12-nji dekabr 2017 - Türkmenistanyň 22-nji Bitaraplyk Baýramy

nazaroff — Tue, 12 Dec 2017 03:29:28 +0000

Türkmenistanyň bitaraplyk statusyna eýe bolan döwletdigi BMG-niň Baş Assambleýasynyň 1995-nji ýylyň 12-nji dekabrynda, dünýäniň 185 ýurdunyň goldamagynda kabul eden rezolýusiýasynda görkezilýär. Bu karara laýyklykda Türkmenistan Bitaraplyk statusyna salgylanyp, regional guramalaryň ençemesine goşulmakdan saklanýar. Şol sene Türkmenistanyň halky üçin taryhy gün bolan bolsa, Türkmenistanyň hökümetiniň halkara derejesindäki uly üstünligi hökmünde kabul edilýär. Şondan bäri her ýylyň 12-nji dekabrynda Bitaraplyk baýramlary Türkmenistanyň ähli künjeginde tutuş döwletimiz we raýatlarymyz tarapyndan mynasybetli bellenip gelýär. Bu gün hem 2017-nji ýylyň 12-nji dekabrynda Watanymyzyň hemişelik Bitaraplyk derejesiniň 22 ýyllygy dabaraly bellenildi.

Türkmenistan Garaşsyzlyk Baýramynyň taryhy we güni üýtgedildi

nazaroff — Wed, 11 Oct 2017 07:40:23 +0000

9-10 Oktaýbr 2017-de geçirilen Ýaşulylar Maslahatynda prezident Gurbanguly Berdimuhammedowyň teklibine laýyklykda resmi baýramçylyklarynyň täze sanawy Mejlisde tassyklandy. Şu täze kanuna görä, 1991-nji ýylda yglan edilen we her ýyl 27-nji Oktaýbrda bellenilýän Türkmenistanyň Garaşsyzlyk Baýramy 27-nji Sentýabra süýşürildi. Ýadyňyza düşýän bolsa bu 27-nji Sentaýbr Türkmenistanyň paýtagty Aşgabatda geçirilen 5-nji Aziýada Olimpiýat Oýunlarynyň hem ýapylyş günidi.
Başga bir üýtgetme bolsa 19-njy fewralda bellenilýän Baýdak baýramynda boldy. Şol gün indi Konstitusiýa güni bilen birleşdirilip, 18-nji maýda belleniler. Bu baýramçylyk 1994-nji ýylda döredilipdi we Türkmenistanyň ilkinji prezidenti Saparmyrat Nyýazowyň (Türkmenbaşy) doglan gününe gabat gelýädi.
Mundan başga-da Saparmyrat Türkmenbaşynyň ýogalan güni 21-nji Dekabr hem ýatlama güni hasaplanylmagyna karar berilse-de, bu gün resmi dynç alyş güni hasaplanylmady. Şol sanda 9-njy maýda bellenilýän Ýeňiş güni hem resmi dynç güni sanawynda çykaryldy. Diňeje şu aşakda ýazylan günler we baýramçylyklar täze kanunda resmi dynç alyş günleri hasaplanyldy:
1) Täze ýyl – 1-nji ýanwar;
2) Halkara zenanlar güni – 8-nji mart;
3) Milli bahar baýramy – 21-22-nji mart;
4) Türkmenistanyň Konstitusiýasynyň we Türkmenistanyň Döwlet baýdagynyň güni – 18-nji maý;
5) Türkmenistanyň Garaşsyzlyk güni – 27-nji sentýabr;
6) Hatyra güni – 6-njy oktýabr;
7) Halkara Bitaraplyk güni – 12-nji dekabr;
8) Gurban baýramy – Gurban baýramynyň anyk senesi her ýyl Türkmenistanyň Prezidentiniň Permany bilen kesgitlenilýär;
9) Oraza baýramy – Oraza baýramynyň anyk senesi her ýyl Türkmenistanyň Prezidentiniň Permany bilen kesgitlenilýär.

Gyzgyn - "garassyzlyk" teg entryler

12-nji dekabr 2017 - Türkmenistanyň 22-nji Bitaraplyk Baýramy

Türkmenistan Garaşsyzlyk Baýramynyň taryhy we güni üýtgedildi