https://gyzgyn.com/teg/howa+menzili Powered by Gyzgyn https://gyzgyn.com/310/serhetabat-etrabynda-galaymor-howa-menzili-gurular Türkmenistanyň Ministrler Kabinetiniň 18-nji ýanwarda geçirilen mejlisinde wise-premýer Mämmethan Çakyýew döwlet Baştutanyna Mary welaýatynyň Serhetabat etrabynda Galaýmor howa menzilinde ýolagçy terminalynyň hem-de zerur desgalaryň gurluşygy barada hasabat berdi. Döwlet Baştutanyna şekiller arkaly täze howa menziliniň hem-de düzümleýin desgalaryň ýerleşýän ýeri görkezildi.<br /> <br /> Türkmenistanyň Prezidenti Gurbanguly Berdimuhamedow raýat awiasiýasynyň ýurdumyzyň ulag ulgamynyň möhüm bölegi bolup durýandygyny belläp, ýurdumyzyň sebitlerini baglanyşdyrýandygyny hem-de halkara logistika giňişligine üstünlikli goşulyşýandygyny nygtady.<br /> <br /> Milletiň Lideri ýurdumyzyň ähli welaýatlarynda ýolagçylara hyzmatlaryň tutuş toplumyny hödürleýän döwrebap howa menzilleriniň hem-de uçuş-gonuş zolaklarynyň gurulmagynyň howa ulagy ulgamynyň ösen düzümini döretmek, ygtybarlylyk maksady bilen ony iň täze enjamlar bilen enjamlaşdyrmak boýunça umumy strategiýanyň bir bölegidigini nygtady.<br /> <br /> Döwlet Baştutany wise-premýerden howa menzilleri gurlanda işleri guramaga, utgaşdyrmaga, alyp barmaga hem-de ýokary hilli üpjün etmäge degişli meseleleri berk gözegçilikde saklamagy talap etdi.<br /> <br /> ÇEŞME: Türkmen Portal serhetabat,galaymor,howa menzili,aeroport,mammethan cakyyew gyzgyn 310 85 5 1 0 1 1817 Habarlar https://gyzgyn.com/310/serhetabat-etrabynda-galaymor-howa-menzili-gurular Sun, 20 Jan 2019 02:32:26 +0000