Gyzgyn - "bank" teg entryler

Bank işgärleriniň arasynda küşt ýaryşy: Kim güýçli?

merdan96 — Mon, 30 Mar 2026 01:15:09 +0000

Dostlar, geçen gün bank işgärleriniň arasynda geçirilen küşt ýaryşy baradaky habary okap örän begendim. Hünär ugryzalyk bilen aýtsam, şeýle intellektual bäsleşikleriň işgärleriň arasynda geçirilmegi biziň hünärmenlerimiziň diňe bir sanlar bilen däl, eýsem strategiýa bilen hem näderejede başarnyklydygyny görkezýär. Özüm hem küşdi halaýaryn, şonuň üçin şeýle çäreleriň köpelmegi meni örän begendirýär. Siz näme pikir edýärsiňiz, şeýle ýaryşlar işgärleriň gündelik iş stressinden daşlaşdyrmaga kömek edýärmi, ýa-da siz hem küşt oýnamagy halaýarsyňyzmy?

Rysgal banky MasterCard töleg ulgamynyň agzalygyna girýär

gyzgyn — Sat, 12 Jan 2019 01:03:59 +0000

11-nji ýanwarda geçirilen Türkmenistanyň Ministrler Kabinetiniň mejlisinde wise-premýer Goçmyrat Myradow döwlet Baştutanyna ýurdumyzyň bank ulgamyny kämilleşdirmek maksady bilen görülýän toplumlaýyn çäreler barada hasabat berdi. Habar berlişi ýaly, müşderilere edilýän hyzmatlaryň gerimini giňeltmek we olaryň hilini ýokarlandyrmak üçin karz beriş edaralarynda nagt däl hasaplaşyklary geçirmegiň öňdebaryjy usullary giňden ulanylýar.

Häzirki günde “Altyn asyr” töleg ulgamynda “Internet-bank” we “Mobil-bank” hyzmatlaryny peýdalanýanlaryň sany artýar. Bu hyzmatlaryň kömegi bilen hususy bölege degişli müşderiler bank hasaplaryny karz edarasyna barmazdan, menzilara dolandyrmagy we hyzmatlaryň dürli görnüşlerini tölemegi amala aşyryp bilýärler. Ýakyn geljekde “Rysgal” paýdarlar-täjirçilik banky tarapyndan QR-koduň (dessin tassyklanylýan kod) ulanylmagy bilen tölegleri geçirmek ulgamyny işe girizmek meýilleşdirilýär.

Wise-premýer milletiň Liderine bu bankyň “MasterCard” halkara töleg ulgamynyň agzalygyna girmegi bilen baglanyşykly taýýarlyk işleri barada habar bermek bilen, bu ulgamyň töleg kartyny peýdalanýanlara niýetlenen halkara töleg kartlarynyň milli nusgalaryny Türkmenistanyň Prezidentiniň garamagyna hödürledi.

Bank hyzmatlarynyň sanawyny giňeltmek we hilini artdyrmak, şol sanda halkara derejede giňeltmek, öňdebaryjy tejribäni hem-de innowasion tehnologiýalary ornaşdyrmak geljegi uly ugurlaryň hatarynda kesgitlenildi. Türkmenistanyň Prezidenti Gurbanguly Berdimuhamedow milli peýdalanyjylar üçin “MasterCard” halkara töleg ulgamynyň plastik kartlarynyň hödürlenen nusgalaryny, umuman, makullap, wise-premýere birnäçe görkezmeleri berdi.

ÇEŞME: Türkmen Portal

Okuw üçin tölegler plastik kart arkaly alnyp başlandy

nazaroff — Sat, 08 Sep 2018 04:09:20 +0000

«Türkmenistan» gazediniň (05.09.2018) habar bermegine görä «Türkmenistan» döwlet täjirçilik banky Türkmenistanyň ýokary we orta hünär okuw mekdepleriniň okuw üçin tölegleriniň plastik kart arkaly nagt däl görnüşinde amala aşyrylmagy üçin agzalan okuw mekdeplerinde töleg terminallarynyň ornaşdyrylandygyny habar berýär.

«Türkmenistan» döwlet täjirçilik bankynyň merkezi edarasy boýunça habarlaşmak üçin telefon belgisi: 44-03-04.

Şahamçalaryň salgylary we telefon belgileri bankyň resmi web saýtynda görkezilen görkezilendir. www.tnbk.tm

Ýadyňyza düşýän bolsa, Türkmenistanda dollaryň bes edilmegi bilen daşary ýurtlarda okaýan talyplaryň okuw we ýaşaýyş tölegleri agsady we talyplar bu sebäpli gaty kyn ýagdaýa düşüpdi. Indi bolsa Türkmenistandaky banklar daşary ýurtlarda okaýan oglan gyzlaryň okuw töleglerini şol döwletiň walýutasy boýunça tölemek üçin talyplardan okuw hatlary soralýar. Bu okuw hatlary hökmany suratda resmi, peçatly we gol çekilen bolmaly. Munuň ýany bilen okuw hatynda okuw üçin tölenjek pul mukdary, puluň walýutasy, tölegiň sebäbi, we okuw jaýynyp resmi bank hasaby ýaly ýörite maglumatlar hem berilen bolmaly.

