Gyzgyn - "abs" teg entryler

John Fitzgerald Kennedy

gyzgyn — Wed, 14 Nov 2018 06:58:54 +0000

Jon Fisžerald Kennedi (John Fitzgerald Kennedy) (29 Maý 1917 – 22 Noýabr 1963).
ABŞ-nyň döwlet işgäri. Irland asylly baý katolik maşgalasynda dogulýar. Londonyň ykdysadyýet mekdebini we Garward uniwersitetini tamamlaýar (1940 ý.) 1941-1945-nji ýylarda ABŞ-yň harby deňiz güýçlerinde gulluk edýär. 1947-1953-nji ýyllarda Massaçusets ştatyndan wekiller palatasynyň agzasy. 1953-1960-njy ýyllarda senator, 1960-njy ýylda prezident saýlanýar. Ol ABŞ-nyň 35-nji prezidentidir. "Täze sepgitler" hem-de kosmosy özleşdirmek baradaky "Apollon" maksatnamalarynyň awtory. 1963-nji ýylyň noýabr aýynda Dallasda atylyp öldürilýär.
Žon Kennedi ilki ýurduň ykdysady pese gaçmasyny togtatmagy başardy. Ykdysadyýetini janlandyrmak üçin salgytlary peseltmek isledi. Emma onuň bu teklibini kongress goldamady. Ol aram özgertmeleriň käbirini durmuşa geçirmäge eýgerdi. Ol iş hakynyň ýokarlandyrylmagyny durmuşa geçirdi. Raýatlaryň hukuklary hakynda kabul edilmegini-de gazandy. Emma ol bilimi ösdürmek ýa-da garrylara lukmançylyk kömegini bermek ýaly syýasatlaryny durmuşa geçirip bilmedi. Ýöne kosmos barlaglaryny güýçlendirmegi welin, amala aşyrdy.
Kennedi daşary syýasat meselesinde SSSR we sosialistik ýurtlar bilen gatnaşyklarda ylalaşykly syýasatyň tarapdarydy. Ýöne onuň eglişikli daşary syýasatyna N. Hruşýow ABŞ-yň ejizligi hökmünde nädogry düşünipdi. Dogrusy, "sowuk urşuň" soňuna çykmaga Hruşýowda mümkinçilik bolupdy.
Kennedi 1963-nji ýylyň noýabr aýynyň 22-sinde Tehas ştatyndaky Dallas şäherinde üsti açyk maşynda barýarka öldürildi. Ol aram özgerdişler ugrunda göreşen prezident hökmünde halkyň ýadynda galdy.

Donald John Trump

gyzgyn — Wed, 14 Nov 2018 06:55:31 +0000

Donald John Trump (d. 14 iýun 1946: Queens, Nýu-Ýork) söwdagär, syýasatçy we Amerikanyň Bileşen Şatatlarynyň şu wagtdaky prezidenti. 8 noýabr 2016-da geçirilen saýlowlarda Respublikaçylar partiýasynyň dalaşgäri hökmünde Hillary Kinton-dan üstün çykyp Amerikanyň Birleşen Ştatlarynyň 45-nji prezidentli boldy.
Donald Trump 1960-nji ýyllarda käbir sebäplere görä okuwy taşlamaly bolýar. Soňra Pensilwaniýa Uniwersitetiniň Wharton Institute-ynda okaýar. 1971-nji ýylda kakasynyň kärhanasyny dolandyryp başlaýar. Kärhana "Trump Organisation" diýip atlandyrylýar we merkezini Manhattana geçirýär. Gysga wagtyn içinde myhmanhanalarda adyny tanadýar. 1999-nji ýylda kakasy aradan çykýar. 2000-nji ýylda bolan saýlawlarda Reform partiýasynyň başlygy hökmünde dalaşgär boldy we gysga wagtyň içinde dalaşgärlikden çykdy. 2001-ni ýylda bu partiýadan çykýar. 2004-nji ýylda NBC telekanalynda "Şägirt" (The Apprentice) gepleşigini taýýarlap şow dünýäsine gadam basdy. Käbir pikirleri üçin Parahatçylyk ugry boýunça Nobel baýragyna dalaşgär görkezildi emma ýeňiji saýlanmady. 2016-nji ýylda saýlawlarda İslamofobik gepleri we beren wadalary bilen tankyt edildi. Forbes'iň 2016-nji ýylda dünýäniň iň baý 400 adamy sanawuna adyny goşdy. 2016-nji ýylda saýlawlarda ýeňiş gazanyp ABŞ taryhyndaky iň garry prezident boldy (saýlanan wagtyna çenli aralykda).

