Gyzgyn - "internet" teg entryler

5G gelýär! Internet tizligi has artarmyka?

selbiska — Sat, 28 Mar 2026 22:15:08 +0000

Dostlar, Altyn Asyryň 5G we 4G+ torlaryny giňeltmek üçin bäsleşik yglan edendigini eşidip örän begendim. Hakykatdanam, häzirki wagtda internetiň çalt bolmagy durmuşymyzyň ähli ugurlarynda örän möhüm, esasanam wideo ýükleýänimizde ýa-da onlaýn oýun oýnanymyzda köp kynçylyk çekýäris. Umyt edýärin, bu taslama tiz wagtdan amala aşyp, tölegleriň hem elýeterli bolmagyna getirer. Siz özüňiz internetiň hilinden näderejede razysyňyz we 5G-ni sabyrsyzlyk bilen garaşýarsyňyzmy?

TDYDI-de 2 sany halkara internet olimpiadasyny geçirmek meýilleşdirilýär

gyzgyn — Sun, 15 Jan 2023 01:23:18 +0000

Habar berşimiz ýaly, şu gün Prezident Serdar Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Mejlisiň barşynda wise-premýer N.Amannepesow ýurduň ýokary okuw mekdeplerinde halkara olimpiadalary geçirmäge görülýän taýýarlyk barada hasabat berdi. Bellenilişi ýaly, şol halkara olimpiadalaryň 2-si Türkmen döwlet ykdysadyýet we dolandyryş institutynda geçiriler. Has takygy, bu ýokary okuw mekdebinde 2023-nji ýylyň 12-nji aprelinde makroykdysadyýet, 16-njy maýynda dünýä ykdysadyýeti dersleri boýunça Açyk halkara internet olimpiadasyny sanly ulgam arkaly geçirmek meýilleşdirilýär. Halkara olimpiadalara Türkmenistanyň ýokary okuw mekdepleriniň talyplaryndan başga-da, Russiýa Federasiýasynyň, Amerikanyň Birleşen Ştatlarynyň, Hytaý Halk Respublikasynyň, Italiýa Respublikasynyň, Rumyniýanyň, Türkiýe Respublikasynyň, Hindistan Respublikasynyň, Belarusuň, Özbegistanyň, Gazagystan Respublikasynyň we beýleki onlarça döwletiň ýokary okuw mekdepleriniň talyplarynyň gatnaşmagyna garaşylýar. Prezident Serdar Berdimuhamedow hasabaty diňläp, amala aşyrylýan ýaşlar syýasatynyň esasy maksadynyň ýaş nesliň ukyp-başarnyklaryny, döredijilik we ruhy mümkinçiliklerini döwletiň hem-de jemgyýetiň bähbitleriniň durmuşa geçirilmegine gönükdirmekden ybaratdygyny aýtdy. Bu babatda ýurtda dünýä ölçeglerine laýyk gelýän ýokary hilli bilim almak üçin has oňaýly şertleriň döredilýändigi nygtaldy. Döwlet Baştutany wise-premýere meýilleşdirilen halkara olimpiadalaryň ýokary guramaçylyk derejesinde geçirilmegini üpjün etmegi tabşyrdy.

