Gyzgyn - "altyn asyr" teg entryler

TÝL - 2019: 12 Martda başlady

DrWaltBishop — Tue, 12 Mar 2019 07:58:13 +0000

12-nji martda ýurdumyzyň futbol çempionatynyň nobatdakysyna badalga berler. Dört aýlawdan ybarat bolan futbol çempionatymyzda toparlaryň sekizisi ("Altyn Asyr", "Ahal", "Şagadam", "Nebitçi", "Aşgabat", "Energetik", "Merw", "Köpetdag") çykyş eder - diýip, şu gün Türkmenistanyň Futbol federasiýasy resmi ýagdaýda habar berdi.

2019-nji ýylyň noýabryna çenli dowam etjek çempionatymyzyň birinji hem-de ikinji aýlawlary 12-nji mart – 15-nji iýul aralygynda geçiriler.

TÜRKMENISTANYŇ ÇEMPIONATYNA GATNAŞÝAN FUTBOL KLUBLARY
1. "Altyn Asyr" futbol kluby, Aşgabat şäheri
2. "Ahal" futbol kluby, Ahal welaýatynyň Änew şäheri
3. "Energetik" futbol kluby, Mary welaýatynyň Türkmenbaşy şäherçesi
4. "Şagadam" futbol kluby, Balkan welaýatynyň Türkmenbaşy şäheri
5. "Merw" bedenterbiýe-sport futbol kluby, Mary welaýatynyň Mary şäheri
6. "Köpetdag" futbol kluby, Aşgabat şäheri
7. "Aşgabat" futbol kluby, Aşgabat şäheri
8. "Nebitçi" futbol topary, Balkan welaýatynyň Balkanabat şäheri

13.03.2019 ý.,"AFK-nyň Kubogy – 2019", pleý-off jogap duşuşygy
"Hujand"(TJK) – "Ahal" (TKM)

Nobatdaky gezek geçirilýän ýurdumyzyň futbol çempionatyna badalga berildi. Paýtagtymyzda "Nebitçini" kabul eden geçen ýylyň çempiony "Altyn Asyr" 5:2 hasabynda ýeňiş gazandy. Bu duşuşykda paýtagtymyzyň toparynyň hüjümçileri Altymyrat Annadurdyýew bilen Murat Ýakşiýew hersi iki top geçirmegi başardylar. Bu duşuşygy ýokary derejede geçiren Myrat Annaýew bolsa bir topy öz adyna ýazdyrdy. Duşuşygyň dowamynda A.Annadurdyýewyň 11 metrlik urgyny geçirip bilmändigini bellemek gerek.

Türkmenbaşyda "Merwi" kabul eden "Şagadam" Baýramgeldi Nurlyýewiň netijeli urgusyndan soň 1:0 hasabyndaky ýeňşini baýram etdi. Maryda "Energetik" bilen duşuşan paýtagtymyzyň "Köpetdagy" jogapsyz toplaryň üçüsini geçirmegiň hötdesinden geldi.

I AÝLAW
I tapgyr:
Oýun 1. 12-nji mart "Altyn Asyr" 5 – 2 "Nebitçi" (Altyn Asyr: 9’-19’ Altymyrat Annadurdyýew, 22’-47’ Murat Ýakşiýew, 44’ Myrat Annaýew - Nebitçi: 33’ Aşyrgeldi Ylýasow, 86’ Akmämmet Metdäýew)
Oýun 2. 12-nji mart "Energetik" 0 – 3 "Köpetdag" (Köpetdag: 9’ Baýramgeldi Gulmaýew, 59’-83’ Nurýagdy Muhammedow)
Oýun 3. 12-nji mart "Şagadam" 1 – 0 "Merw" (Şagadam: 79’ Baýramgeldi Nurlyýew)
Oýun 4. 13-nji mart "Ahal" ? – ? "Aşgabat"

II tapgyr:
Oýun 5. 16-njy mart "Nebitçi" – "Merw"
Oýun 6. 16-njy mart "Köpetdag" – "Şagadam"
Oýun 7. 17-nji mart "Aşgabat"– "Energetik"
Oýun 8. 17-nji mart "Altyn Asyr" –"Ahal"

FIFA-nyň günleri 18-26.03.2018 ý.

22-26.03.2018 ý., 23 ýaşa çenli olimpiýa ýygyndy toparlarynyň arasynda
Aziýa Çempionatynyň saýlama ýaryşy

III tapgyr:
Oýun 9. 30-njy mart "Ahal" – "Nebitçi"
Oýun 10. 30-njy mart "Energetik" – "Altyn Asyr"
Oýun 11. 31-nji mart "Şagadam"– "Aşgabat"
Oýun 12. 31-nji mart "Merw"– "Köpetdag"

03.04.2019 ý.,"AFK-nyň Kubogy – 2019", toparçalaýyn duşuşyklary, I tapgyr
"Dordoý" (KGZ) – "Altyn Asyr" (TKM)
"Istiklol" (TJK)–("Hujand"/"Ahal")

IV tapgyr:
Oýun 13. 6-njy aprel "Nebitçi" – "Köpetdag"
Oýun14. 7-nji aprel "Aşgabat" – "Merw"
Oýun 15. 8-nji aprel "Altyn Asyr" – "Şagadam"
Oýun 16. 8-nji aprel "Ahal" – "Energetik"

V tapgyr:
Oýun17. 12-nji aprel "Şagadam" –"Ahal"
Oýun18. 12-nji aprel "Merw"– "Altyn Asyr"
Oýun 19. 12-nji aprel "Köpetdag" – "Aşgabat"
Oýun 20. 13-nji aprel "Energetik"– "Nebitçi"

17.04.2019 ý.,"AFK-nyň Kubogy – 2019", II tapgyr
("Hujand"/"Ahal") – "Dordoý" (KGZ)
"Altyn Asyr" (TKM) – "Istiklol" (TJK)

VI tapgyr:
Oýun 21. 20-nji aprel "Nebitçi" – "Aşgabat"
Oýun 22. 20-nji aprel "Ahal"– "Merw"
Oýun 23. 20-nji aprel "Energetik" – "Şagadam"
Oýun 24. 21-nji aprel "Altyn Asyr"– "Köpetdag"

VII tapgyr:
Oýun 25. 27-nji aprel "Şagadam" – "Nebitçi"
Oýun 26. 27-nji aprel "Merw" –"Energetik"
Oýun 27. 27-nji aprel "Köpetdag" – "Ahal"
Oýun 28. 27-nji aprel "Aşgabat"– "Altyn Asyr"

01.05.2019 ý.,"AFK-nyň Kubogy – 2019", III tapgyr
("Hujand"/"Ahal") – "Altyn Asyr" (TKM)
"Istiklol" (TJK)–"Dordoý" (KGZ)

II AÝLAW
VIII tapgyr:
Oýun 29. 4-nji maý "Merw" –"Şagadam"
Oýun 30. 4-nji maý "Köpetdag" – "Energetik"
Oýun 31. 5-nji maý "Aşgabat"–"Ahal"
Oýun 32. 6-njy maý "Nebitçi" – "Altyn Asyr"

IX tapgyr:
Oýun 33. 10-njy maý "Energetik" –"Aşgabat"
Oýun 34. 10-njy maý "Ahal"– "Altyn Asyr"
Oýun 35. 11-nji maý "Merw" – "Nebitçi"
Oýun36. 11-nji maý "Şagadam"– "Köpetdag"

15.05.2019 ý.,"AFK-nyň Kubogy – 2019", IV tapgyr
"Dordoý" (KGZ)–"Istiklol" (TJK)
"Altyn Asyr" (TKM) –("Hujand"/"Ahal")

X tapgyr:
Oýun 37. 17-nji maý "Köpetdag" – "Merw"
Oýun 38. 18-nji maý "Aşgabat" – "Şagadam"
Oýun 39. 19-njy maý "Nebitçi" – "Ahal"
Oýun 40. 19-njy maý "Altyn Asyr" – "Energetik"

XI tapgyr:
Oýun 41. 24-nji maý "Merw" –"Aşgabat"
Oýun 42. 25-nji maý "Köpetdag"– "Nebitçi"
Oýun 43. 25-nji maý "Şagadam" –"Altyn Asyr"
Oýun 44. 25-nji maý "Energetik"– "Ahal"

XII tapgyr:
Oýun 45. 30-njy maý (pe.) "Aşgabat"– "Köpetdag"
Oýun 46. 31-nji maý "Nebitçi"– "Energetik"
Oýun 47. 31-nji maý "Ahal" – "Şagadam"
Oýun 48. 1-nji iýun "Altyn Asyr" – "Merw"

FIFA-nyň günleri 03-11.06.2018 ý.