Maşgalasy:
Donald Trump nemes asylly bir maşgalada doglan. Dellek garry atasy Frederick Trump 1869-nji ýylda germaniýada dogulýar. 1885-nji ýylda häli 16 ýaşyndaka ABŞýa göçýär. Kanadanyň Klondike welaýatynda altyn resursyny tapdy. Diňe özi altyn çykarmak bilen çäklenmän altyn bilen baýamak isleýänlere iýip içer ýaly restoranlary açdy.Özi ýaly nemes immigrant Elizabeth Christ bilen 1902-nji ýylda toý etdi. Harby borjy ýerine ýetirmezlik we salgyt tölemezlik üçin Germaniýa gidýär. Ýöne gysga wagtyň içinde Amerika yzyna dolanýar. 11 oktýabr 1905-nji ýylda Fred Trump dogulýar. Frederick Trump 1918-nji ýylda ölenden soňra ýaşajyk Fred Trump ýaş bolsa hem söwdägarlige başlaýar. 22 ýaşyna ýeteninde Elizabeth Trump & Son ady bilen bir kärhana gurýar. Şol ýyllarada garalara garşy gurama agza bolanlygy sebäpli türmä basylýar. II jahan urşyyndan soňra kärhanasyny ulaltýar we uly bri baýlygyň eýesi bolýar. Şol ýylarda Nýu-Ýork Quenss-de jaý alyp satmaga başlaýar. Jynsparazlyk edip gara adamlara öý satmaýar. 1935-nji ýylda hyzmatkär şatland immigrant Mary Mecleod bilen durmuş gurýar. Maryanne, Frederick Jr, Elizabeth, Donald we Robert diýip çagalary bolýar.
Donald Trump şu wagta çenli üç gezek durmuş gurdy. Jemi üç sany ogly we iki sany gyzy we sekiz sany agtygy bar. Trump ilki bilen 1972-nji ýylda Çeh model Ivana Zelníčková bilen durmuş gurdy. Bu nikadan Donald Trump Jr., Iwanka we Eric dünýä indi. Jübüt 1992-nji ýylda aýrylyşsa hem ýakyn gatnaşykda boldular. 1997-nji ýylda Trump bu gezek aktrisa Marla Maples bilen nikalaşdy. Bu nakadan Tiffany dünýä indi. Iki ýyl soňra 1999-njy ýylda nika bozulýar. 2005-nji ýylda slowýan model Melaniýa Knauss bilen nikalaşdy. 2006-njy ýylda ogly Barron doguldy. Melaniýanyp saýlow kampaniýasynda adamsy hakyndaky eden çykyşy Barack Obamanyň aýaly Michelle Obamanyň Demokratik pariýasynyň mejlisinde eden çykyşyna meňzemegi dawa döretdi". Käwagt öýde iki ogul çagam bar, biri ýaşajyk bir oglum we beýekisi adamym" diýen çykyşy hem jedellere getirdi.

