Gyzgyn - "aziyada" teg entryler

Aziadadaky birnäçe türkmen sportsmenleri doping ulanandygy üçin medallary alynyp tussag edildi

josgun — Mon, 29 Jan 2018 08:25:22 +0000

Aziadada çykyş eden türkmen sportsmenleriniň birnäçesiniň, doping ulanandygy üçin, ýaryşda gazanan netijeleri ýatyrylyp, medallary alnyp, käbirlerine hatda uzak ýyl türme tussaglygy berildi diýen gürreňler barha artýar.
Alynan maglumatlaryna görä, dopinge garşy garaşsyz komitetiň geçiren barlagy netijesinde, göreş boýunça bäsleşen türkmen pälwanlarynyň azyndan dördüsinden gadagan edilen kuwwatlandyryjy, ýagny doping tapyldy diýilýär. Ylaýta-da milli guşak göreşi boýunça pälwan – Aly Allaberdiýewyň 12 ýyllygyna türme basylandygy aýdylýar.
Aly Allaberdiýew 1991-nji ýylda Balkanyň Serdar şäherinde doglan, tanyşlarynyň biriniň sözlerine görä, ol häkimiýetler tarapyndan edilýän basyşlar esasynda şikesli eli bilen göreşmäge mejbur edildi we şu sebäpden gadagan serişdeleri ulanmaga mejbur galan bolup biler.
“Aly ozalam halkara ýaryşlarynda üstünlikli çykyş edýärdi. Onuň taýýarlygy gowudy. Ýöne ol Oýunlar mahalynda, häkimiýetleriň eden basyşyna, agyr türgenleşiklere we dürli köpçülikleýin çärelere psihiki taýdan çydamady. Ýaryşyň dowamynda Alynyň çep eline şikes ýetse-de, ony göreşmäge mejbur etdiler. Onuň çydaman, doping ulanan bolmagy mümkin” diýip, sportsmeniň tanyşlarynyň biri aýtdýar.
Ýöne bu maglumatlar (türkmen sportsmenleriniň doping ulanadygy) resmi çeşmelerden heniz tassyklanylmady.
Ýadyňyza düşýän bolsa, 24-nji ýanwar 2018-de Türkmenistanda Sport baradaky döwlet komitetiniň başlygy hem wezipesinden boşadylypdy.
Türkmenistanyň prezidenti 25-nji ýanwarda 2018-däki karary bilen Türkmenistanda Sport baradaky döwlet komitetiniň başlygy Toýly Kömekow başga işe geçmegi sebäpli wezipesinden boşadyp, bu komiteti ýatyryp, onuň bazasynda Sport we ýaşlar syýasaty ministrligini döretmek baradaky karara gol çekdi. Täze döredilen ministrlige Daýanç Gulgeldiýew ýolbaşçy bellendi. Döredilen täze edara esasy maksatnamasy ýurdyň sport pudagyny düýpli özgertmek, türkmen sportynyň dünýädäki abraýyny ýokary galdyrmak we türkmen ýaşlaryny sporta has giňden çekmek.