Soňky 6 ýylda Türkmenistanda internet 18 esse arzanlady

gyzgyn — Sat, 05 Jan 2019 13:47:42 +0000

Türkmenistanda çäksiz internet hyzmaty boýunça tölegler 2012-nji ýyldaky möçberi bilen deňeşdirilende häzir, ortaça, 17,4 esse arzanlady diýlip, internet çeşmelerinde aýdylýar. Arzanlaşyk bilen bir hatarda soňky ýyllarda ýurdumyzda çäksiz internetiň mümkinçilikleri artdyrdyryldy, tizligi hem güýçlendirildi.
Maglumatlara salgylansak, 2012-nji ýylda öýüne 256 kbit/s tizlikdäki interneti birikdirmek isleýän müşderi her aýda 2 müň 430 manat töleg geçirmeli bolýardy. Häzirki wagtda bolsa şu tizlikdäki çäksiz internetiň aýlyk bahasy şäher ýerlerinde 150, oba ýerlerinde 75 manada geldi. Bu bolsa ozalkysyndan 16-dan 32 essä çenli arzan diýmekdir.
Gürrüňi edilýän döwürde 2 Mbit/s tizlikdäki çäksiz internetiň bir aýlyk bahasy 19 müň 440 manatdy. Häzir bolsa ol aýda 350 manada çenli geldi. Şeýlelikde, ýokary tizlikdäki çäksiz internet ozalkysyndan 55 esse arzanlady.
Türkmenistanyň Aragatnaşyk ministrligi tarapyndan halka berilýän internet hyzmatlarynyň mundan beýläk hem elýeterli bolmagy üçin işler alnyp barylýar. Häzirki wagtda Türkmenistanda on müňlerçe hojalyk çäksiz internet hyzmatyndan peýdalanýar. Ýakyn ýyllarda ýurdumyzda internet ulgamynyň tizligini sekuntda 100 gigabite çenli ulaltmak göz öňünde tutulýar.

ÇEŞME: türkmen portal

Käýinçden soň Türkmentelekom internet bahalaryny arzanlatdy

merdan96 — Tue, 17 Oct 2017 07:26:53 +0000

Bilişimiz ýaly Türkmenistanda internet hyzmatyny berýän döwlet firmasy "Türkmentelekom" monolog pozissiýada. 5-nji Oktaýbrda geçirilen Mejlisde Türkmenistanyň prezidenti Gurbanguly Berdimuhamedow Aragatnaşyk ministri Baýramgeldi Öwezowa “edilen aragatnaşyk hyzmatynyň möçberini kemeldenligi üçin” käýinç bildirdi. Şondan soň Türkmentelekomyň resmi saýtynda (https://online.tm/tm/home-internet) ADSL internete birikmek üçin tarifleri peseltdi. Muňa görä, 2017-nji ýylyň 5-nji oktýbaryndan 31-nji oktýabryna çenli çäklendirmesiz internetiň peseldilen bahalary boýunça täze tarif planlary elýeterli bolar.
256 Kbit/s tizlikli internete birikmegiň bahasy 190-dan 135 manada çenli peseldiler (döwlet kursunda $38,5 ýa-da “gara bazar” kursunda $19), 512 Kbit/s tizlikli tarif adatça 250 manat bolan bolsa, indi 150 manada (döwlet kursunda $43 ýa-da “gara bazar” kursunda $21) elýeterli bolar. Şeýle-de, internete baglanmagyň maksimal tizligi 1-den 2 Мbit/s-e çenli artdyrylar, bu tarif 250 manada (döwlet kursunda $71 ýa-da “gara bazar” kursunda $36) durýar.
Aýlyk töleglerden başga, täze müşderileriň baglanmak üçin bir gezek 20 manat (döwlet kursunda $5,7 ýa-da “gara bazar” kursunda $3) manat, oturtmak üçinem 20 manat tölemegi zerur.
Bahasynyň wagtlaýyn arzanlanladylandygyna garamazdan, Türkmenistanda internet örän haýal we juda gymmat bolmagynda galýar.
Dünýäniň 131 ýurduny öz içine alýan Speedtest Global Index aýlyk reýting görkezijisinde Türkmenistan boýunça maglumatlar ýok, emma iň ýaramaz netijäni baglanmagyň ortaça tizligi bilen (3,42Мbit/s) Wenezuela görkezdi, bu Türkmenistanda hususy adamlara elýeterli bolan baglanmak tizliginden bir ýarym esseden gowrak tiz bolýar.
Reýtingiň başyny Singapur çekýär, bu ýerde internete baglanmagyň ortaça tizligi 156 Мbit/s-e barabar.
Türkmenistanda ADSL liniýasy boýunça basglanmagyň maksimal mümkin bolan tizligi 10 Мbit/s-e deň, emma ol diňe korparatriw müşderiler üçin eleýterli. Bu tarif hususy firmalar üçin bir aýda $4561 bolar ýa-da döwlet edaralary üçin $3638 bolar.
ÇEŞME: Türkmenistanyň Hronikasy