XIII tapgyr:
Oýun 49. 12-nji iýun "Aşgabat"– "Nebitçi"
Oýun 50. 12-nji iýun "Şagadam"– "Energetik"
Oýun 51. 12-nji iýun "Köpetdag" – "Altyn Asyr"
Oýun 52. 12-nji iýun "Merw"– "Ahal"

XIV tapgyr:
Oýun 53. 15-nji iýun "Nebitçi" – "Şagadam"
Oýun 54. 15-nji iýun "Energetik" – "Merw"
Oýun 55. 15-nji iýun "Altyn Asyr"–"Aşgabat"
Oýun 56. 15-nji iýun "Ahal"– "Köpetdag"

19.06.2019 ý.,"AFK-nyň Kubogy – 2019", V tapgyr
"Altyn Asyr" (TKM) –"Dordoý" (KGZ)
("Hujand"/"Ahal")– "Istiklol" (TJK)

26.06.2019 ý.,"AFK-nyň Kubogy – 2019", VI tapgyr
"Istiklol" (TJK) – "Altyn Asyr" (TKM)
"Dordoý" (KGZ) – ("Hujand"/"Ahal")

ÇEŞME: Türkmen Portal

5 Fewral 2019: AFK-nyň Çempiýonlar ligasyna badalga berilýär

gyzgyn — Tue, 05 Feb 2019 05:16:01 +0000

5-nji fewralda AFK-nyň Çempiýonlar ligasynyň saýlama tapgyrynyň ilkinji duşuşyklary geçiriler. Ilkinji duşuşyklar şu tertipde bolar:
«Al-Wihdat» (Iordaniýa) ― «Kuwaýt SK» (Kuweýt)
«Seres Negros» (Filippin) ― «Ýangon Ýunaýted» (Mýanma)
«Houm Ýunaýted» (Singapur) ― «Persiýa Jakarta» (Indoneziýa).
AFK-nyň Çempionlar ligasy ― 2019-yň toparçalaýyn tapgyryna 32 topar gatnaşar. AFK-nyň milli ýygyndylar boýunça reýtingine görä, Merkezi Aziýadan Özbegistanyň we Eýranyň toparlaryny yklymyň birinji derejeli ýaryşynda görüp bileris. Saýlama tapgyra Täjigistanyň çempiony «Istiklol» hem gatanaşar.
Ýakynda Özbegistanyň çempiony Lokomotiwiň hataryna çagyrylan milli ýygyndymyzyň kapitany Arslanmyrat Amanow karýerasynda ilkinji gezek AFK-nyň Çempionlar ligasynda yklymyň iň güýçli futbolçylary bilen ýaryşmaga mümkinçilik alar. Şeýle hem häzir Duşenbäniň Istiklolynda gözden geçirilýän hüjümçimiz Süleýman Muhadow topara goşulyp bilse, saýlama tapgyra gatnaşmaga hukuk gazanar. «Istiklol» saýlama tapgyryň ilkinji duşuşygyny 12-nji fewralda Özbegistanyň kubogynyň eýesi AGMK bilen geçirer.
Geçen ýyl AFK-nyň kubogyna mynasyp bolan Yragyň «Eýr Fors» topary hem şol gün özbek futbolçylary bilen duşuşar. Ikinji derejeli yklym ýaryşynda ýurdumyzyň «Altyn asyry» bilen finala çykyp, arzyly Kubogy gazanan yrakly futbolçylaryň Çempionlar ligasynyň saýlama tapgyryndaky ilkinji garşydaşy Özbegistanyň wise-çempiony «Pahtakor» bolar. Bu jübütleriň arasyndaky duşuşyk hem 12-nji fewralda geçiriler.
Geçen ýyl AFK-nyň Çempionlar ligasynyň baýrak gaznasy 4,2 million amerikan dollary bolan bolsa, bu ýyl onuň mukdary 8,4 million dollara çykaryldy. Ýagny 2 esse artdyryldy. Bu bolsa yklym ýaryşynyň gyzygyny has-da artdyrar.

ÇEŞME: Türkmen Portal

TÝL 2019: ilkinji transferler amala aşyryldy

gyzgyn — Tue, 22 Jan 2019 11:44:17 +0000

Türkmenistanyň Milli futbol çempionatynyň täze möwsümine taýýarlygyň çäklerinde ýurdumyzyň futbol toparlary düzümlerini hem güýçlendirýärler. Ýakynda Türkmenistanyň Futbol federasiýasynyň resmi saýtynda (www.tff.com.tm) geçen möwsümde «Türkmennebitönümleri» Baş müdirliginiň «Ahal» futbol toparynda çykyş eden Myrat Annaýew bilen Begenç Akmämmedowyň täze möwsümde ýurdumyzyň geçen ýylky çempiony ― Aragatnaşyk ministrliginiň «Altyn asyr» futbol toparyna goşulandygy habar berildi.

Bu futbolçylaryň ikisi hem hüjüme ýakyn bölekde çykyş edýär. Hüjümini güýçlendirmegi geçen ýyl AFK-nyň kubogynda finala çenli baryp ýeten «Altyn asyryň», bir tarapdan, täze möwsümde has ýiti hüjüm usulyny göz öňünde tutýandygyny aňlatsa, ikinji bir tarapdan, geçen möwsümde «aragatnaşykçylaryň» hatarynda çykyş eden käbir futbolçylaryň, şol sanda, hüjümçilerdir ýarym goragçylaryň käbiriniň täze möwsümiň bosagasynda toparyny täzeläp biljekdigini görkezýär.

«Ahalyň» ýene bir futbolçysy ― ýarym goragçy Orazberdi Myradow hem täze möwsümiň bosagasynda toparyny täzeledi. Ol öňde duran futbol möwsüminde paýtagtymyzyň «Aşgabat» futbol toparynyň üstünlikleri üçin göreşer.

ÇEŞME: Türkmen Portal

Türkmenistan Ýokary Ligasy 2018 - Altyn Asyr 5 gezek çempiýon

gyzgyn — Sun, 25 Nov 2018 23:51:26 +0000

17 Noýabr 2018 senesinde Türkmenistanyň Futbol boýunça milli çempionatynyň Ýokary ligasynda 26-njy möwsüm tamamlandy. Iň soňky tapgyra çenli dowam eden çempionlyk göreşi netijesinde Türkmenistanyň Aragatnaşyk ministrliginiň “Altyn asyr” futbol topary bassyr bäşinji gezek ýurdumyzyň çempiony bolmagy başardy. Munuň özi Türkmenistanyň futbol çempionatynyň rekordydyr. Mundan ozal diňe “Köpetdag” futbol topary 1992 -1995-nji ýyllar aralygynda bassyr dört gezek çempion bolup bilipdi. “Altyn asyr” bolsa bu rekordy indi bäş çempionlyga çykardy. Şol bir wagtyň özünde Türkmenistanyň at gazanan tälimçisi Ýazguly Hojageldiýewiň tälim berýän topary gazanan çempionlygynyň sany boýunça milli futbol taryhymyzda ikinji orna geçdi. Birinji orunda jemi alty gezek çempion bolan “Köpetdag” bar.