ÇEŞME: Türkmenistanyň Hronikasy

Aziýadanyň Türkmenistanly sportsmenlerine jaý, Toýota Camry we pul sowgat edildi

DrWaltBishop — Fri, 29 Sep 2017 01:15:32 +0000

17-27 Sentýabr 2017 aralygynda paýtagtymyz Aşgabatda geçirilen Ýapyk binalarda we söweş sungaty boýunça 5-nji Aziýada olimpiýat oýunlarda Türkmenistanly sportsmenler jemi 245 medal (89 altynş 70 kümüş, 86 bürünç) bilen döwletler kategoriýasynda 1-nji orny aldy.
Türkmenistan hökümeti bu üstünlikli we buýsançy netijeler üçin Türkmenistanly sportmenlere we olaryň tälimçilerine ýörite sowgatlar berdi. Dün gurnalan dabara bilen Türkmenistanyň prezidenti Gurbanguly Berdimuhammedow sportsmenlere we tälimçilerine bir-bir sowgatlaryny gowşurdy. Tälimçiler altyn nyşan, Türkmenistanyň tituly we Toýota Camry model awtoulag bilen sylaglandyryldy. Käbir sportsmenlere bolsa Aşgabatdan jaý hem sowgat edildi. Aziýadada altyn medal alan sportsmenler Toýota Camry model awtoulag; kümüş medal alan sportsmenler 5000 USD; bürünç medal alan sportsmenler bolsa 3000 USD pul bilen sylaglandyryldy.
Mundan başga-da Türkmenistanyň Mejlisiniň karary bilen prezidentimiziň ogly we Mejlisiň Kanun Komissiýa başlygy Serdar Berdimuhammedowa sporta beren goşantlaryndan ötrin ýörite nyşan berildi.

Türkmenistanyň ýygyndysy Aziýa oýunlarynda medal hasabynda birinji

nazaroff — Sun, 24 Sep 2017 04:38:08 +0000

24-nji sentýabrda, Ýapyk binalarda we söweş sungaty boýunça geçirilýän 5-nji Aziýa oýunlarynyň tamamlanmagyna 3 gün galandaTürkmenistan umumy medal sanynda ýakyn bäsdeşinden hem iki esseden gowrak kän medal bilen öňde barýar.

Häzirki pursatda, Aziadanyň resmi saýtynyň maglumatlaryna görä, türkmen sportsmenleriniň gapyrjagynda 197 medal bar (77 altyn, 55 kümüş, 65 bürünç). Ikinji orunda 79 medal (20 altyn, 15 kümüş, 44 bürünç) bilen Eýran, ondan soňra bolsa 51 medal (18 altyn, 18 kümüş, 15 bürünç) bilen Hytaý, 92 medal (16 altyn, 26 kümüş, 50 bürünç) bilen Özbegistan döwleti gelýär.

1 - Türkmenistan: 197 medal (77 altyn - 55 kümüş - 65 bürünç)
2 - Eýran: 79 medal (20 altyn - 15 kümüş - 44 bürünç)
3 - Hytaý Halk Respublikasy: 51 medal (18 altyn - 18 kümüş - 15 bürünç)
4 - Özbegistan: 92 medal (16 altyn - 26 kümüş - 50 bürünç)
5 - Taýland: 55 medal (16 altyn - 17 kümüş - 22 bürünç)
6 - Gazagystan: 53 medal (16 altyn - 13 kümüş - 24 bürünç)
7 - Günorta Koreýa: 24 medal (9 altyn - 6 kümüş - 9 bürünç)
8 - Wýetnam: 29 medal (8 altyn - 6 kümüş - 15 bürünç)
9 - Hong Kong: 21 medal (8 altyn - 4 kümüş - 9 bürünç)
10 - Gyrgyzystan: 42 medal (6 altyn - 14 kümüş - 22 bürünç)
11 - Hytaý Taýpeýi: 18 medal (6 altyn - 5 kümüş - 7 bürünç)
12 - Mongoliýa: 23 medal (5 altyn - 7 kümüş - 11 bürünç)
13 - Hindistan: 21 medal (5 altyn - 7 kümüş - 9 bürünç)
14 - Birleşen Arap Emirlikleri: 17 medal (5 altyn - 4 kümüş - 8 bürünç)
15 - Saud Arabystany: 10 medal (3 altyn - 5 kümüş - 2 bürünç)
16 - Katar: 8 medal (3 altyn - 3 kümüş - 2 bürünç)
17 - Yrak: 8 medal (3 altyn - 0 kümüş - 5 bürünç)
18 - Filippinler: 23 medal (2 altyn - 10 kümüş - 11 bürünç)
19 - Päkistan: 20 medal (2 altyn - 3 kümüş - 15 bürünç)
20 - Indoneziýa: 13 medal (1 altyn - 2 kümüş - 10 bürünç)
21 - Iordaniýa: 12 medal (1 altyn - 2 kümüş - 9 bürünç)
22 - Şri-Lanka: 4 medal (1 altyn - 2 kümüş - 1 bürünç)
23 - Owganystan: 10 medal (1 altyn - 1 kümüş - 8 bürünç)
24 - Fiji: 2 medal (1 altyn - 1 kümüş - 0 bürünç)
25 - Siriýa Arap Respublikasy: 3 medal (1 altyn - 0 kümüş - 2 bürünç)
26 - Bahreýn: 2 medal (1 altyn - 0 kümüş - 1 bürünç)
27 - Täjigistan: 35 medal (0 altyn - 8 kümüş - 27 bürünç)
28 - Malaýziýa: 1 medal (0 altyn - 1 kümüş - 0 bürünç)
29 - Marşal Adalary: 1 medal (0 altyn - 1 kümüş - 0 bürünç)
30 - Liwan: 4 medal (0 altyn - 0 kümüş - 4 bürünç)
31 - Awustraliýa: 2 medal (0 altyn - 0 kümüş - 2 bürünç)
32 - Ýaponiýa: 2 medal (0 altyn - 0 kümüş - 2 bürünç)
33 - Garaşsyz Olimpik Sportsmenler: 1 medal (0 altyn - 0 kümüş - 1 bürünç)
34 - Singapur: 1 medal (0 altyn - 0 kümüş - 1 bürünç)

