Gyzgyn - "migrasiya" teg entryler

ýurtdan çykyşy gadagan edilenler sanawy 31 müňe ýetdi

nazaroff — Wed, 19 Sep 2018 01:36:42 +0000

Türkmenistanyň ýörite gulluklarynyň ýurtdan çykarylmasyz eden adamlarynyň sany awgustda 30.874 adama ýetdi.
Şahsy sanawa girizilýän ýurt raýatlary MHM-niň, IIM-niň, Türkmenistanyň Baş prokuraturasynyň we Döwlet migrasiýa gullugynyň kararlary esasynda girizilýär.
Mundan başga-da, sanawda ýurtdan çykmagy gadagan edilen başga kategoriýaly raýatlar hem bar. Olar ýurduň Ýaragly güýçleriniň hatarynda harby gulluk möhletini tamamlamadyk erkekler (kadadan çykma – harby gulluga çygyrylmakdan boşadylan ýa-da saglyk ýagdaýy zerarly harby gulluga ýarawsyz hasap edilenler).
Mundan başga, ýurtdan çykjak bolanda serhetde ýa-da Aşgabat aeroportunda migrasiýa gullugynyň işgäriniň ýa-da MHM-niň ofiseriniň hususy karary esasynda yzyna gaýtarylýan raýatlar hem bar. Bu gullukllaryň wekilleriniň adamlary ýurtdan haýsy sebäpler esasynda goýbermeli ýa-da däl diýen karara gelmeginiň ýazmaça düzgünleri ýok.

Bu kategoriýa şular girýär:
• 40 ýaşyna çenli erkekler, eger-de ýörite gulluklaryň işgärlerinde bu raýat ýurtdan terrorçylyk guramalaryna ýa-da adaty bolmadyk dini toparlara goşulmak niýeti bilen barýan bolmasyn diýen pikir dörese;
• 35 ýaşyna çenli aýal-gyzlar, eger ýörite gulluklaryň işgärleri ol zenan daşary ýurtda jelepçilik bilen meşgullanmak üçin barýandyr diýip pikir etse;
• ikinji raýatlygy bolan we olaryň birinden ýüz öwürmek islemeýän raýatlar hem Türkmenistandan goýberilmän biler. Türkmen raýatlygyndan çykmak prosedurasy alty aýdan bir ýarym ýyla çenli wagt alýar.

Daşary ýurtlardaky saglyk edaralarynda bejergi almaga barýan adamlar hem ýurtdan çykjak bolanda çylşyrymly ýagdaýlar bilen ýüzbe-ýüz bolup bilýärler.
Şeýlelikde, hakykatda ýurtdan çykmak hukugyndan mahrum edilen adamlaryň sany 30,874-den has-da köp diýlip çak edilýär.

Türkmenistandan daşary ýurda çykmak günbe gün kynlaşýar

durdy — Wed, 13 Jun 2018 03:11:06 +0000

Türkmenistan garaşsyzlygyny alandan soň, başda Türkiýe bolmak bilen Russiýa Federasiýasy, Ukraina, Belarus hem ÝB-niň ýurtlaryna ýokary okuw jaýlarynda okamaga gidýänleriň köpelendigi aýdylýar.
Daşary ýurtlarda ýokary bilim alýan türkmenistanly studentleriň käbiriniň dynç alyş ýa-da başga saý-sebäp bilen öýüne dolananlarynda, yzyna goýberilmeýändigi aýan bolýar. Daşary döwletlere syýahat etmek isleýän türkmen raýatlaryna Aşgabadyň aeroportyň migrasiýa gullugy tarapyndan gadagançylyklaryň artýandygyny ýaşaýjylardan eşitse bolýar.
13-nji fewral 2018-de hiç hili sebäp aýdylman Aşgabatdan Stambula uçýan uçara ortaça 70 ýolagçy goýberilmedi. Şonda aglabasy lebaply we daşoguzly zenanlardan kiçi göwrümdäki protest çäresini geçirdiler.
Hat-da 2018 Aprel aýynda Daşoguz welaýatynyň ýaşaýjysy, Stambula gidýän halkara uçara üç gezek goýberilmedik raýat öz janyna kast etdi.
Daşoguz welaýatynyň Akdepe etrabynda ýaşaýan erkek üç gezek Türkiýä gitmäge synanyşdy, emma bu başa barmady. Üçünji gezek hem uçardan alyp galanlaryndan soň, oňa ýurtdan hiç wagt goýberilmejegini aýtdylar. Ol şondan soň öz öýüniň işigindäki daragtdan özüni asdy. Ol bergi-borja batyp, bilet satyn aldy, emma bergisini yzyna gaýtaryp bilmedi we bu onuň özüni heläklemegine sebäp boldy.
“Ol gün-güzeranynyň ýaramazlaşmagy sebäpli çagalaryny bir wagtyna hem naharlap bilmeýär. Çagalarynyň mekdebe ýyrtyk egin-eşikde gatnamagyna namys edip, uly prosentine karz pul alyp, Türkiýä gazanç etmäge gitmekçi bolýar. Emma onuň bu synanyşygy başa barmansoň, alan karzyny üzüp bilmejegini bilip, ‘garyplykdan we işsizlikden ýadadym’ diýen ýazgy galdyryp, öz janyna kast edýär” diýip merhumyň garyndaşy habar berýär.
Ýatladyňyza düşse, öňem 28-nji maýda Aşgabatda bir aýalyň migrasiýa gullugynyň işgäri bilen bolan dawadan soň heläk bolupdy. Ol aýal hem Türkiýä gidýän uçara goýberilmändi. Şondan iki gün soň prezidentimiz Gurbanguly Berdimuhamedow Döwlet migrasiýa gullugynyň başlygy Mergen Gurdow-a berk käýinç beripdi.

ÇEŞME: Türkmenistanyň Hronikasy

G. Berdimuhamedow birnäçe ministr, häkim we başlygy wezipelerinden boşaltdy

josgun — Tue, 14 Nov 2017 06:42:31 +0000

10-njy noýabrda Türkmenistanyň prezidentiniň karary bilen Ahmet Annamuhammedow işde goýberen düýpli kemçilikleri we ýolbaşçy wezipesi bilen bir ýere sygyşmaýan etmişi edendigi üçin zähmet we ilaty durmuş taýdan goramak ministriniň orunbasary, Türkmenistanyň Pensiýa gaznasynyň müdiriýetiniň başlygynyň orunbasary we Türkmenistanyň Pensiýa gaznasynyň dolandyryjysy wezipeleriň hemmesinden boşadyldy.
13-nji noýabrda prezidentiň degişli karary bilen polkownik Meýlis Nobatow, başga işe geçýändigi sebäpli, Türkmenistanyň Döwlet migrasiýa gullugynyň başlygy wezipesinden boşadyldy. Döwlet migrasiýa gullugynyň başlygynyň orunbasary bolup işlän maýor Mergen Gurdow başlyklyga bellenildi.
Döwlet baştutany 13-nji noýabrda Lebap welaýatynyň Galkynyş etrabynyň häkimi Bäşimguly Kadyrowy, Lebap welaýatynyň Serdarabat etrabynyň häkimi Intizar Işangulyýewi, Lebap welaýatynyň Döwletli etrabynyň häkimi Myrat Çaryýewi işde goýberen düýpli kemçilikleri üçin wezipelerinden boşatmak baradaky kararlara gol çekdi.