Gyzgyn - "dasoguz" teg entryler

Daşoguzda Medeniýet hepdeligi geçiriljek eken!

jemal — Fri, 26 Jun 2026 18:36:05 +0000

Dostlar, täzelik eşitdiňizmi? 2027-nji ýylda Medeniýet hepdeliginiň Daşoguz welaýatynda geçiriljekdigi barada habar berdiler. Dogrusy, bu habar meni gaty begendirdi, sebäbi şol wagtlar biziň gadymy we owadan şäherimiziň şeýle iri çärelere taýýarlanmagy, ýollaryň hem-de medeni ojaklaryň täzelenmegi gaty gowy bolar. Daşoguzlylar üçin bu uly baýramçylyk bolar öýdýärin. Siz näme pikir edýärsiňiz, şol wagtky Daşoguzyň görnüşi nähili üýili bolar dersiňiz? Öz garaýyşlaryňyzy paýlaşsaňyz hoşal bolardym.

Daşoguzda pile möwsümi başlandy!

Ayperi — Sun, 03 May 2026 01:18:06 +0000

Daşoguzda pile möwsüminiň gyzgalaňly başlanandygy baradaky habary okap, hakykatdan hem begendim. Ýadymda, kiçikämem öýümizde pile gurçuklaryna ideg ederdik, şol pursatlar ýadyma düşüp, içim ýylydy. Bu iş hakykatdan hem zähmet talap edýän, ýöne şol bir wagtyň özünde-de bereketli kär. Siziň arasynda pile ösdürip ýetişdirýänler ýa-da öňler bu iş bilen meşgullananlar barmy? Bu ýylky möwsüm barada näme pikir edýärsiňiz?

Daşoguzda medeniýet baýramçylygy başlandy!

jemal — Fri, 27 Mar 2026 00:45:08 +0000

Dostlar, Daşoguzda geçirilen bu täze festiwal baradaky habary okanymda örän begendim, dogrusy sungatymyzyň şeýle giňden dabaralandyrylmagy ýüregimi buýsandyrýar. Medeniýetimiziň we däp-dessurlarymyzyň ýaş nesle ýetirilmegi üçin şeýle çäreler örän wajyp, şonuň üçin hem özümi şol ýerde ýaly duýdum. Daşoguzda bolanlaryňyz barmy ýa-da festiwalyň açylyşyny göreniňiz barmy? Siz bu festiwal barada näme pikir edýärsiňiz, geljekde şeýle çäreleriň başga welaýatlarda hem has ýygy geçirilmegine garaşýarsyňyzmy?

Daşoguzda täze ýaşaýyş toplumy açyldy

DrWaltBishop — Mon, 24 Sep 2018 02:07:19 +0000

Baş baýramçylygyň — ata Watanymyzyň Garaşsyzlyk gününiň öň ýanynda daşoguzly maşgalalaryň onlarçasy täze jaý toýlaryny tutdular. Şu gün ýurdumyzyň demirgazyk welaýatynyň dolandyryş merkezinde her birinde 16 öý bolan, dört gatly ýaşaýyş jaýlarynyň üçüsi ulanylmaga berildi.

Jaýlaryň ikisi “Nowruz” etrapçasynda “Türkmendemirbetonönümleri” önümçilik birleşiginiň Daşoguzdaky kärhanasynyň gurluşykçylary tarapyndan bina edildi. Üç we iki otagly giň öýlerden ybarat bolan jaýlarda amatly ýaşamak üçin zerur bolan ähli şertler döredildi.

Üç otagly öýüň umumy meýdany 140 inedördül metre, iki otagly öýüň meýdany bolsa 115 inedördül metre barabardyr. Olaryň her birinde kir ýuwulýan otag, penjireli eýwan bar.

Jaýlaryň ýene-de biri ýerli “Körpe gurluşyk” hususy kärhanasynyň hünärmenleri tarapyndan Baýdak köçesiniň ugrunda bina edildi. Iki we üç otagly öýler döwrebap aşhana mebelleri bilen üpjün edildi, beýleki amatlyklar göz öňünde tutuldy.

