler, men kibi biçäre ýok,<br /> Ýüregim sed para tekdir, hiç tenimde ýara ýok,<br /> Sen garyp sen, men pakyr men, sende, mende çäre ýok,<br /> Söwdügim, takdyry-hakdyr aýyrgan bizden seni.<br /> <br /> Söwdügim, sen günde bir gez ýadyňa salsaň meni,<br /> Günde ýüz katla tilär men ýardan-hakdan seni,<br /> Başky gün sen oda saldyň men parahat bendäni,<br /> Hak götersin aradan, şaýed, rakyp-şermendäni,<br /> Kyl buhl bizden ýaňa ynjytsalar sözden seni.<br /> <br /> Bagyňa girsem säher, bilbil bolup salsam oýun,<br /> Gaflata, galsa rakyp, bir dem salyşsak gol boýun,<br /> Hakdan özge çäre ýokdur, ne kylaý men, neýleýin,<br /> İnçe bil, şirin zyban, kepder topuk sen, gaz boýun,<br /> Saklasyn taňry penahynda ýaman gözden seni.<br /> <br /> Haýryňy duşman görer, dostuň çeker jebri-jepaň,<br /> Ýara, dildarlyk bolarmy sürmeýin zowky sapaň,<br /> Salsalar mizana, Balkan dagy bolmazdyr päheň,<br /> Aýdadyr Magtymguly ähdiň ýalan, ýokdur wepaň,<br /> Biwepalar hup sowutmyşlar, sonam, bizden seni. magtymguly,pyragy,sahyr,edebiyat,nowruzden seni DrWaltBishop 148 136 4 3 0 3 921 Edebiýat https://gyzgyn.com/148/magtymguly-pyragy-nowruzdan-seni Wed, 06 Jun 2018 05:28:48 +0000