Geçen möwsümlerde bolşy ýaly, “Türkmenistan - Beýik Ýüpek ýolunyň ýüregi” ýylynda hem milli birinjlikde çempionlyk ugrundaky göreş juda ýiti boldy. “Türkmennebitönümleri” baş müdirliginiň “Ahal” futbol topary jemi dört aýlawdan ybarat möwsümiň üç aýlawynda ýaryşyň birinji ornuny hiç bir garşydaşyna bermän gelen hem bolsa, halkara ýaryşlarda tejribesini has artdyran “Altyn asyryň” futbolçylary soňky tapgyrlarda ýaryş tertibiniň başyna geçmegi başardylar. “Aragatnaşykçylar” 28 tapgyrda 66 utuk toplap, ikinji orundaky “Ahaldan” 6 utuk öňe saýlandylar.

Çempiony kesgitlemekde ýaryşyň jemleýji - 28-nji tapgyrynyň ähmiýeti uly boldy. Çünki şol tapgyrda “Altyn asyr” “Merwden” ýeňlip, “Ahal” “Energetikden” üstün çykyp bilen bolsa, “Türkmennebitönümleri” baş müdirliginiň topary taryhyndaky ilkinji çempionlygyna gowuşmaga mümkinçilik alardy. Ýöne “Altyn asyr” çempionlyga galan ýekeje ädimi juda ynamly ätdi we bäşinji gezek arzyly sepgide ýetdi. Has takygy, ähli duşuşyklary şu gün geçirilen 28-nji tapgyrda “Altyn asyr” “Merwden” 2:1 hasabynda üstün çykyp, çempionlyk ýeňşini gazandy. Çempion toparyň pökgülerini 67-nji minutda Wahyt Orazsähedow, şondan 5 minut soňra bolsa Begmyrat Baýow geçirdi. Şeýle-de bolsa “Merwiň” futbolçylary şol 5 minudyň aralygyna bir pökgi sygdyryp, birbada hasaby deňlediler. 69-njy minutda Döwlet Döwletmyradowyň geçiren pökgüsi “Merwiň” şu möwsümdäki iň soňky pökgüsi boldy.

“Ahal” bolsa iki gezek öňe saýlanmagyna garamazdan, Mary welaýatyna wekilçilik edýän beýleki bir topardan - “Energetikden” ýeňildi. 2:3 hasabynda myhman toparyň peýdasyna tamamlanan duşuşykda “Ahalyň” pökgülerini Didar Durdyýew (11-nji minutda) bilen Begenç Akmämmedow (48-nji minutda) geçiren bolsa, “Energetikden” Begenç Guldurdyýew (47-nji minutda), Bagtyýar Hojaahmedow (58-nji minutda, 11 metrlik jerime urgusyndan) we Alibek Abdyrahmanow (75-nji minutda) dagylar geçirdi. Bu duşuşygyň netijesi “Ahalyň” ýaryşy kümüş medal bilen tamamlamagyna sebäp bolan bolsa, “Energetigi” bir ýyl aralykdan soňra ýene-de bürünç medala ýetirdi. 2016-njy ýylyň futbol möwsüminde hem çempionaty bürünç medal bilen tamamlan Mary DES-niň hemaýatkärligindäki topar Ýokary ligada soňky dört möwsüm bäri çykyş edýär. Dört ýylda iki bürünç medal islendik topar üçin ýokary netijedir. Üstesine, “Energetik” Türkmenistanyň kubogy ugrundaky ýaryşda hem finala çykdy. Türkmenistanyň Içeri işler ministrliginiň “Köpetdag” futbol topary bilen geçiriljek şol final duşuşygy öňümizdäki 21-nji noýabrda bolar.

Möwsümiň üç aýlawynda ýaryş tertibiniň üçünji ornunda ýerleşip, soňky tapgyrlarda “Energetikden” yza galan geçen möwsümiň bürünç medalynyň eýesi - Türkmenbaşy şäheriniň “Şagadam” futbol topary jemleýji tapgyrda “Aşgabat” futbol toparyny tejribe hüjümçi Hemra Amanmämmedowyň geçiren pökgüleriniň ikisi bilen ýeňen hem bolsa, bu ýyl dördünjilige kanagat etmeli boldy. Öz meýdanynda Balkanabadyň “Nebitçisinden” 2:1 hasabynda üstün çykan “Köpetdag” hem üç günden geçiriljek finalyň bosagasynda ynamly oýny orta goýdy, hem-de çempionatyň agramly bölegini ýedinji orunda geçirendigine garamazdan, iň soňky tapgyrda altynjy basgançaga çykmaga mümkinçilik gazandy.

Şeýlelikde, ýaryş tertibiniň ilkinji üç ornuna degişlilikde “Altyn asyr”, “Ahal” hem-de “Energetik” mynasyp bolan bolsa, çempionaty “Şagadam” dördünji, “Merw” bäşinji, “Köpetdag” altynjy orunda tamamlady. Soňky iki orny bolsa “Aşgabat” hem-de “Nebitçi” toparlary eýelediler.

Ýokary liganyň çempionlygy “Altyn asyra” AFK-nyň kubogy - 2019 halkara ýaryşyna toparçalaýyn tapgyrdan başlamaga hukuk berýär. Diýmek, şu ýyl yklym ýaryşynyň finalyna çenli ýeňlişsiz baran “aragatnaşykçylara” öňümizdäki ýylda ýene halkara synag garaşýar. “Altyn asyryň” futbolçysy Altymyrat Annadurdyýew 19 pökgi bilen möwsümde iň kän tapawutlanan futbolçy boldy.

ÇEŞME: Turkmen Portal

Türkmen futbolynda ilk - Altyn Asyr AFK kubogynyň finalynda

gyzgyn — Fri, 05 Oct 2018 08:10:22 +0000

Paýtgatymyzyň “Altyn Asyr” topary türkmen futbolunyň taryhyndaky iň wajyp ýeňişleriň birini gazandy. Hawa, 3-nji oktýabrda paýtagtymyzda AFK-nyň interzolagynyň finalynyň jogap oýnunda Demirgazyk Koreýanyň “Aprel 25” topary bilen 1:1 hasabynda deňme-deň oýnan paýtagtymyzyň topary türkmen futbolunyň taryhyndaky täze sahypany açdy. Toparymyz myhmançylykda geçiren gollarynyň sany boýunça AFK-nyň Kubogynyň aýgytlaýjy duşuşygynda güýç synanyşmaga mümkinçilik aldy.

Türkmen toparlarynyň arasynda ilkinji bolup adyny AFK-nyň Kubogynyň finalyna ýazdyran “Altyn Asyr” Phenýanda geçen birinji duşuşykda (2:2) hem netijeli oýun görkezipdi. Gündogar Aziýa sebitiniň ýeňijisi bolan “Aprel 25”-iň toparymyz bilen geçiren duşuşygynyň öňüsyrasyndaky duşuşyklarynyň 8-sini hem ýeňiş bilen tamamlandygy, soňky ýarym finalda Singapuryň “Home Ýunaýted” toparyny iki duşuşykda 11:1 hasabynda ýeňmegi onuň mümkinçiliginiň näderejede ýokarydygyny görkezýär. Ýöne futbol boýunça milli ýygyndymyzyň esasyny düzýän paýtagtymyzyň topary iki duşuşygyň netijesi boýunça ynamly ýeňiş gazanmagy başardy.

Duşuşygyň birinji ýarymynyň 7-nji minutynda Han Song Hyokyň netijeli urgusy “Aprel 25”-i kanagatlandyrýan hasabyň tabloda ýazylmagyna getirdi. Şondan soň hüjümlerini artdyran myhmanlar ikinji ýarymda 11 metrlik jerime urgusyny urmaga mümkinçilik aldylar, ýöne derwezeçimiz Mämmet Orazmuhammedow sowukganlylygy elden bermedi. Oýnuň 64-nji minutynda “Altyn Asyryň” hüjümçisi Wahyt Orazsähedow eminiň bellän 11 metrlik urgusyny dürs ýerine ýetirmegi başardy. Şondan soňky edilen hüjümler netije bermedi.