Soňky ýyllarda Daşoguzda döwrüň talaplaryna laýyk gelýän ýokary amatlykly ýaşaýyş jaýlaryny gurmagyň depgini görnetin ýokarlandy. Şunda ýurdumyzyň hususy kärhanalarynyň gurluşyk bazaryna giňden çekilmegi uly orun eýeledi. Ilat üçin ýaşaýyş jaýlarynyň gurluşygy öz gerimi bilen haýran galdyrýar. Häzirki wagtda täze köpöýli ýaşaýyş jaýlarynyň onlarçasy Şagadam, Daşoguz, Görogly köçeleriniň ugrunda bina edilýär.

Daşoguzdaky Ýokary Okuw Jaýlary türkmen bolmadyklary kabul edenok

semiz-we-aynekli — Wed, 01 Aug 2018 08:19:09 +0000

Şu günler Türkmenistanyň ýokary we orta hünärmenlik okuw jaýlarynyň aglabasyna giriş synaglary başlandy. Bu çäräniň başlanmagy bilen, Daşogzuň ýokary okuw jaýlaryna okuwa girmek üçin dokumentlerini tabşyrmaga baran käbir abituriýentler dürli kynçylyklar bilen ýüzbe-ýüz bolýarlar.
Howpsuzlyk ýagdaýlary sebäpli adynyň efirde atlandyrylmasyzlygyny soran daşoguzly çeşmämiz welaýatyň Mugallymçylyk orta hünärmenlik mekdebine we Oba-hojalyk institutyna giriş synaglarynyň geçen hepde başlanandygyny we oňa milleti türkmen bolmadyk ýaşlaryň kabul edilmeýändigini habar berýär.
“Häzir giriş synaglaryna baran milleti türkmen bolmadyk ýaşlary yzlaryna gaýtarýarlar. Okuw jaýlarynyň resmileri okuwa girmek isleýän başga milletiň çagalaryna ‘Pasportyňyza türkmen diýip ýazdyryp geliň. Ýaşaýan etrabyňyzyň pasport bölümine baryp, okuwa girjegiňizi aýtsaňyz, bir aýa ýetmän düzedip berýärler’ diýip, maslahat beripdirler” diýip, çeşmämiz bu barada özüne tatar, gazak we özbek milletinden bolan ýaşlaryň gürrüň berendigini aýtdy.
Mundanam başga, ol geçen hepde giriş synaglaryna gatnaşan daşoguzly ýaşlaryň ençemesine salgylanyp, welaýatyň Mugallymçylyk we Lukmançylyk orta hünärmenlik mekdeplerinde okuwa girmek isleýän abituriýentlerden soralýan paranyň möçberiniň şu ýyl 120000-160000 manada (öňki pul hasabynda 600-800 million manat) ýetendigini öňe sürýär.
Daşoguzdaky Oba-hojalyk institutyna okuwa girmek isleýän ýaşlardan soralýan paranyň möçberi bolsa, şu ýyl 500000-600000 manada (öňki pul hasabynda 2,5-3 milliard manat) ýetdi.

Daşoguzdan soňra Aşgabady uran duz tupany

josgun — Sat, 09 Jun 2018 16:06:18 +0000

Aralýaka sebitinden turan duzly gaý-tupan maý aýynyň aýagynda ilki Türkmenistanyň demirgazyk sebitlerine, soňra Aşgabada gelip ýetdi.
Baglary, ýollary, jaýlary galyň duz gatlagy örtdi.
Wideo Aşgabadyň golaýynda, Aşgabat-Daşoguz demir ýol uçastogynda düşürildi.
Kadryň arkasyndaky seslerden çen tutulsa, şaýatlar gorkupdyrlar we näme etjeklerini bilmeýärler. Kimdir biri “gaçmaly” diýip gygyrýar.

