https://gyzgyn.com/teg/milli+yygyndy Powered by Gyzgyn https://gyzgyn.com/329/horwatiyaly-rober-grdowic-futzal-yygyndymyzyn-talimcisi 45 ýaşly horwatiýaly hünärmen Rober Grdowiç Türkmenistanyň futzal boýunça milli ýygyndysynyň baş tälimçisi wezipesine bellenildi diýip, Türkmenistanyň Futbol federasiýasyndan Turkmenportala habar berdiler. Tälimçi bilen gepleşikler TFF-niň baş direktory Arslan Aýnazarowyň Horwatiýanyň Futbol federasiýasynyň ýerine ýetiriji direktory Damir Wrbanowiç bilen Zagrebdäki duşşuyklarynyň çäginde geçirildi.<br /> <br /> Rober Grdowiç 1974-nji ýylyň 23-nji fewralynda Germaniýanyň Zindelfingen şäherinde dünýä indi. Ol dürli ýyllarda “Uspinýaça” (Horwatiýa), “Kalýari” (Italiýa), “Žensano” (Italiýa), “Petar” (Horwatiýa), “Gostiç” (Horwatiýa), “Brodospilt Inženering” (Horwatiýa), “Zapad” (Horwatiýa) ýaly futzal toparlarynda oýnap, 2011-nji ýylda karýerasyny tamamlady.<br /> <br /> Ol Horwatiýanyň milli ýygyndysynda hem baý tejribe toplady. Milli ýygyndy bilen 56 duşuşykda 38 gezek tapawutlanan hünärmen 2000-nji ýylda kiçi futbol boýunça dünýä çempiony, 1999 we 2001-nji ýyllarda bolsa Ýewropanyň çempiony boldy.<br /> <br /> Tälimçilige başlansoň bolsa “Zapad”, “Nasional” ýaly toparlary türgenleşdirdi.<br /> <br /> Ozal hem habar berşimiz ýaly, 2020-nji ýyldaky Aziýa çempionaty Aşgabatda geçiriler. Horwatiýaly hünärmeniň öňünde goýlan esasy wezipe Türkmenistanyň futzal ýygyndysynyň paýtagtymyzda geçiriljek yklym ýaryşynda üstünlikli çykyş etmegini ýola goýmakdyr.<br /> <br /> ÇEŞME: Türkmen Portal<br/>Goşundy-1 (https://gyzgyn.com/329/horwatiyaly-rober-grdowic-futzal-yygyndymyzyn-talimcisi?show=332#c332): Horwatiýaly hünärmen &nbsp;Robert Grdowiç-iň Zadarski söhbetdeşligi <br /> <br /> Horwatiýaly hünärmen &nbsp;Robert Grdowiç Türkmenistanyň futzal boýunça milli ýygyndysynyň baş tälimçisi wezipesine bellenensoň, Horwatiýanyň &quot;Zadarski.hr&quot; neşiri täze işi bilen bagly tälimçi bilen söhbetdeş boldy.<br /> <br /> &quot;Hawa, bu dogry. Men häzir Aşgabada ugraýaryn. Türkmenistanyň Futbol federasiýasy bilen 1+1 ýyllyk şertnama baglaşdyk. Bu iş meniň tejribäm üçin hem uly synag bolar. 2020-nji ýylyň fewralynda Türkmenistanda futzal boýunça Aziýa çempionaty geçiriler. Yklym ýaryşynda üstünlikli çykyş edip bilen toparlar ýene-de şol Litwada geçiriljek dünýä çempionatyna-da gatnaşmaga hukuk gazanar. Men Türkmenistanyň ýygyndysy bilen gowy netijeleri gazanyp bileris diýip umyt edýärin. Men Youtube ýaýlymlary arkaly Türkmenistandaky futzalyň derejesi bilen tanyşdym. Ony has ýokary çekip bolar&quot; diýip, horwat metbugatynda R.Grdowiçiň aýdanlary getirilýär.