Şeýlelikde, iki duşuşygyň netijesinde taryhy ýeňşi gazanan “Altyn Asyryň” AFK-nyň Kubogynyň finaldaky garşydaşy bu bäsleşigiň soňky ikisinde ýeňiji bolan Yragyň “Al-Kuwa” topary bolar. Final duşuşygynyň wagty hem-de geçiriljek ýeri az soňra mälim ediler.

AFK-nyň interzolagynyň finalynyň hasabaty:

“Altyn Asyr” (Türkmenistan) – “Aprel 25” (Demirgazyk Koreýa) – 1:1

Gollar: Wahyt Orazsähedow 64 (11 m.j.u.) (“Altyn Asyr”) – Han Song Hyok 7 (“Aprel 25”)

Duýduryşlar: Resul Hojaýew 21, Wahyt Orazsähedow 90+2 (“Altyn Asyr”) – Kim Yu Song 31, Kim Chol Bom 80 (“Aprel 25)

Tomaşaçy sany: 11750

2018 Türkmenistan Ýokary Ligasynyň 20-nji tapgyry

DrWaltBishop — Thu, 20 Sep 2018 08:00:26 +0000

Futbol çempionatymyzyň 20-nji tapgyrynyň çäginde geçiren duşuşyklaryny ýeňiş bilen tamamlan "Ahal" hem-de "Altyn Asyr" toparlary eýeleýän öňdäki orunlaryny saklap galdylar. Türkmenbaşy şäheriniň ýerlisi "Şagadam" Balkanabadyň "Nebitçi"sini kabul etdi. Bu duşuşykda Begenç Annagurbanow bilen Hemra Amanmämmedowyň netijeli urgulary "Şagadam"a wajyp üç utugy getirdi.
Futbol çempionatymyzyň üçünji aýlawynyň iň soňky tapgyry bolan 21-nji tapgyryň duşuşyklary 21-22-nji sentýabrda geçiriler.

XX tapgyryň duşuşyklarynyň netijeleri:

"Ahal" 3 - 1 "Aşgabat"
Gollar: Didar Durdyýew 18, 73, Guwanç Abylow 77 ("Ahal") – Nazar Baýramow 54 ("Aşgabat")

"Altyn Asyr" 3 - 0 "Energetik Mary"
Gollar: Gurbangeldi Sähedow 40, Begmyrat Baýow 44, Mekan Saparow 58 ("Altyn Asyr")

"Şagadam" 2 - 1 "Nebitçi"
Gollar: Begenç Annagurbanow 25 (11 m.j.u.), Hemra Amanmämmedow 40 ("Şagadam") – Aşyrgeldi Ylýasow 90+4 (11 m.j.u.) ("Nebitçi")

"Köpetdag" 2 - 0 "Merw"

Şu wagtky 8 komandaly Ýokary ligasynyň 2018 oçko tablisasy şeýle şekillendi:
1. FK AHAL - 44 Oçko (O:20, Ý:13, D:5, U:2)
2. ALTYN ASYR - 42 Oçko (O:19, Ý:13, D:3, U:3)
3. ŞAGADAM - 33 Oçko (O:20, Ý:10, D:3, U:7)
4. ENERGETIK MARY - 27 Oçko (O:20, Ý:7, D:6, U:7)
5. MERW - 23 Oçko (O:20, Ý:5, D:8, U:7)
6. KÖPETDAG - 21 Oçko (O:20, Ý:6, D:3, U:11)
7. FK AŞGABAT - 19 Oçko (O:20, Ý:5, D:4, U:11)
8. FK BALKAN - 11 Oçko (O:19, Ý:3, D:2, U:17)

***BELLIK:
- O: Oýun
- Ý: Ýeňiş
- D: Deňeçer
- U: Utulyş

Ralli-reýde gatnaşyjylar Altyn asyr Türkmen kölüne geldiler

gyzgyn — Fri, 14 Sep 2018 07:41:49 +0000

13-nji sentýabrda "Amul - Hazar 2018" awtorallisine gatnaşyjylar üçünji duralga - Garagumuň merkezinde ýerleşen "Altyn asyr" Türkmen kölüne geldiler. Ýaryşa gatnaşyjy toparlar "Altyn asyr" Türkmen köli" düşelgesine tarap ugrap, alaňlar we takyrlar köp bolan ýaryş ýoly boýunça 236 kilometr geçdiler.

"Amul - Hazar 2018" ýaryşynyň üçünji tapgyryna gatnaşan 46 ulagdan pellehana ilkinji bolup, däbe öwrülişi ýaly, Nani Roma we Aleks Haro geldiler. Ispanlylar ýoluň her aralygynda garşydaşlaryndan barha we barha arany açyp, aralyk hem-de umumy hasapda öňde barýarlar. Ýaryşyň şu tapgyrynda ikinji bolup pellehana 17 minut gijä galyp, Aýrat Mardeýewiň KAMAZY geldi. Emeli türkmen kölüne üçünji bolup, Miroslaw Zapletal hem-de onuň ýolbeledi Marek Sikora geldiler. Çehiýadan bolan jübüt umumy hasapda ikinji orny eýeleýär.

"Altyn asyr" Türkmen köli" düşelgesine gelensoňlar, ýaryşa gatnaşyjylary türkmen artistleri mähirli garşyladylar. Milli sazlar emeli kölüň töwereginde tebigatyň mukamy bilen täsin sazlaşykly utgaşdy. Ýaryşa gatnaşyjylar konsertden we milli türkmen tagamlaryndan lezzet aldylar.

Öňde täze gün hem-de ýaryşyň täze tapgyry garaşýar. Oňa gatnaşyjylar Balkan welaýatynyň çägine geçmeli bolar hem-de sebitiň çylşyrymly ýerlerinden aşmaly bolarlar. Ýöne, ýaryşa gatnaşyjylar täze badalga gününe çenli dynç alýarlar hem-de ajaýyp "Altyn asyr" Türkmen köli bilen tanyşýarlar.

Täze taryhy eýýamda daşky gurşawy goramak, şol sanda suw serişdelerini gorap saklamak we oýlanyşykly peýdalanmak wezipeleri döwlet syýasatynyň ileri tutulýan ugurlarynyň biridir. Häzir dünýäde ekologiýa meselesiniň ähmiýetine oňat düşünilýär. Şol meseleleri çözmezden, adamzat jemgyýetiniň mundan beýläkki durnukly ösüşini göz öňüne getirmek mümkin däl.

Türkmenistan halkara hyzmatdaşlygyna, bilelikdäki taslamalaryň amala aşyrylmagyna işjeň gatnaşýar. Şol taslamalar bütin adamzady tolgundyrýan möhüm ekologiýa meseleleriniň, ýagny suw we beýleki tebigy serişdeleri gorap saklamak hem-de dikeltmek, çölleşmä, ýerleriň ýaramazlaşmagyna garşy göreşmek, dünýä möçberinde howanyň ýylamagy, üýtgemegi ýaly meseleleriň çözülmegine gönükdirilendir.

Bu ulgamda ýurdumyz abraýly halkara guramalary, ilkinji nobatda, Birleşen Milletler Guramasy, Ählumumy ekologiýa gaznasy we beýleki düzümler bilen ýygjam gatnaşyk edip, Ýer ýüzüniň häzirki we geljekki nesilleriniň abadançylygynyň bähbidine bütindünýä ekologiýa meseleleriniň netijeli çözgütleriniň başlangyçlaryny öňe sürýär.