ABŞ türkmen pagtasynyň importyny gadagan etdi

nazaroff — Sun, 27 May 2018 23:41:53 +0000

ABŞ Türkmenistanda öndürilen pagta we bu ýurduň pagtasyndan taýýarlanan önümleriň ähli görnüşiniň ýurda import edilmegine gadagançylyk girizdi. Sebäbi bolsa pagta önümlerinde çaga we mejbury zähmetiň ulanylmagy diýlip gözkezildi.
Adam hukuklaryny goraýan birnäçe guramalardan emele gelen “Cotton Campaign” bileleşigi ABŞ-nyň türkmen pagtasy baradaky kararyny gutlady.
Türkmenistan ýaly ýurtlarda gowaça meýdanlarynda çagalaryň, mugallymlaryň, saglyk işgärleriniň we beýlekileriň mejbury işledilmegi ýaly faktlara halkara derejesinde iş alyp barýan hukukçy aktiwistler, şol sanda “Cotton Campaign” hem ullakan alada bildirip gelýärler.
Mundan owal, dünýäniň belli, şol sanda H&M, IKEA ýaly söwda markalary hem, mejbury zähmetiň ulanylýandygy sebäpli, türkmen pagtasyndan ýüz öwrüpdiler.
ÇEŞME: Türkmenistanyň Hronikasy

BMG, ABŞ-nyň kararyna garşy Ierusalym taslamasyny kabul etdi, Türkmenistan ses bermäne gelmedi

DrWaltBishop — Thu, 21 Dec 2017 07:36:43 +0000

Bilişiňiz ýaly, ABŞ-nyň prezidenti Donald Trump 2 hepde öňräk ABŞ-nyň Ysraýyldaky ilçihanasyny Ierusalyma göçürmek we Ierusalymy Ysraýyl döwletiniň paýtagty hökmünde ykrar etmek meýilnamasynyň kabul edip ýörgünlige goýjakdygyny yglan etdi. Muňa Türkiýe dňwleti başda bolmak bilen onlarça döwlet garşy çykyp ýazgarypdy.
Ierusalym yslam, ýewreý we hrystyýan dinleri üçin mukaddes ýerlerden biridir. Şäheriň statusyny üýtgetmek bir tarapdan birnäçe wagtdan bäri dowam edýän Ysraýyl-Palestina gepleşikleriniň bökdelmegine, Palestina döwletiniň gurulmagy hakyndaky tagallalara ýaramaz täsirini ýetirer, beýleki tarapdan bolsa dinlerara çaknyşyga sebäp bolup biler aladalaryny ýüze çykarypdy.
Geçen hepde Birleşen Milletler Guramasy (BMG) öz agzalary bolan 193 döwletlerini 21-nji dekabr 2017-de Ierusalym taslamasyna ses bermäge çagyrdy. Bu taslamada: "Mukaddes şäher Ierusalymyň statusy we demografiki ýagdaýyny üýtgetjek islendik taslama ýa-da resmi kararlar hökümsizdir, ýörginsizdir we bes edilmelidir. Döwletler resmi ilçihanalaryny Ierusalyma göçürmekden daş durmalydyr" diýlip ýazylan.
Ine BMG-nyň bu günki sesleşigine 193 agzadan 172 döwlet gatnaşdy we 21 döwlet gatnaşmady. Gatnaşmadyk döwletler arasynda Türkmenistan hem bar. Bitaraplyk statusy esasynda Türkmenistan bu sesleşigine gatnaşmady diýip oýlaýan.
Bu taslamada 128 döwlet kabul ses berdi, 9 döwlet ret ses berdi we 35 döwlet kararsyz galdy. Şeýlelik bilen Ierusalym taslamasy kabul edildi we Ierusalym Ysraýylyň paýtagty hasaplanylmady.

Sesleşigiň netijelerini şu linkdan görüp bilersiňiz: https://i.hizliresim.com/QprlaV.jpg

Kararsyz galan döwletler: Antigua – Barbuda, Awustraliýa, Argentina, Bahamalar, Benin, Butan, Bosniýa – Gerzogowina, Kamerun, Kanada, Kolombiýa, Horwatiýa, Çehiýa, Dominik, Ekvator Ginesi, Fiji, Haýiti, Wengriýa, Ýamaýka, Kiribati, Litwaniýa, Lesoto, Malawiýa, Meksika, Panama, Paraguaý, Filipinler, Polşa, Romaniýa, Rwanda, Solomon Adalary, Günorta Sudan, Trinidad-Tobago, Tuwalu, Uganda, Wanuatu.

Ret ses beren döwletler: Guatemala, Honduras, Ysraýyl, Marşall Adalary, Mikroneziýa, Nauru, Palau, Togo, ABŞ.