WIDEO1: https://www.youtube.com/watch?time_continue=22&v=oFRJLCDjEic
WIDEO2: https://www.youtube.com/watch?v=iJZolxn3Ng8
WIDEO2: https://www.youtube.com/watch?v=IVYdkRUvK_I
ÇEŞME: Türkmenistanyň Hronikasy

Gurbansoltan eje etraby agyr atletika sport mekdebi pälwanlary taýýarlaýan merkez hasaplanýar

nazaroff — Mon, 28 May 2018 00:35:19 +0000

Daşoguz welaýatynyň Nurmuhammet Andalyp adyndaky geňeşliginde ýerleşýän sport mekdebi tanymallyga ýeten agyr atletikaçylaryň ençemesini taýýarlady. Golaýda onuň okuwçylarynyň biri, ýaş ştangaçy Reýimbergen Jumaýew halkara ýaryşynda şowly çykyş edip, milli ýygyndy topara dalaşgär boldy.
Mekdebiň beýleki bir okuwçysy Şerzat Rustambaýew ýaşlaryň arasynda Ürgençde geçirilen Aziýa çempionatynda 77 kilograma çenli agramda bürünç medala mynasyp boldy. Dürli ýyllarda milli ýygyndy toparyň hatarynda çykyş eden agyr atletikaçylaryň ençemesi şu sport mekdebinde ussatlygyň ilkinji tilsimlerini öwrenipdiler. Olaryň arasynda Olimpiýa oýunlarynyň dördüsine gatnaşan halkara derejeli sport ussady Ümürbek Bazarbaýew, Olimpiýa oýunlarynyň ikisine gatnaşan Tolkunbek Hudaýbergenow, London Olimpiadasyna gatnaşan Mansur Rejebow, halkara ýaryşynyň bürünç baýragynyň eýesi Maksut Rejebow dagy bar.
77 kg çenli agramda V Aziadanyň ýeňijisi we 2017-nji ýylda agyr atletika boýunça ABŞ-da geçirilen dünýä çempionatynda kümüş medallaryň üçüsini eýelän Rejepbaý Rejebowam sportda ilkinji ädimlerini hut şu mekdepde edipdi.
Üstünlikli okuw-terbiýeçilik işiniň esasy sertleri-- maddy-tehniki üpjünçilik we halypalaryň netjeli usullarydyr, olaryň arasynda Rozumbaý Rejebow, Sanjar Kadyrbergenow, Hudaýbergen Rejebow ýaly ussat tälimçiler bar. Olaryň sport ussatlaryny ýetişdirmek, şägirtlerinde zähmetsöýerligi we türgenleşikleriň ähmiýetine düşünmegi terbiýlemek, olary şahsy ösüşlere höweslendirmek zehini netijesinde mekdebe gatnamaga höwesek çagalaryň sany barha artýar. Häzirki wagtda bu ýerde dürli ýaşdaky we agramdaky okuwçylaryň iki ýüz elliden gowragy tejribeli tälimçileriň ýolbaşçyllygynda rekordlar goýmaga erjel taýýarlanýarlar.

ÇEŞME: TRT HABAR

Daşoguz welaýatyndaky döwlet dükanlarynda un we çörek satmaklyga çäklendirme girizildi

nazaroff — Fri, 23 Feb 2018 15:44:15 +0000

Daşoguz welaýatynyň Gubadag etrabynda (ozalky Telman raýony) ýerli şertlerde öndürilen unuň satylmagyna çäklendirme girizilmegi sebäpli çöregiň we unuň ýiti ýetmezçiligi dowam edýär. Söwda ministrliginiň dükanlarynda uny bir ele 5 kilogramdan satýarlar. 1 kg un 0,90 manada durýar.
Undan başga, çörek söwdasyna hem çäklendirme girizildi. Bir adama 4 bölekden kän çörek satmaýarlar. Çörek bişirilýän kärhanalaryň öňünde 30-40 adamly nobatlar döreýär.
Dükanlaryň öňünde uzyn nobatlar döreýär we köplenç nobat üstünde dawa-jenjel turýar.