"Altyn asyr" Türkmen köli, hakykatdan-da, innowasion taslama bolup, ýurdumyzyň dünýäniň suw serişdelerini gorap saklamak bilen baglanyşykly umumadamzat meseleleri çözmäge uly goşant goşýandygyny subut edýär. Suwarylýan topraklaryň şorlaşmagy hem-de ýerasty suwlary sowmak meseleleri bilen gurak zolakda ýerleşen ýurtlaryň ählisiniň ýüzbe-ýüz bolýandygy hemmä mälimdir. Ekerançylygy üstünlikli alyp barmagyň hem-de suwdan peýdalanmagyň uly tejribesine eýe bolan Türkmenistan bu ulgamda ylmy-barlaglaryň öňbaşçysy bolup çykyş edýär hem-de beýleki döwletleri suw meselesine yhlasly garamaga çagyrýar.

Mälim bolşy ýaly, bu gidrotehniki ulgamyň ilkinji nobatdakysynyň ulanmaga berilmegi 2009-njy ýylyň 15-nji iýulynda hormatly Prezidentimiz Gurbanguly Berdimuhamedowyň gatnaşmagynda geçirildi. Türkmen kölüniň gurluşygy möhüm ykdysady we durmuş meseleleriniň toplumyny çözmäge gönükdirilendir.

Garagumda el bilen döredilýän köli gurmak boýunça iri möçberli we täsin taslamanyň durmuşa geçirilmegi döwlet Baştutanymyzyň üns merkezinde boldy. Milli Liderimiz bu ýerde ýaýbaňlandyrylan gurluşyk işleriniň barşy we netijeleri bilen yzygiderli tanyşdy. Netijede, Garagumda künjek döredildi. Ol çep kenardan şor suwlaryň Amyderýa akmagynyň öňüni almaga mümkinçilik berýär, geljekde bolsa Türkmenistanyň suwarymly ýerlerinden şor suwlaryň bu derýa akmagyny doly aradan aýyrmaga, ilatyň hojalyk zerurlyklary üçin kadaly şertleri we suw üpjünçiligini gowulandyrmaga hem-de Daşoguz welaýatynda suwarylýan ýerleriň melioratiw ýagdaýyny gowulandyrmaga mümkinçilik berer.

Şeýlelikde, ýurdumyzda suwuň ätiýaçlyk gory döredilýär. Ony geljekde tebigy taýdan arassalanmagy we döwrebap tehnologiýalaryň netijesinde oba hojalyk toplumynyň zerurlyklary - suw serişdelerini oýlanyşykly peýdalanmak, şor suwlaryny sowmak we topragyň şorlaşmak meselelerini çözmek, täze ýerleri özleşdirmek, öri meýdanlary giňeltmek, ekerançylyk ýerleri suwarmak, tehniki zerurlyklar üçin peýdalanyp bolar. Geljekde "Altyn asyr" Türkmen kölüniň döredilmegi emele gelen suw giňişligini hem-de sowujy zeý akabalaryny balyk senagatyny ösdürmek üçin peýdalanmaga mümkinçilik berer, köp babatda ýurdumyzyň howdan hojalyklarynda balykçylyk senagatynyň işini gowulandyrmaga ýardam berer.

Guşuçar belentlikden bary-ýogy birnäçe ýylda zeý akabalaryň ugrundaky ýerleriň tanalmaz derejede özgerendigi aýratyn göze ilýär. Şol ýerlerde az minerally suwlar bilen suwarmak üçin ýaramly bolan köp gumak ýerler bar. Ozallar bu ýerlerde diňe alaňlar bolupdy, häzir bolsa ýaşyl zolaklary peýda boldy, kölleriň özünde bolsa balyklaryň dürli görnüşleriniň peýda bolandygy hasaba alyndy. Maldarçylyk hem, şol sanda çölüň köp böleginiň suwlulandyrylmagynyň, öri meýdanlaryň giňeldilmeginiň hasabyna ösüşinde goşmaça itergi aldy.

Häzir "Altyn asyr" Türkmen kölüniň işlemegi Merkezi we Gündogar Garagumda zeý akabalarynyň ulgamynyň töwereklerinde göçüp-gonýan guşlar üçin täze oňyn ekologiýa we iým şertlerini döredýär, Daşoguz sowma akabasynyň hanasynyň ugrunda ýerleşen köller bolsa suwluk-batgalyk ýerlerde mesgen tutan ördekleri, gazlary, sakarbalaklary, jübtenleri, çuluklary we beýleki guşlary özüne çekýär.

Bu ýerde eýýäm höwürtgelemek we gyşlamak üçin täze ýerleriň ençemesi peýda boldy. Garagumuň merkezi böleginiň suwlulandyrylmagy seýrek duşýan toýnakly haýwanlaryň - üstýurt dag goýnunyň, gulanlaryň, jerenleriň köpelmegine oňat täsir edýär. Şol jandarlaryň köpüsi Türkmenistanyň Gyzyl kitabyna girizildi. Kölleriň kenarlarynda mesgen tutýan haýwanat dünýäsiniň wekilleriniň sany hem artýar.

Garagumda ösümlik dünýäsiniň 293 görnüşiniň, şol sanda ösümlikleriň 210 görnüşiniň ösýändigi bellärliklidir. Şolaryň köpüsi bejeriş häsiýetine eýe bolup, hormatly Prezidentimiz Gurbanguly Berdimuhamedowyň "Türkmenistanyň dermanlyk ösümlikleri" atly düýpli ylmy işinde beýan edildi. Milli Liderimiziň Garagum sährasynyň täsin zolaklaryny gorap saklamak hem-de dünýäde wagyz etmek meselelerine aýratyn üns bermegi netijesinde, ýurdumyzda ony ÝUNESKO-nyň Bütindünýä mirasynyň sanawyna girizmek boýunça möhüm işler alnyp barylýar.

Milli Liderimiziň başlangyjy bilen döredilen "Bereketli Garagum" täze döwlet goraghanasyny hem şu wezipeleriň çözülmegine gönükdirilendir. Ol Garagumuň ekoulgamynyň ilkibaşky we biraz üýtgän görnüşlerini ylmy esasda gorap saklamak, çöl we ýarym çöl zolaklarda goraghana işiniň esaslaryny işläp taýýarlamak, bu ulgamda halkara gatnaşyklaryny giňeltmek babatda nusga bolar.

"Amul - Hazar 2018" ralli-reýdine gatnaşyjylar "Altyn asyr" Türkmen köli" düşelgesinden ýaryş ýolunyň dördünji bölegi boýunça "Sport meýdançasy" düşelgesine ýola düşerler. Bu düşelge emeli kölden 409 kilometrlikde, Balkan welaýatyndaky Gamyşlyja diýen belentlikde ýerleşýär. Bu tapgyrda ýaryşyň geçmeli ýoly 244 kilometre deňdir.

Bu tapgyrda-da ýaryşa gatnaşyjylara ýene-de synag garaşýar. Milli Liderimiz Gurbanguly Berdimuhamedow Hazarýaka sebitinde Garagumuň çägesiniň aýratyn fiziki häsiýetlere eýedigini, munuň bolsa sürüjiden tizligiň kesgitli bir ýagdaýyny saýlamak başarnygyny talap edýändigini synag ýaryşlary döwründe belledi.

Şeýle kynçylyklara kimiň hötde gelip biljekdigini nobatdaky tapgyryň netijeleri görkezer.