<br /> <br /> Horwat futzalynyň ady rowaýata öwrülen wekili öz ýany bilen kömekçilerini, şol sanda derwezeçileri taýýarlaýan tälimçileri hem Aşgabada alyp geler. futzal,milli yygyndy,horwatiya,turkmenistan,rober grdowic gyzgyn 329 261 15 2 0 2 2347 Sport https://gyzgyn.com/329/horwatiyaly-rober-grdowic-futzal-yygyndymyzyn-talimcisi Thu, 21 Mar 2019 07:06:05 +0000 https://gyzgyn.com/328/horwatiyaly-ante-mise-futbol-yygyndymyzyn-bas-talimcisi 51 ýaşly fransiýaly hünärmen Ante Mişe Türkmenistanyň futbol boýunça milli ýygyndysynyň baş tälimçisi wezipesine bellenildi. Bu barada şu gün Türkmenistanyň Futbol federasiýasyndan Turkmenportala habar berdiler. Ozal bu wezipede Türkmenistanyň at gazanan tälimçisi Ýazguly Hojageldiýewiň işländigini ýatladýarys. Ol bu işi &quot;Altyn asyryň&quot; baş tälimçiligi bilen birlikde alyp barypdy.<br /> <br /> Türkmenistanyň milli ýygyndysynyň täze baş tälimçisi kim? Geliň, ony ýakyndan tanalyň!<br /> <br /> Ante Mişe 1967-nji ýylyň 14-nji iýunynda Ýugoslawiýanyň Wukowar şäherinde (häzirki Horwatiýanyň çäklerinde) doguldy. Futbol oýnan ýyllarynda, esasan, ýarym goragda çykyş eden hünärmen dürli ýyllarda Horwatiýanyň Split şäheriniň &quot;Haýduk&quot;, Bosnýa we Gersogowinanyň Banýa-Luka şäheriniň &quot;Boras&quot;, Gollandiýanyň &quot;Witess&quot; we Sloweniýanyň &quot;Mura&quot; toparlarynyň üstünlikleri üçin göreşdi. Ol klublarda jemi 305 duşuşyk geçirip, şolarda 24 gezek tapawutlandy. Horwatiýanyň milli ýygyndysynyň köýnekçesini bolsa 7 duşuşykda geýdi. Onuň futbol oýnan ýyllarynda gazanan üstünlikleri: Ýugoslawiýanyň kubogy (1991), Ýugoslawiýanyň kubogynyň finalçysy (1990), üç gezek Horwatiýanyň çempiony (1992, 1994, 2001), üç gezek Horwatiýanyň kubogy (1993, 2000, 2003) we &quot;Haýdugyň ýüregi&quot; atly şahsy baýrak (1994).<br /> <br /> Tälimçilik ýyllarynda ol &quot;Dugopolýe&quot;, &quot;Mosor&quot;, &quot;Trogir&quot;, &quot;Haýduk&quot;, &quot;Istra 1961&quot;, &quot;Witez&quot; ýaly toparlary türgenleşdirdi. 20015 - 2017-nji ýyllar aralygynda bolsa Horwatiýanyň milli ýygyndysynyň baş tälimçisiniň kömekçisi bolup işledi. Bosnýa we Gersogowinanyň Mostar şäheriniň &quot;Zrinski&quot; kluby Türkmenistanyň futbol ýygyndysynyň baş tälimçisiniň soňky işlän ýeridir.<br /> <br /> Ýeri gelende, Horwatiýanyň milli ýygyndysynyň dünýäniň iň güýçli ýygyndylarynyň biridigini ýatlatmak isleýäris. Dünýä çempionaty - 2018-de kümüş medal eýelän horwat futbolçylary finalda Fransiýanyň ýygyndysyndan 2:4 hasabynda ýeňlipdiler.<br /> <br /> ÇEŞME: Türkmen Portal futbol,milli yygyndy,ante mise,horwatiya,turkmenistan gyzgyn 328 130 9 5 0 5 2347 Sport https://gyzgyn.com/328/horwatiyaly-ante-mise-futbol-yygyndymyzyn-bas-talimcisi Wed, 20 Mar 2019 06:04:15 +0000