Gyzgyn - "maliye" teg entryler

Maliýe institutyna täze rektor bellenildi – nämä garaşýarys?

semiz-we-aynekli — Wed, 08 Apr 2026 03:18:07 +0000

Dostlar, habaryňyz barmy, Türkmen döwlet maliýe institutyna täze rektor bellendi. Men hemişe täze adamlaryň okuw ulgamyna täzeçil pikirler we ruh getirmeginiň tarapdary, şonuň üçin bu habar maňa gyzykly göründi. Özüm hem şol institutda okap, köp ýatlamalary saklaýan adam hökmünde, indiki ädimleriň nähili boljakdygyna içgin garaşýaryn. Belki, okuw prosesinde ýa-da talyplaryň durmuşynda oňyn üýtgeşmeler bolar. Siz bu barada näme pikirdesiz, täze ýolbaşçydan nähili garaşmalaryňyz bar?

Türkmenistanda Maliýe gözegçiligi gullugy döredildi

gyzgyn — Tue, 09 Oct 2018 06:54:39 +0000

"Jenaýatçylykly ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy hereket etmek hakyndaky" Türkmenistanyň Kanunyndan we halkara şertnamalaryndan gelip çykýan wezipeleri üstünlikli durmuşa geçirmek maksady bilen, Türkmenistanyň Prezidenti Gurbanguly Berdimuhamedow karara gol çekdi. Resminama laýyklykda, Türkmenistanyň Maliýe we ykdysadyýet ministrliginiň ýanynda Maliýe gözegçiligi gullugy döredildi.

Şeýle hem resminama bilen, ady agzalan gullugyň gurluşy hem-de bu gulluk hakyndaky Düzgünnama tassyklanyldy.

ÇEŞME: Türkmen Portal

Ykdysadyýet we ösüş ministrligi ýatyryldy, Maliýe we ykdysadyýet ministrligini döredildi

nazaroff — Thu, 05 Oct 2017 10:33:30 +0000

5-nji oktýabrda prezidentimiz Gurbanguly Berdimuhamedow hökümetiň giňişleýin mejlisini geçirdi. Şol mejlisde prezidentimiz Ykdysadyýet we ösüş ministrliginiň zerurlygy aradan çykandygyny şu sözler bilen beýan etdi: "Giň gerimli bu gurluşyklar hem-de pudaklary ösdürmek bilen bagly meseleleri netijeli çözmek üçin biz Ykdysadyýet we ösüş ministrligini döretdik. Bellenen ösüş maksatnamalarynyň ählisi diýen ýaly tamamlanan häzirki döwürde, indi bu Ministrligiň zerurlygy aradan aýrylýar".
Prezidentimiz ykdysadyýet ministriligini Maliýe ministriligi bilen birleşdirip, onuň binýadynda Maliýe we ykdysadyýet ministrligini döretmek tabşyrygyny berdi. Ministrligiň ýolbaşçylygyna Batyr Bazarow bellenildi. Ministrler kabinetiniň başlygynyň orunbasary Orazmyrat Gurbannazarowy bolsa wagtlaýyn ykdysadyýet, bank we halkara maliýe gurluşlary meselelerine gözegçilik etmek wezipesinden boşatdy we onuň ýerine Goçmyrat Myradowy belledi.