Aziýa Kubogynda FK Altyn Asyr dowam edýär

nazaroff — Mon, 28 May 2018 01:01:29 +0000

Aziýa futbol konfederasiýasynyň ýaryşlarynyň toparçadaky tapgyry tamamlandy. “D” toparçasynyň toparlarynyň duşuşyklary türkmen janköýerleriniň aýratyn ünsüni çekdi, şonda 6 oýnuň dowamynda biziň iki toparymyz güýç synanyşdy. Olar ýurdumyzyň çempiony “Altyn asyr” hem-de Türkmenistanyň Kubogynyň eýesi “Ahal” toparlarydyr.
Jemleýji tapgyryň esasy duşuşygy Duşenbede geçirilip, ol ýerde Aşgabadyň “Altyn asyry” we Täjigistanyň “Istiklol” topary duşuşdy.
Biziň toparymyz ýaryş tertipnamasynda garşydaşyndan iki utuk yzda barýardy. Bu bolsa meýdançanyň eýelerine ruhuny galdyrýan uly artykmaçlyk berýärdi. Türkmen futbolçylaryna bolsa diňe ýeňiş zerurdy. Şol ýeňiş ugrunda ýer eýelerinden üstün çykmak üçin ildeşlerimize öz ähli erkini-yhlasyny bir ýere jemlemek gerekdi.
Şoňa görä-de, Türkmenistanyň Aragatnaşyk ministrliginiň topary uly hyjuw bilen oýna çykdy. Onuň üçin duşuşygyň birinji ýarymy üstünlikli boldy — iki pökgi “Istiklolyň” derwezesine salyndy. Oýnuň başynda Furkat Tursunow tapawutlandy, ahyrky minutda bolsa Zafar Babajanowyň dürs urgusy derwezä girdi.
Ýagdaýlaryň şunuň ýaly barşy türkmen futbolçylarynda oýnuň bagtly netije bilen tamamlanmagyna umyt oýardy. Emma duşuşygyň ikinji ýarymy has dartgynly boldy. “Istikloly” hatda deňlik hem kanagatlandyrýardy. Biziň garşydaşlarymyz ep-esli tagalla edip, bir jogap pökgini saldy.
Duşuşygyň soňlarynda, goşulan minutlaryň birinjisinde türkmen toparynyň derwezesine 11 metrlik jerime urgy ýerine ýetirilenden soň, hasap 2:2 boldy. Emma goşulan ýedinji minut “Altyn asyr” üçin bagtly pursatlary bagyş etdi, şonda Mihail Titow duşuşygyň tamamlanmagyna bary-ýogy sähelçe pursat galanda, biziň toparymyza ýeňiş getiren üçünji pökgini tora saldy. Türkmenistanyň topary toparçada birinji orny eýeläp, ýaryşy dowam edýär.
“Ahal” türkmen topary hem myhmançylykda Gyrgyzystanyň “Alaý” topary bilen oýnap, üstünlik gazandy. Duşuşygyň dowamynda 11 metrlik jerime urgyny ýerine ýetirip, Myrat Annaýew, Güýçmyrat Annagulyýew pökgi geçirdiler hem-de goşulan üçünji minutda ýene-de bir 11 metrlik jerime urgusyny Begenç Akmämedow ýerine ýetirdi.
Şeýlelikde, “Altyn asyr” 14 utuk toplap, “D” toparçany birinji ýerde tamamlap çempiýondaky ýoluna dowam etdi. Bu bolsa arzyly Kubok ugrunda göreşi dowam etmäge oňat mümkinçilik berýär. “Ahal” topary bolsa ýedi utugy bilen ýaryş tertipnamasynda üçünji orny eýeledi.
Köp sanly janköýerler Türkmenistanyň dört gezek çempionyny nobatdaky üstünligi bilen gutlaýarlar hem-de bellenilen maksatlara tarap ynamly öňe gitmegi arzuw edýärler.
“Altyn asyryň” garşydaşy bije çekişlikden soň kesgitlener, ýöne türkmen “aragatnaşykçylaryna” Kubok ugrundaky ýaryşyň bu tapgyrynda gowşak toparlaryň bolmaýandygyny ýatda saklamak gerek.

10-njy FEWRAL 2018 - BIRINJI TAPGYR
FK Alaý 3 - 6 Altyn Asyr
FK Istiklol 1 - 0 FK Ahal

26-njy FEWRAL 2018 - IKINJI TAPGYR
FK Ahal 5 - 0 FK Alaý
Altyn Asyr 2 - 2 FK Istiklol

11-nji ARPEL 2018 - ÜÇÜNJI TAPGYR
FK Ahal 0 - 0 Altyn Asyr
FK Istiklol 1 - 0 FK Alaý

25-nji APREL 2018 - DÖRDÜNJI TAPGYR
FK Alaý 2 - 3 FK Istiklol
Altyn Asyr 1 - 0 FK Ahal

01-nji MAÝ 2018 - BÄŞINJI TAPGYR
FK Ahal 0 - 1 FK Istiklol
Altyn Asyr 5 - 0 FK Alaý

16-njy MAÝ 2018 - ALTYNJY TAPGYR
FK Alaý 2 - 3 FK Ahal
FK Istiklol 2 - 3 Altyn Asyr

Bu netijeler soňunda her komanda 6 oýuny tamamlady we oçko tablisasy şeýle şekillendi.

1. Altyn Asyr FC (TKM) 14 oçko
2. FC Istiklol (TJK) 13 oçko
3. FC Ahal (TKM) 7 oçko
4. FC Alay (KGZ) 0 oçko

Aziýa futbol konfederasiýasynyň Kubogynda FK Ahal we Altyn Asyr toparlarymyz

josgun — Thu, 15 Mar 2018 02:43:40 +0000

Bİlşiňiz ýaly, Aziýa futbol konfederasiýasynyň Kubogy ugrundaky ýaryşlaryň ikiji tapgyry geçenlerde oýnaldy. "D" toparynda Türkmenistanyň Ýokary ligasyndan iki Aşgabadyň “Altyn Asyr” we "Ahal" toparlary bar. Birinji tapgyrda, Altyn Asyr Gyrgyzstanyň çempiýony FK Alaý toparyny Oş şäheriniň Ahmetbek Suýinbayew statiýonynda 6-3 hasaby bilen ýeňip 3 oçkonyň eýesi boldy. FK Ahal topary bolsa Täjigystanyň çempiýony FK Istiklol toparyna Hisar şäheriniň Hisar Merkez stadiýonynda 1-0 hasaby bilen ýeňilişe sezewar boldy.
Ikinji tapgyrda bolsa FK Ahal topary Aşgabatda FK Alaý toparyny 5-0 hasaby bilen ýeňip 3 oçkonyň eýesi boldy. Altyn Asyr topary bolsa Balkanabat şäherindäki Sport Toplumy stadiýonynda Täjikleriň FK Istiklol topary bilen 2-2 deňeşere galyp, 1 oçko gazandy.
Indiki tapgyr 11-nji Aprelde bolup geçer. Onda öz toparlarymyz FK Ahal we Altyn Asyr Aşgabatda duşuşýarka, Gyzgylaryň FK Alaý topary öz öýünde Täjikleriň FK Istiklol myhman eder.

10-njy FEWRAL 2018 - BIRINJI TAPGYR
FK Alaý 3 - 6 Altyn Asyr
FK Istiklol 1 - 0 FK Ahal

26-njy FEWRAL 2018 - IKINJI TAPGYR
FK Ahal 5 - 0 FK Alaý
Altyn Asyr 2 - 2 FK Istiklol