Türkmen ýygyndysy iň kän altyn medaly guşakly göreş (39) we milli göreş (23) boýunça geçirilen ýaryşlarda aldy.

Mundanam başga, türkmen sportsmenleri jiu-jitsu (7 altyn), bilýard (2), kureş (2), taý boksy (2), agyr atletika (1) we konkur (1) boýunça geçirilen ýaryşlarda ilkinji orunlary eýelediler.

Doly statistakalar üçin Aziýadanyň resmi web sahypasyny zyýarat ediň: http://ashgabat2017.com/ru/medals

Türkmenistan adyna tapawutlanyp 6 altyn medal alan sportmen Seýdi Batyrow Aziýada oýunlarynyň iň rekortmen sportsmeni bolmana taýýarlanýar:
http://ashgabat2017.com/atos/ashgabat17/eng/zb/engzb_belt-wrestling-athlete-profile-n165240-batyrow-seydi.htm

Aziýada Alawy Otlandy

nazaroff — Sun, 10 Sep 2017 07:25:36 +0000

7-nji sentýabrda, Ýapyk binalarda söweş sungaty boýunça geçiriljek V Aziýa oýunlarynyň başlanmagyna 10 gün galanda, Mary welaýatyndaky “galkynyş” gaz ýatagynda aziadanyň alawynyň otlanmagyna bagyşlanan dabara boldy.
Türkmenistanyň prezidenti Gurbanguly Berdimuhamedow bu dabarany sportsmenler bilen Olimpiýa şäherçesindäki myhmanhanada, teleköpri arkaly synlady.

Wideo: https://www.youtube.com/watch?v=Nzfwr0fex5s

Aşgabatda sowadyjylaryň we split-sistemalaryň sökülmegi

nazaroff — Mon, 21 Aug 2017 05:54:49 +0000

Aziýada sebäpli Aşgabatdaky jaýlaryň köpsinde sowadyjylar (klimalar, kondisoýonerler) sökülip başlanypdyr. Munuň sebäbi kondisýonerleriň jaýlaryň daşky nazarlaryna berýän nä-hoş görünişleri bolsa gerek.

Daşary ýurtlara gitmek isleýänler üçin “gyzgyn liniýa”

nazaroff — Mon, 21 Aug 2017 05:47:15 +0000

17 Awgust - 27 Sentýabr aralygynda Aziýada sebäpli Türkmenistanda girizilen "Howpsuzlygy Üpjün etmek" kadalaryndan soň geň bir waka boldy. Daşary ýurtlara gitmek isleýän raýatlar üçin “gyzgyn liniýa” açyldy. Munyn “Daşary ýurdamy? Howlukma…“ diýen sözbaşy astynda “Neýtralnyý Turkmenistan” gazetasy bildirdi.