ÇEŞME: Türkmenistanyň Hronikasy

Daşoguzda Dollar Gara Bazarçylary (Walýutçikleri) awlanýar.

nazaroff — Thu, 15 Feb 2018 13:57:43 +0000

“Gara bazarda” dollaryň kursy birden aşak gaçdy. Eger 10-njy fewralda bir dollaryň bahasy 14-15 manada ýeten bolsa, häzir dollar 10 manada golaý bahadan satylýar.
14-nji fewral güni irden MHM-niň we Daşoguz polisiýasynyň işgärleri şäheriň merkezi bazary “Baý bazarda” walýutaçylary tutmak boýunça reýd geçirdiler. Alynan maglumatlara görä, reýd netijesinde bikanun walýuta operasiýasyny geçirýän adamlaryň azyndan 6-sy tutuldy.
Gizlenmäge ýetişen walýuta söwdagärleri başga bazarlarda ýerleşdiler ýa-da, diňe ynamdar adamlar bilen işleşip, öýlerinde söwda edýärler.
Walýutaçylaryň arasynda banklar bilen ilteşikli adamlar hem bar. Olara tutha-tutlugyň üç günläp dowam etjekdigini duýdurdylar we öýlerinden çykmazlygy maslahat berdiler.
Reýdler netijesinde dollaryň bahasy 9,60-dan 10,40 manada galdy.

ÇEŞME: Türkmenistanyň Hronikasy

Daşoguzda Çagalar bagy tölegleriniň gymmatlamagy protestlere sebäp boldy

nazaroff — Thu, 19 Oct 2017 01:55:55 +0000

9-njy oktýabrda Daşoguzdaky çagalar baglarynda aýlyk tölegleriniň 10 esse gymmatlanyp 8 manatdan 80 manata göterilendigi habarlary geldi. Ene-atalar çagalaryny alyp gitmäge gelenlerinde terbiýeçiler bu täzeligi olara habar berdiler. Muňa razy gelmeýän ene-atalar welaýat bilim bölümine garşy gurnalan nägilelik ýörişinde, welaýat bilim ýolbaşçysy olary köşeşdirmek üçin "bu meseläni şäher häkimligi bilen görüşmegi" masalahat edipdi. Şu sebäpli 10-njy oktýabrda irden, Daşoguz şäher häkimliginiň öňünde iki ýüze golaý adam özakymlaýyn protest aksiýasy üçin toplandy we protestçiler çagalar baglaryndaky tölegleriň äşe ýokarlanmagyndan nägilelik bildirdiler. Prostestler entegem dowam edýä diýlen habarlar bar.
Häkimligiň wekilleri ilaty köşeşdirmäge çalyşýarlar. Polisiýanyň narýady çagyryldy, emma häzirlikçe ýygnanan adamlar dargadylmady.
Täze girizilen töleg düzgüninden nägile bolan adamlaryň onlarçasy diňe Daşoguzda däl, ýurduň demirgazyk regionynyň beýleki etrap merkezleriniň hem käbirinde proteste toplandy.
Çagalar baglarynyň işgärleriniň aýtmaklaryna görä, tölegleri ýokarlandyrmak baradaky karar 5-nji oktýabrda kabul edildi. Nägile bolan ene-atalara birden tutuş bir aý üçin töleg etmän, günde 4 manatdan tölemegi, kä günler bolsa, pul tygşytlamak üçin, çagany çagalar bagyna getirmezligi teklip etdiler.
Protestçileri şäher häkimligine gönükdiren welaýat bilim ýolbaşçysy bolsa şol güni gije sagat on iki töwereginde, howpsuzlyk işgärleri tarapyndan öýünden tutlup, Daşoguzyň pasport edarasynyň ýanyndaky wagtlaýyn göz astynda tutulýan tussaghana äkidildi. Bu ýolbaşçy ýerli häkimiýetleriň "halky döwlete garşy öjükdirmek we prezidentiň halkyň bagtyýarlygy üçin edýän aladalaryna garşy gelmekde" aýyplaýandygyny, onuň tussag edilmeginiň yzýanyndan hem Daşoguzyň bir çagalar bagynda işleýän aýaly bilen şäherdäki bir mekdebiň hojalyk işlerine seredýän oglunyň hem işinden boşadylandygyny barada maglumatlar gelýär.

Daşoguzdaky 1-nji mekdebiň direktory tussag edildi

DrWaltBishop — Thu, 24 Aug 2017 02:18:26 +0000

Daşoguz welaýaty Daşoguz şäheriniň 1-nji mekdebiň direktory korrupsiýada güman edilýändigi üçin basylypdyr diýilýär. Bu habaryň dogrylygyny tassyklap biljek barmy, Daşoguzlylar?