11-nji ARPEL 2018 - ÜÇÜNJI TAPGYR
FK Ahal - Altyn Asyr
FK Istiklol - FK Alaý

25-nji APREL 2018 - DÖRDÜNJI TAPGYR
FK Alaý - FK Istiklol
Altyn Asyr - FK Ahal

01-nji MAÝ 2018 - BÄŞINJI TAPGYR
FK Ahal - FK Istiklol
Altyn Asyr - FK Alaý

16-njy MAÝ 2018 - ALTYNJY TAPGYR
FK Alaý - FK Ahal
FK Istiklol - Altyn Asyr

ALTYN ASYR TOPARYNYŇ OÝUNÇYLARY:
1 Mämed Orazmuhamedow GK
2 Zafar Babajanow DF
3 Şöhrat Söýünow DF
4 Mekan Saparow DF
4 Selim Ataýew DF
5 Merdan Amangeldiýew DF
6 Seýitmyrat Çaryýew DF
7 Arslanmurat Amanow FW
8 Döwran Orazalyýew DF
9 Gurbangeldi Sähedow FW
11 Murat Yakşyýew FW
12 Serdar Annaorazow DF
13 Ahmed Gurbanow GK
14 Umidjan Astanaow MF
15 Akmyrat Jumanazarow DF
16 Nikita Gorbunow GK
16 Nurgeldy Astanow GK
17 Altymyrat Annadurdyýew FW
18 Döwletgeldi Mirsultanow FW
20 Begmyrat Baýow MF
20 Muhammed Astanow MF
21 Resul Hojaýew MF
22 Mekan Aşrow MF
23 Annasähet Annasähedow MF
24 Gurbangeldi Batyrow DF
27 Begenç Saidmämedow DF
27 welmyrat Ballakow MF
29 Serdar Geldiýew MF
30 Mihail Titow FW
- Begenç Annagurbanow DF
- Serdarali Ataýew FW
- Nazar Baýramow MF
- Selim Nurmuradow FW

FK AHAL TOPARYNYŇ OÝUNÇYLARY:
17 Ata Geldiýew DF
77 Merdan Kurbanow MF
- Gurbanmyrat Garaýew GK
- Hoşgeldy Hojowow DF
- Nurýagdy Muhammedow DF
- Gurban Annaýew MF
- Batyr Babaýew GK
- Güýçmyrat Annagulyýew DF
- Maksim Belyh MF
- Didar Durdyýew MF
- Guwanç Abylow DF
- Muhametguly Kulyýew MF
- Orazberdy Myradow MF
- Döwran Deýdiýew DF
- Süleýman Orazow MF
- Gurbanguly Aşyrow DF
- Wezirgeldi Ylýasow MF
- Abdy Bäşimow DF
- Yhlas Saparmämmedow MF
- Owezmyrat Owezmyradow GK
- Begenç Akmämedow FW
- Aýmyrat Hallyýew MF
- Kerim Karabekow FW
- Süleýman Muhadow FW
- Didar Hajyýew MF
- Myrat Annaýew MF

Türkmenistanyň Ýokary Ligasynda soňky 4 tapgara girildi - Altyn Asyr çempiýonlyk tahtynda otyr

nazaroff — Thu, 21 Dec 2017 11:33:21 +0000

Türkmenistanyň Ýokary Ligasynda 32-nji tapgyr tamamlandy, galdy soňky 4 tapgyr. Altyn Asyr çempiýonlyk tahtynda otyr.

    TOPAR         O     Ý     D     U     SG    GG    AW    BAL
1. Altyn Asyr    32    25    4      3      83     24    +59      79
2. Ahal             32    22    6      4      70     21    +49      72
3. Şagadam     32    19    3    10      55     32    +23      60
4. Balkan         32    14    5    13      51     47      +4      47
5. Aşgabat       32    13    6    13      32     44    -12       45
6. Energetik     32    11    5    16      45     47      -2       38
7. Köpetdag     32     9     6    17     35      55    -20       33
8. Merw           32    10    3    19      34     61     -27      33
9. Daşoguz      32     1     2    29      12     86    -74        5

***BELLIK:
- O: OÝUN,
- Ý: ÝEŇIŞ,
- D: DEŇLIK,
- U: UTUK,
- SG: SALAN GOLY,
- GG: GEÇIREN GOLY,
- AW: AWARAJ,
- BAL: OÇKO

ÇEŞME: http://www.betstudy.com/soccer-stats/c/turkmenistan/okary-liga/

24-nji tapgyryň «Altyn Asyr» - «Aşgabat» duşuşygy

nazaroff — Mon, 13 Nov 2017 05:26:04 +0000

«Altyn Asyr» — «Aşgabat» — 7:0.

Gollar:
1:0 Myrat Ýagşyýew (2 min.)
2:0 Myrat Ýagşyýew (penalty) (8 min.)
3:0 Myrat Ýagşyýew (11 min.)
4:0 Mekan Aşyrow (52 min.)
5:0 Gurbangeldi Batyrow (62 min.)
6:0 Myrat Ýagşyýew (75 min.)
7:0 Furkat Tursunow (90 min.)

« Myrat Ýagşyýew bombardirlik ýaryşynda iň ýakyn bäsdeşinden 4 gol bilen öňe saýlandy »
Aragatnaşyk ministrliginiň «Altyn Asyr»ynda soňky 2 duşuşykda 6 gezek tapawutlanan Myrat Ýagşyýew Ýokary liganyň 25-nji möwsüminiň bombardirlik ýaryşyndan iň ýakyn bäsdeşi Wahyt Orazsähedowdan 4 gol öňe saýlandy. Mälim bolşy ýaly, hüjümçi 24-nji oktýabrda «Aşgabat» bilen geçirilen duşuşykda poker edip, duşuşygyň esasy gahrymanlarynyň birine öwrüldi.
Myrat Ýagşyýewiň Ýokary liganyň şu möwsüminde indi 21 goly bar. Ikinji orundaky Wahyt Orazsähedowyň 17, üçünji orundaky Amir Gurbanynyň bolsa 15 goly bar. Myrat Ýagşyýewiň 2015-nji ýylda hem ýurdumyzyň bombardiri bolandygyny ýatladýarys.

« Myrat Ýagşyýew Ýokary liganyň soňky 6 möwsümindäki 100-nji goluny geçirdi »
Altyn Asyryň we milli ýygyndymyzyň hüjümçisi Myrat Ýagşyýew milli çempionatymyzyň soňky 6 möwsümindäki gollarynyň sanyny 100-e tegeledi. Ol bu sepgide ýetip bilen ikinji futbolçydyr. Myratdan öň onuň ozalky topardaşy, häzir bolsa «Şagadam»yň ýeňişlerine uly goşant goşýan hüjümçi Süleýman Muhadow bu sepgide ýetip bilipdi. Süleýman Muhadowyň gürrüňi edilýän möwsümden bäri Ýokary ligada 121 goly bar. Myrat Ýagşyýew bu gollaryny «Bagtyýarlyk-Lebap», «Turan», «Balkan» we «Altyn Asyr» toparlarynyň düzüminde geçirdi.
Süleyňman Muhadow bilen Murat Ýagşyýewiň bu serpgidini üçünji bolup gaýtalamaga, häzirlikçe, iň ýakyn futbolçy «Ahal»yň hüjümçisi Didar Durdyýew. Onuň 2012-nji ýyldan bäri Ýokary ligada 89 goly bar.

« Altyn Asyr — Aşgabat duşuşygy şu möwsümiň iň kän golly duşuşyklarynyň biri boldy »
Futbol boýunça milli çempionatymyzyň Ýokary ligasynda 24-nji tapgyryň çäklerinde oýnalan «Altyn Asyr» — «Aşgabat» duşuşygy möwsümiň iň kän golly iki duşuşygynyň biri boldy. Mundan öň diňe 20-nji tapgyrdaky «Altyn Asyr» — «Balkan» duşuşygy 7 gol bilen tamamlanypdy. Has takygy, şol duşuşykda «aragatnaşykçylar» «nebitçileri» 5:2 hasabynda ýeňipdiler. Bu görkezilen duşuşyklaryň ikisinde hem «Altyn Asyr»yň ýeňiji tarapda bolmagy «aragatnaşykçylaryň» bu ýyl hem çempionlygyň esasy dalaşgärleriniň biridigini görkezýär.