Bu bildirişde “eger siz okuw, iş, durmuşa çykmak ýa dostlaryňyzyň ýa tanyşlaryňyzyň çakylygy esasynda syýahatçylyk bilen bagly daşary ýurtlara gitmek isleýän bolsaňyz, howply ýagdaýlardan sowular ýaly, daşary ýurda çykmagyň we ol ýerde bolmagyň düzgünleri barada maglumat almak üçin “gyzgyn liniýa” telefony boýynça telefon ediň. Maslahat konfidensial we mugt, şol sanda ýüzbe-ýüz görnüşinde.” diýlip ýazyldy.

Ekran Suraty: https://i.hizliresim.com/RPqajZ.png

17-nji awgustdan 27-nji sentýabr aralygynda ýurtdan çykmak we girmek üçin rugsat almaly

nazaroff — Mon, 21 Aug 2017 05:39:51 +0000

15-nji awgustda geçirlen Döwlet howpsuzlyk geňeşiniň netijesinde Aziada wagtynda howpsuzlygy üpjün etmek üçin 17-nji awgustdan 27-nji sentýabr aralygynda ýurduň ähli regionlarynda harby we hukuk goraýjy organlaryň güýçlendirilen iş düzgüni yglan edildi. Muňa görä Türkmenistanyň daşarky ýurtlar bilen bolan serhetleri ýapyldy, wiza düzgüni çäklendirildi, gümrük gözegçiligi güýçlendirildi, ýurda girmek we ýurtdan daşary ýurda çykmak rugsada tabyn tutuldy.

Kadadan daşgary ýagdaýlarda bu meselelere gözegçilik etmek üçin ýörite komissiýa döredildi. 17 Awgust - 27 Sentýabr arasynda Aşgabatda gurnalmagy planlaşdyrylan halkara sergileriniň we çäreleriniň ählisi has giçki senelere süýşürildi.

Aziýada geçýänçä arak-şerap söwdasy gadagan

durdy — Sat, 19 Aug 2017 10:47:40 +0000

Türkmenistandaky dükanlaryň tekjelerinden spirtli içgiler ýitirim boldy. Söwda nokatlarynyň eýelerine Aziýa oýunlary geçýänçä arak-şerap önümlerini satmazlyk barada dilden görkezme berlipdir.

Aşgabatda hususy ulaglaryň gatnawy ýatyryldy

semiz-we-aynekli — Fri, 18 Aug 2017 01:32:23 +0000

Aziýada sebäpli Aşgabatda hususy ulaglaryň gatnawy doly ýatyrylyp, jemgyýetçilik transportlary bilen çäklendirilendi diýlen myş myş bar. Aziýada geçýänçä şeýle karara gelnipdir. Metro-a ýok Aşgabatda, şol jemgyýetçilik Transportlary diýlen diňeje Awtobuslar bolaýmasyn. Awtobuslaryň sany ýeter mika taýýarlyk görülendir laý. Aý bolmasa-da ýerli halk kynçylyk çekmese bolýa-laý.

Merkezi bank Aziadanyň hormatyna ýadygärlik pullary çykarýar

carlos — Mon, 14 Aug 2017 14:08:37 +0000

Türkmenistanyň Merkezi banky Ýapyk binalarda söweş sungaty boýunça geçiriljek V Aziýa oýunlarynyň hormatyna ýadygärlik pullaryň toplumyny, hersi 100 manat gymmaty bolan altyn we kümüş teňňeleri çykardy. Mundan öňräk 2012-nji ýylda geçirilen ilat ýazuwynyň hormatyna hem ýadygärlik pullary çykarylypdy.