Daýhanbank döwlet täjirçilik banky hünärmenleri işe çagyrýar

nazaroff — Sat, 08 Sep 2018 03:58:26 +0000

«Türkmenistan» gazediniň (05.09.2018) habar bermegine görä «Daýhanbank» döwlet täjirçilik banky işgärleri döwrüň talaplaryna laýyklykda kämilleşdirmek üçin, hünärmenleri saýlap-seçip almak maksady bilen, boş duran wezipelere maliýe we bank ulgamynda 5 ýyldan köp iş tejribesi bolan ýokary ykdysady bilimli hünärmenleri işe çagyrýar.

Türkmenistandaky ýa-da daşary ýurt uniwersitetlerinde bank, maliýe, ykdysadyýet, täjirçilik, we dolandyryş boýunça bakalwr derejesini tamamlan raýatlar bu wezipelere ýüz tutup bilerler.

Habarlaşmak üçin: 38-02-73, 38-02-77, 38-02-67.

Türkmenistanda pensionerleri nagt däl hasaplaşyga geçirýärler

nazaroff — Sat, 23 Jun 2018 06:47:26 +0000

Türkmenistanda pensionerlere maý aýynda birden pensiýalaryň iýundan başlap, ozalkylary ýaly bank bölümlerinde nagt däl-de, bank kartlaryna geçirilip beriljekdigini, şu sebäpden gyssagly bank hasaplaryny açdyrmalydyklaryny habar berdiler.
Şunuň bilen baglylykda, beýle gysga wagt içinde pensionerleriň ählisiniň dokumentlerini gaýtadan resmileşdirmek mümkin bolmansoň, iýundan başlap diňe 65 ýaşdan bärdäki pensionerleriň pensiýalarynyň karta geçirljekdigini yglan etdiler. Galan ýaşy uly pensionerleriň pensiýalary biraz giç nagt däl hasaplaşyga geçiriler.
Pensionerlere pasportlarynyň nusgalaryny tabşyryp, bank kartlary üçin 20 manatdan pul tölemegi teklip etdiler. Olar üçin arza blankalary bank işgärleri tarapyndan dolduryldy.
Netijede, uly bökdençlikler bilen-de bolsa, nagt däl töleg sistemasy 1-nji iýundan işläp başlady. Ýöne pensionerleriň ählisi kartlaryny resmileşdirip ýetişmediler we olara geçen aýyň pensiýasy geçirilmedi. Wagtynda pensiýasy geçirilmedik adamlara pensiýalaryny nagt almaklary üçin talon berildi.
Kartlaryny alan pensionerlere olardan nähili peýdalanmalydygyny öwretmediler. Şeýle-de, kartlaryň ozal yglan edilişi ýaly, 65 ýaşa çenli bolan pensionerlere däl-de, 70 ýaşa çenli pensionerlere beriljekdigi belli boldy. Bu ýagdaý banklarda uly nobatlaryň döremegine alyp geldi.
Pensiýalar karta geçirilende we bankomatlardan nagt pul alnanda banklaryň hyzmatlary üçin töleg tutulmagy bolsa, kart eýeleri üçin ýene bir ýakymsyz we garaşylmadyk zat boldy. Nagt pul çykarylanda 1%-den sähel gowrak tutum tutulýär. Mysal üçin, bankomatdan 400 manat pul nagtlaşdyryp alsaň, bankyň hyzmatlary üçin 4,6 manat tutum tutulýar.
Bankomatlarda nobatlar döräp başlady. Sebäbi, Aşgabatda-da bank kartlary arkaly töleg edilýän terminallar dükanlaryň ählisinde ýok. Ýerli ýaşaýjylaryň aglabasy bazarlarda söwda edýärler we ol ýerde terminallar bolmansoň, diňe nagt hasaplaşmaly.
Regionlarda ýagdaý has-da kyn. Ol ýerlerde köp bolmadyk bankomatlar diňe iri şäherlerde oturdylypdyr we olaryň hem pullary basym gutarýar. Oba ýaşaýajylary şäherlere gidip, ol ýerden puly gutarmadyk bankomat gözlemeli.

ÇEŞME: Türkmenistanyň Hronikasy

Daşary ykdysady iş banky ýene pul nagtlaşdyrmagy çäklendirdi

DrWaltBishop — Fri, 15 Dec 2017 22:47:14 +0000

Daşary ykdysady iş banky ýene-de bank kartlaryndan daşary ýurtlarda pul nagtlaşdyrmak mümkinçiligine çäklendirme girizdi. Indi ýurduň raýatlary aýda 500 dollardan köp bolmadyk möçberde pul nagtlaşdyryp bilerler. Ýagny, günlük limit 15-16 dollar. Diňe studentlere we daşary ýurtda bejergi alýan näsaglara bu kadadan çykmaga rugsat berilýär. Bu kategoriýadaky adamlar, ozalkylary ýaly, daşary ýurda aýda 1000 dollara çenli geçirip bilerler. Ýöne munuň hem şertleri gaty kynlaşdy. Studentler okaýan döwletlerindäki Türkmenistan konsollyga gidip "gök peçat" goýdurmaly. Ýöne Türkmenistan konsollygy ähli döwletlerde ýok, bolan ýerlerinde-de diňeje paýtagt şäherlerde bar.
Hakykat ýüzünde bolsa, örän köp türkmenistanly söwda edip, plastiki kart bilen hasaplaşmakçy bolanda problema uçraýar. Kartlar arkaly töleleg edilende, gije-gündizdäki çäkden geçilmedigem bolsa, tölegleriň ýarysyna golaýy geçmeýär. Türkiýedäki bankomatlaryň öňünde pul nagtlaşdyrmaga çalyşýan türkmenistanly raýatlaryň uly nobatlary döreýär.