« Myrat Ýagşyýew möwsümde poker eden ilkinji futbolçy »
«Altyn Asyr»yň hüjümçisi Myrat Ýagşyýew şu möwsümde poker eden ilkinji futbolçydyr. Hüjümçi, mälim bolşy ýaly, 24-nji oktýabrda «Aşgabat» bilen geçirilen duşuşykda dört gezek tapawutlandy. Şol bir wagtyň özünde M.Ýagşyýew şu möwsümde bary-ýogy 11 minudyň dowamynda 3 gezek tapawutlanyp bilen ilkinji futbolçydyr.
Ýeri gelende aýtsak, möwsümde 21 gezek tapawutlanan futbolçynyň tapgyrlarda bir gezek het-trigi we iki gezek dubly hem bar. Geçen möwsümi bolsa ol bir het-trik, 4 dubl bilen tamamlapdy. Biziň hasaplamalarymyza görä, bu poker Ýokary liganyň soňky iki möwsüminde hasaba alnan ilkinji pokerdir.

ÇEŞME: TÜRKMEN PORTAL

2017 Türkmenistanyň Ýokary Liga çempiýony kim bolar? FK Ahal my ýa-da Altyn Asyr my?

DrWaltBishop — Thu, 19 Oct 2017 06:38:40 +0000

Türkmenistanyň Ýokary Ligasy 2017 ýylyň bäsleşikleri bu ýyl diýseň gyzykly geçýär. Şu wagtky oçko tablissasyna görä FK Ahal 59 oçko bilen birinji orunda dur. Yzy bilen 54 oçkoly Altyn Asyr komandasy gelýär, welin Altyn Asyr komandasynyň Aziýa çempiýonatlaryndaky çykyşlary sebäpli 2 oýuny kem. Çempiýon bolan komanda 2018 ýylyndaky Aziýa Çempiýonlar Ligasyna Türkmenistan adyndan gatnaşmaga hak gazanar.
Türkmen futbol janköýerleri sabyrsyzlyk bilen FK Ahal we Altyn Asyr toparlarynyň arasynda gyzgyn bäsleşigi we yza galan 11 duşuşygyny tomaşa etmäne garaşyp otyrlar.
Şu wagtky 9 komandaly Ýokary ligasynyň 2017 oçko tablisasy şeýle şekillendi:
1. FK AHAL - 59 Oçko (O:25, Ý:18, D:5, U:2)
2. ALTYN ASYR - 54 Oçko (O:23, Ý:17, D:3, U:3)
3. ŞAGADAM - 48 Oçko (O:25, Ý:15, D:3, U:7)
4. FK BALKAN - 41 Oçko (O:25, Ý:12, D:5, U:8)
5. FK AŞGABAT - 32 Oçko (O:24, Ý:10, D:2, U:12)
6. ENERGETIK MARY - 29 Oçko (O:25, Ý:8, D:5, U:12)
7. MERW - 27 Oçko (O:25, Ý:8, D:3, U:14)
8. KÖPETDAG - 23 Oçko (O:25, Ý:6, D:5, U:14)
9. TURAN - 4 Oçko (O:25, Ý:1, D:1, U:23)
***BELLIK:
- O: Oýun
- Ý: Ýeňiş
- D: Deňeçer
- U: Utulyş

Bilişiňiz ýaly Türkmenistan ligi 9 komandadan ybarat we ligadaky oýunlar 2 tapgyrda oýnanýar. Birinji tapgyrda 18 oýun oýnanýar her komanda beýleki her bir komanda bilen öz öýünde bir we myhmançylykda bir gezek duşuşýar. Ikinji tapgyrda-da 18 oýun oýnanýar edil birinji tapgyr ýaly. Şeýlelik bilen liga tamamlananda her komanda beýleki her bir komanda bilen öz öýünde 2 oýun we myhmançylykda-da 2 oýun oýnap ligany tamamlaýar. Ýagny her bir komanda jemi 36 oýun oýnaýar. Şu wagta çenli oýnan duşuşyklardan alynan netijeleri tablissada şeýle jemlenýar: https://i.hizliresim.com/kXWlMv.png

Şunu belläp geçmek peýdaly bolar. Altyn Asyr topary 2014 ýylyndan bäri yzly yzyna 3 gezek Türkmenistanyň Ýokary Liga Çempiýony boldy. Esasanam, gyzykly zat Altyn Asyr ilkinji çempiýonlygyny 2014 ýylynda alan wagty FK Ahal komandasy bilen diýseň gyzgyn bäsleşik içinde ligany tamamlady. Şol ýyl iki komandanyň hem oçkolary deňdi (89 oçko), emma Altyn Asyr komandasynyň geçiren we geçirilen gol sanawynda 6 gol tapawut bilen birinji oruna ýerleşip çempiýon bolupdy. Garaşyp göreli, Altyn Asyr yzly yzyna 4-nji çempiýonlygyny alarmyka ýa-da FK AHAL özüniň ilkinji çempiýonlygyny yglan edermikä.
Türkmenistanyň Ýokary Ligasy 1992-njy ýylynda döredilipdi. Ondan öň bolsa TSSR Futbol Ligasy bardy. Ine öňki çempiýonlaryň listi:
*** TSSR Döwründäki Çempiýonlar
1937/38 Lokomotiw Aşgabat
1938 Dinamo Aşgabat
1939-45 geçirilmedi
1946 Dinamo Aşgabat
1947 Spartak Aşgabat
1948 Dinamo Aşgabat
1949 Lokomotiw Aşgabat
1950 Spartak Aşgabat
1951 DOSA Aşgabat
1952 DOSA Aşgabat
1953 Dinamo Aşgabat
1954 Mary oblasty (ýygyndy)
1955 Aşgabat şäheri (ýygyndy)
1956 Gyzyl Metallist Aşgabat
1957 Aşgabat oblasty (ýygyndy)
1958 Aşgabat şäheri (ýygyndy)
1959 Nebitdag şäheri (ýygyndy)
1960 Çärjew şäheri (ýygyndy)
1961 Energetik Nebitdag
1962 Energetik Nebitdag
1963 Gurluşykçy Mary
1964 Serhetçi Aşgabat
1965 Serhetçi Aşgabat
1966 Serhetçi Aşgabat
1967 Serhetçi Aşgabat
1968 Serhetçi Aşgabat
1969 Serhetçi Aşgabat
1970 Garagum Mary
1971 Maýak Çärjew
1972 Energogurluşykçy Mary
1973 Sementçi Büzmeýin
1974 Awtomobilist Aşgabat
1975 Nebitçi Krasnowodsk
1976 Energetik Mary
1977 Şatlyk Mary
1978 Nebitçi Krasnowodsk
1979 Nebitçi Krasnowodsk
1980 Nebitçi Krasnowodsk
1981 Gurluşykçy Nebitdag
1982 Lokomotiw Aşgabat
1983 Obahojalyktehnika Çärjew
1984 Nebitçi Krasnowodsk
1985 Lokomotiw Aşgabat
1986 Nebitçi Krasnowodsk
1987 SKIF Aşgabat
1988 Ahal Aşgabat Raýon
1989 Medik Nebitdag
1990 Awtomobilist Aşgabat
1991 Obahojalyktehnika Aşgabat
----------------------------------
*** Türkmenistanyň Ýokary Ligasy Çempiýonlary
1992 Köpetdag Aşgabat
1993 Köpetdag Aşgabat
1994 Köpetdag Aşgabat
1995 Köpetdag Aşgabat
1996 Nisa Aşgabat
1997 geçirilmedi
1998 Köpetdag Aşgabat
1999 Nisa Aşgabat
2000 Köpetdag Aşgabat
2001 Nisa Aşgabat
2002 Şagadam Türkmenbaşy
2003 Nisa Aşgabat
2004 Nebitçi Balkanabat
2005 HTTU Aşgabat
2006 HTTU Aşgabat
2007 Aşgabat FK
2008 Aşgabat FK
2009 HTTU Aşgabat
2010 FK Balkan
2011 FK Balkan
2012 FK Balkan
2013 HTTU Aşgabat
2014 Altyn Asyr
2015 Altyn Asyr
2016 Altyn Asyr
2017 ? (Altyn Asyr ýa-da FK Ahal)

LINK: https://www.scorespro.com/soccer/turkmenistan/yokary-liga/2017