Gyzgyn - "ministrilik" teg entryler

Serdar Berdimuhamedow Ahal welaýaty häkiminiň orunbasary boldy

gyzgyn — Sat, 05 Jan 2019 13:41:26 +0000

Türkmenistanyň Prezidentiniň Karary bilen, Serdar Gurbangulyýewiç Berdimuhamedow Ahal welaýatynyň häkiminiň orunbasary wezipesine bellenildi.

Täze wezipä bellenmegi bilen baglylykda Serdar Berdimuhamedow Türkmenistanyň daşary işler ministriniň orunbasary wezipesinden boşadyldy.

Serdar Berdimuhamedow şol sanda Türkmenistanyň mejlisiniň (parlament) hem deputaty bolup durýar.

Türkmenistanda Maliýe gözegçiligi gullugy döredildi

gyzgyn — Tue, 09 Oct 2018 06:54:39 +0000

"Jenaýatçylykly ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy hereket etmek hakyndaky" Türkmenistanyň Kanunyndan we halkara şertnamalaryndan gelip çykýan wezipeleri üstünlikli durmuşa geçirmek maksady bilen, Türkmenistanyň Prezidenti Gurbanguly Berdimuhamedow karara gol çekdi. Resminama laýyklykda, Türkmenistanyň Maliýe we ykdysadyýet ministrliginiň ýanynda Maliýe gözegçiligi gullugy döredildi.

Şeýle hem resminama bilen, ady agzalan gullugyň gurluşy hem-de bu gulluk hakyndaky Düzgünnama tassyklanyldy.

ÇEŞME: Türkmen Portal

Ykdysadyýet we ösüş ministrligi ýatyryldy, Maliýe we ykdysadyýet ministrligini döredildi

nazaroff — Thu, 05 Oct 2017 10:33:30 +0000

5-nji oktýabrda prezidentimiz Gurbanguly Berdimuhamedow hökümetiň giňişleýin mejlisini geçirdi. Şol mejlisde prezidentimiz Ykdysadyýet we ösüş ministrliginiň zerurlygy aradan çykandygyny şu sözler bilen beýan etdi: "Giň gerimli bu gurluşyklar hem-de pudaklary ösdürmek bilen bagly meseleleri netijeli çözmek üçin biz Ykdysadyýet we ösüş ministrligini döretdik. Bellenen ösüş maksatnamalarynyň ählisi diýen ýaly tamamlanan häzirki döwürde, indi bu Ministrligiň zerurlygy aradan aýrylýar".
Prezidentimiz ykdysadyýet ministriligini Maliýe ministriligi bilen birleşdirip, onuň binýadynda Maliýe we ykdysadyýet ministrligini döretmek tabşyrygyny berdi. Ministrligiň ýolbaşçylygyna Batyr Bazarow bellenildi. Ministrler kabinetiniň başlygynyň orunbasary Orazmyrat Gurbannazarowy bolsa wagtlaýyn ykdysadyýet, bank we halkara maliýe gurluşlary meselelerine gözegçilik etmek wezipesinden boşatdy we onuň ýerine Goçmyrat Myradowy belledi.